Luka 10:22 - New Testament

²² Pʋwayɩ lɛ, eheyi ɛyáa se: «Man-Caa cɛlɩ-m pɩtɩŋa payɩ. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa nɛ nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa se mawɩlɩ-ɩ-wɛ yɔ.»

Luka 10:22 ပူးပေါင်းရင်းမြစ်များ

Maatiyee 11:25

Alɩwaatʋ ńdʋ́ tɩ-taa Yesu tɔm se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋkuli tɔm ndʋ́ ŋmɛsɩ lɔŋsɩnɖaa nɛ lɛɣsɩnɖaa yɔ tɩ-yɔɔ nɛ piya ajamaa nɩɩ tɩ-tɔbʋʋ.

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 13:3

Yesu kɛtɛm naʋ se Caa Ɛsɔ cɔlɔ ɛlɩnaa nɛ ɛ-cɔlɔ ɛkɔŋ pɩsʋʋ. Ɛnawa ɖɔɖɔ se ɛɖʋzɩ e-nesi taa pɩtɩŋa payɩ.

Yohanɛɛsɩ 17:10

Mbʋ́ pɩtɩŋa payɩ mɛwɛna yɔ, ñatɩnɩ-pʋ nɛ mbʋ́ pɩtɩŋa payɩ ña ñɛwɛna yɔ, mantɩnɩ-pʋ. Ḿbá yekina nɛ ma-hɩɖɛ sɛɛ.

Yohanɛɛsɩ 17:2

Mbʋ́ pʋyɔɔ yɔ, ŋha-m waɖɛ ɛyáa tɩŋa yɔɔ se maha mbá patɩŋa payɩ ŋɖʋzɩ me-nesi taa yɔ wezuu maatɛŋ.

Yohanɛɛsɩ 17:26

Meyeba nɛ pasɩm-ŋ, mɛwɛɣ pʋ-yɔɔ tam. Peeɖe pɔsɔɔlʋʋ ɖama ɛzɩ ŋsɔɔlʋʋ-m yɔ nɛ ma nɛ wɛ ɖɩwɛɛ ɖama taa.»

Yohanɛɛsɩ 17:5

Pʋ-yɔɔ lɛ, Caa! Lɛɛlɛɛyɔ, mɔnpɔzʋʋ-ŋ se ŋyele nɛ ma-hɩɖɛ sɛɛ ñɔ-cɔlɔ ɛzɩ ɖɩɩsɛʋ nɛ pʋcɔ ŋla kedeŋa yɔ.

Yohanɛɛsɩ 3:35

Caa Ɛsɔ sɔɔlɩ ɛ-Pɩyalʋ nɛ ɛkpaɣ pɩtɩŋa payɩ ɛ́ɖʋzɩ e-nesi taa.

1 Kɔrɛntɩ 15:24

Pʋwayɩ lɛ, kɛtɛzaɣ alɩwaatʋ talɩ: alɩwaatʋ ńdʋ́ʋ́ Krɩstʋ kpakɩɣ kewiyaɣ nɛ ɛ́ɖʋzɩ Caa Ɛsɔ nesi taa. Pʋcɔ ɛ́ɖʋzɩ-kɛ lɛ, eɖeziɣ kewiyisi tɩŋa nɛ ɛyáa ɖoŋ nɛ aleewaa ñɩŋ pɩtɩŋa payɩ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Efɛɛzɩ 1:21

Ḿbʋ́ yebina nɛ ɛkɛ ɛsɔdaa ɖoŋ tɩŋa nɛ kewiyisi tɩŋa nɛ mbʋ́ pɩtɩŋa payɩ pɩpaɣlaa nɛ pɩ-hɩɖɛ sɛɛ kedeŋa yɔɔ cɩnɛ yɔ pʋ-ñʋʋdʋ. Pɩtɛkɛ mbʋ́ pʋwɛ alɩwaatʋ tʋnɛ tɩ-taa yɔ pi-ɖeke pʋ-ñʋʋdʋ ɛkɛnaa, ɛlɛ́, pɩkpɛndɩnɩ mbʋ́ pʋkɔŋ wɛʋ cee wayɩ yɔ.

Ebree 2:8

Ŋkpaɣ pɩtɩŋa payɩ nɛ ŋɖʋzɩ e-nesi taa.» Yee pɔtɔm se Ɛsɔ ɖʋzɩ pɩtɩŋa payɩ e-nesi taa yɔ, pɩwɩlɩɣ se nabʋyʋ takazɩ se pɩfɛyɩ ɛ-tɛɛ. Ŋgʋ́ lɛɛlɛɛyɔ, ɖɩnaɣ se pɩtɛkɛ pɩtɩŋa pʋwɛnɩ e-nesi taa.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.

2 Yohanɛɛsɩ 1:9

Ɩtɩlɩ camɩyɛ se weyi ɛɖɛlɛsɩɣ niye nɛ ɛɛwɩlɩɣ Krɩstʋ tɔm tɩ-nasɩ taa yɔ, Ɛsɔ fɛyɩ ɛ-cɔlɔ. Weyi ɛ́lɛ́ wɩlɩɣ-tʋ tɩ-nasɩ taa yɔ, Ɛsɔ nɛ ɛ-Pɩyalʋ pɛwɛ ɛ-cɔlɔ.