Luka 10:9 - New Testament

⁹ Ɩla nɛ kʋdɔndɩnaa mbá pɛwɛ peeɖe yɔ pɔ-yɔɔ cɛ nɛ iheyi-wɛ se Ɛsɔ Kewiyaɣ talɩ mɩ-cɔlɔ kpam.

Luka 10:9 ပူးပေါင်းရင်းမြစ်များ

Maatiyee 3:2

Eheyaɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ.»

Maatiyee 4:17

Yesu talɩ Kapɛrnayum lɛ, ɛpazɩ Ɛsɔtɔm susuu nɛ eheyiɣ ɛyáa se: «Ɩlɛɣzɩ wɛtʋ, mbʋ́ pʋyɔɔ yɔ, Ɛsɔ Kewiyaɣ wɩzɩ talʋʋ!»

Maarkɩ 4:30

Yesu tasɩ yɔɔdʋʋ ɖɔɖɔ se: «Ɛbɛ mɛnkɛdɩɣnɩ Ɛsɔ Kewiyaɣ lee, yaa eduuye nɖɩ́ mɛnkɛdɩɣnɩ-kɛ?

Maarkɩ 6:13

Pɔɖɔɔnaɣ aleewaa ɛyáa sakɩyɛ wayɩ nɛ pataɣ kʋdɔndɩnaa sakɩyɛ num nɛ pa-kʋdɔmɩŋ cɛkɩ.

Luka 10:10

Ɛlɛ́, yee ɩtalɩ tɛtʋ natʋyʋ taa nɛ patamʋ-mɩ lɛ, ɩcɔɔ habɛɛ yɔɔ nɛ isusi ɛyáa se:

Luka 10:11

‹Đikpizi-mɩ mɩ-tɛtʋ taa mʋzʋʋ ŋgʋ́ kɩkpa ɖa-naŋgbanzɩ yɔɔ yɔ. Ɛlɛ́, ɩtɩlɩ ɖeu se Ɛsɔ Kewiyaɣ talɩ mɩ-cɔlɔ kpam.›

Luka 9:2

Pʋwayɩ lɛ, etiyi-wɛ se powolo posusi Ɛsɔ Kewiyaɣ tɔm nɛ pala nɛ kʋdɔndɩnaa yɔɔ cɛ.

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Tʋma Labʋ 28:28

Pɔɔlɩ tasɩ-wɛ heyuu se pʋwɛɛ se patɩlɩ se mbá pɛtɛkɛ Yuda ñɩma yɔ, ḿbá Ɛsɔ tiyini ñʋʋ yabʋ tɔm tʋnɛ. Paba kɔŋnɩ-tʋ welesuu!

Tʋma Labʋ 28:31

Esusaɣ Ɛsɔ Kewiyaɣ tɔm nɛ ɛwɩlɩɣ ɛyáa Kɩpaɣlʋ Yesu Krɩstʋ tɔm kaalɛyɩtʋ yem fɛɛɛ.