Luka 11:29 - New Testament

²⁹ Ɛyáa samaɣ kpeɣlɩ Yesu cɔlɔ lɛ, ɛyɔɔdɩ se: «Lɛɛlɛɛyɔ ɛyáa kɛ azaɣ́a. Pañɩnɩɣ se pala ɛsɔdaa hama lakasɩ nasɩyɩ nɛ pana. Ɛlɛ́, paakaɣ yʋsaɣ nakɛyɛ naʋ nɛ pɩtasɩnɩ náyʋ Yoonaasɩ ñɩŋga.

Luka 11:29 ပူးပေါင်းရင်းမြစ်များ

Maatiyee 3:7

Yohanɛɛsɩ nawa se Farɩsɩ ŋgbɛyɛ taa ñɩma nɛ Saduki ŋgbɛyɛ taa ñɩma mbá powoki ɛ-cɔlɔ se ɛlabɩ-wɛ lɩm sɔʋ sɔnzɩ yɔ, pɔɖɔwa siŋŋ. Peeɖe eheyi-wɛ se: «Ɛyáa azaɣ́a mɩ! Acɩba-mɩ cɩkpalʋʋ se Ɛsɔ pana kɔŋ-mɩ kpanaʋ yɔ?

Maarkɩ 8:38

Yee fɛyɛ ɛkpa nɔɔyʋ ma nɛ mɔn-tɔm ɖɔ-yɔɔ lɛɛlɛɛyɔ ɛyáa mbá pɛkɛ kɩwɛɛkɩm laɖaa nɛ palakɩ acɛyɛ yɔ pɔ-cɔlɔ yɔ, ɖɩkaɣ kpaʋ ɖɔɖɔ Ɛyʋ Pɩyalʋ pʋdʋ yɔɔ, alɩwaatʋ ndʋ́ ɛ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ yɔ.»

Luka 11:16

Pa-taa lɛlaa ñɩkaɣ ɛ-nɔɔ cɔlɔ tɔm. Pʋ-yɔɔ pɔpɔzɩ-ɩ se ɛla ɛsɔdaa hama lakasɩ nasɩyɩ nɛ pana.

Luka 11:50

Pʋ-yɔɔ lɛ, paɖʋʋ lɛɛlɛɛyɔ ɛyáa mɩ kʋñɔŋ náyaa mbá mɩ-cɔzɔnaa kʋ patɩŋa kpaɣ ɖooo alɩwaatʋ ndʋ́ Ɛsɔ labɩ kedeŋa yɔ pɔ-yɔɔ.

Luka 12:1

Alɩwaatʋ ńdʋ́ tɩ-yɔɔ lɛ, ɛyáa kpeɣli sakɩyɛ nɛ pɛfɛyɩɣ ɖama naŋgbanzɩ yɔɔ. Ɛlɛ́, Yesu calɩnɩ paɣ́ʋ ɛ-tɔmkpɛlɩkɩyaa se: «Ɩɖɔkɩ mɩ-tɩ nɛ Farɩsɩ ñɩma sɔsɔɔna. Pɛ-tɛɛ nɛ pʋ-yɔɔ lakasɩ tɔm mɔyɔɔdʋʋ ḿbʋ́.

Luka 9:41

Peeɖe Yesu holaa se: «Heyi! Ɛyáa kɩdɛkɛdaa lidaʋ fɛyɩwaa mɩ! Alɩwaatʋ ɛzɩma mantasɩɣ mɩ-cɔlɔ caɣʋ nɛ pʋwɛɛ se mɔnɖɔkɩ mɔ-hɔyɛ ɖɔɖɔ? Kɔnɩ-m ña-pɩyalʋ cɩnɛ.»

Yohanɛɛsɩ 2:18

Ɛlɛ́, Yuda ñɩma awiya pɔzɩ-ɩ se: «Hama lakasɩ nzɩ́ ŋpɩzɩɣ ŋla nɛ ŋwɩlɩnɩ-ɖʋ se pʋwɛɛ se ŋla ḿbʋ́?»

Yohanɛɛsɩ 6:30

Ɛlɛ́, pɔpɔzɩ-ɩ se: «Hama lakasɩ nzɩ́ ŋpɩzɩɣ ŋla nɛ ɖɩna nɛ ɖɩwɛnɩ lidaʋ ñɔ-yɔɔ? Ɛbɛ ŋpɩzɩɣ ŋla?

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

1 Kɔrɛntɩ 1:22

Yuda ñɩma pɔzʋʋ se pala hama lakasɩ nɛ pana nɛ pʋcɔ petisi, Grɛɛkɩ ñɩma ñañɩnɩɣ lɔŋsɩnɖɛ se pʋcɔ.