Luka 11:9 - New Testament

⁹ Pʋyɔɔ meheyiɣ-mɩ se: ɩsʋlʋmɩ Ɛsɔ, ɛhaɣ-mɩ, ɩñɩnɩ ɛ-cɔlɔ, ihikiɣ, ɩma pɔɔyʋʋ yɔɔ, ɛtʋlʋʋ-mɩ.

Luka 11:9 ပူးပေါင်းရင်းမြစ်များ

Maatiyee 21:22

Yee ɩwɛnɩ lidaʋ Ɛsɔ yɔɔ yɔ, ɛhaɣ-mɩ mbʋ́ pɩtɩŋa payɩ ɩpɔzʋʋ-ɩ mɩ-Ɛsɔ sɛʋ taa yɔ.»

Maatiyee 21:31

Peeɖe Yesu pɔzɩ-wɛ se: «Sɩ-naalɛ sɩ-taa lɛ, ŋgá kalabɩ mbʋ́ ka-caa liu wɛɛ yɔ?» Pocosi-i se: «Kajalaɣ ñɩŋga.» Ɛlɛ́, eheyi-wɛ se: «Toovenim lɛ, mankaɖɩɣ-mɩ se tikee mʋyaa nɛ halaa mbá pɛpɛdɩɣ pa-tɩ yɔ, pɛlɛyɩɣ-mɩ sʋʋ Ɛsɔ Kewiyaɣ taa.

Maatiyee 6:29

Ɛlɛ́, meheyiɣ-mɩ se halɩ wiyaʋ sɔsɔ Salomɔɔ nɛ ɛ-ñɩm tɩŋa yɔ, ɛtaawɛnɩ wonuu nakʋyʋ nɛ kɩtalɩ hɛtʋ ńdʋ́ tɩ-taa nakʋyʋ ɖeu.

Maarkɩ 11:24

Pʋ-yɔɔ meheyiɣ-mɩ se mbʋ́ pɩtɩŋa ɩsʋlʋmʋʋ Ɛsɔ yɔ, ɩwɛnɩ lidaʋ se paa pɩɩla ɛzɩma, ɛhaɣ-mɩ-pʋ. Pʋbʋ, pɩlakɩ ḿbʋ́ ɖɔɖɔ.

Maarkɩ 13:37

Ndʋ́ meheyiɣ-mɩ yɔ, ɛyáa tɩŋa meheyiɣ-tʋ. Ɩcaɣnɩ mɩ-ɛsɛ.»

Luka 11:10

Mbʋ́ pʋyɔɔ yɔ, weyi ɛsʋlʋmʋʋ-ɩ yɔ, ɛhaɣ-ɩ, weyi ɛ́lɛ́ ñɩnɩɣ ɛ-cɔlɔ yɔ, ehikiɣ, weyi ɛ́lɛ́ makɩ pɔɔyʋʋ yɔɔ yɔ, ɛtʋlʋʋ-ɩ.

Yohanɛɛsɩ 14:13

Mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ, malakɩ-pʋ se pɩtɩŋnɩ mɔ-yɔɔ nɛ man-Caa hɩɖɛ sɛɛ.

Yohanɛɛsɩ 15:16

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Yohanɛɛsɩ 15:7

Yee ɩkpɛndɩ mɔ-yɔɔ tam nɛ ɩɖɔŋ mɔn-tɔm yɔɔ yɔ, paa ɛbɛ mi-liu ɛwɛɛ nɛ ɩpɔzɩ yɔ, pahaɣ-mɩ-pʋ.

Yohanɛɛsɩ 4:10

Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

2 Kɔrɛntɩ 6:2

Mbʋ́ pʋyɔɔ yɔ, Ɛsɔ yɔɔdaa se: «Pɩtalɩ ɖeu labʋ lɛ, manɩnɩ-ŋ. Pɩtalɩ ñʋʋ yabʋ lɛ, mansɩnɩ-ŋ.» Ɩnɩɩ camɩyɛ se: lɛɛlɛɛyɔ lɛ Ɛsɔ ɖeu labʋ alɩwaatʋ. Lɛɛlɛɛyɔ ɛyakɩ ɛyáa ñʋʋ.

Ebree 11:6

Ŋgʋ́, yee nɔɔyʋ ɛwɛɛ nɛ ɛfɛyɩnɩ lidaʋ Ɛsɔ yɔɔ yɔ, ɛ-tɔm ɛɛkɛdɩɣnɩ-ɩ. Mbʋ́ pʋyɔɔ yɔ, weyi ɛñɔtʋʋnɩ-ɩ yɔ, pʋwɛɛ se etisi se ɛwɛɛ. Etisi ɖɔɖɔ se ɛlakɩ mbá pañɩnɩɣ-ɩ yɔ kʋjɔʋ.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.

Yakubu 1:5

Yee mɩ-taa nɔɔyʋ ɛfɛyɩnɩ lɔŋ yɔ, ɛsʋlʋmɩ Ɛsɔ, ɛhaɣ-ɩ. Mbʋ́ pʋyɔɔ yɔ, ɛhaɣ paa weyi nɛ laŋɩyɛ kɩbanɖɛ, ɛɛkalɩɣ.

Yakubu 5:15

Pɛwɛnɩ lidaʋ pe-tenduu taa yɔ, pɩyakɩ kʋdɔndʋ ñʋʋ: Kɩpaɣlʋ lakɩ nɛ ɛ-yɔɔ cɛ nɛ yee ɛɛlaba kɩwɛɛkɩm yɔ, ekpeɣ-i-pʋ ɖɔɖɔ.

1 Yohanɛɛsɩ 3:22

Ɛhaɣ-ɖʋ ɖɔɖɔ mbʋ́ ɖɩpɔzʋʋ-ɩ yɔ pɩtɩŋa payɩ, mbʋ́ pʋyɔɔ yɔ, ɖɩɖɔŋ ɛ-paɣtʋ yɔɔ nɛ ɖɩlakɩ mbʋ́ pɩkɛdɩnɩ-ɩ yɔ.

Wɩlʋʋ 2:24

‹Ɛlɛ́, meheyiɣ Tiyaatiiri ñɩma mbá mɩ ɩɩɖɔŋ tɔm ńdʋ́ tɩ-yɔɔ ɛzɩ lɛlaa yɔ nɛ ɩtatazɩ Satanɩ ñɩndʋ ndʋ́ lɛlaa mbá pɔtɔŋ se tɩ-taa wɛ cukaŋ yɔ tɩ-taa yɔ se maatasɩɣ-mɩ sɔzʋʋ sʋʋtʋ natʋyʋ.