Luka 10:2 - New Testament

² Peeɖe eheyi-wɛ se: «Kʋmtʋ ɖɔwa, ɛlɛ́, kʋnɖaa tɔɖɔɔ. Pʋ-yɔɔ lɛ, itendi tɔɔnaɣ ŋ́gá ka-tʋ nɛ ɛsɔzɩ kʋnɖaa nɛ pasɩnɩ-mɩ kʋm.

Luka 10:2 ပူးပေါင်းရင်းမြစ်များ

Maatiyee 20:1

Yesu heyi-wɛ ɖɔɖɔ se: «Pʋ-yɔɔ lɛ, ɩɩnaɣ mbʋ́ Ɛsɔ Kewiyaɣ nɩɣzɩnaa yɔ: ñɩm tʋ nɔɔyʋ lɩnɩ tanaŋ nakʋyʋ cu nɛ ɛmʋ tʋmlaɖaa nabɛyɛ se palabɩ-ɩ tʋmɩyɛ ɛ-tɩŋ weyi popuu i-pee sʋlʋm yɔ ɩ-hayɩm taa.

Maarkɩ 13:34

Tɩwɛ ɛzɩ ɛyʋ nɔɔyʋ ɖɛɣʋ nʋmɔʋ nɛ ɛ́yáa ɛ-tʋmlaɖaa nɛ ɛɖʋ paa weyi tʋmɩyɛ yɔ. Pʋwayɩ lɛ, eheyi ɖɩɣa yɔɔ ɖaŋɩyʋ se ɛɖaŋ kpam.»

Maarkɩ 16:15

Pʋbʋ wayɩ lɛ, eheyi-wɛ se: «Ɩcɔɔ kedeŋa kpeekpe nɛ isusi ɛyáa Laŋhɛzɩyɛ Tɔm.

Maarkɩ 16:20

Pʋwayɩ lɛ, ɛ-tɔmkpɛlɩkɩyaa ñɛɖɛɛ nɛ posusuu Laŋhɛzɩyɛ Tɔm paa le. Kɩpaɣlʋ sɩŋaɣnɩ-wɛ pa-tʋmɩyɛ taa nɛ ɛtɩŋɩɣnɩ hama lakasɩ ndɩ ndɩ yɔɔ nɛ ɛwɩlɩɣ se tɔm ndʋ́ posusuu yɔ, tɩkɛ toovenim.

Luka 9:1

Nakʋyʋ wiye Yesu kpeɣli ɛ-tɔmkpɛlɩkɩyaa hiu nɛ naalɛ nɛ ɛha-wɛ ɖoŋ nɛ abalɩtʋ se pɔɖɔɔnɩnɩ aleewaa tɩŋa nɛ pala nɛ kʋdɔndɩnaa yɔɔ cɛ.

Tʋma Labʋ 11:19

Alɩwaatʋ ndʋ́ pakʋ Etiyɛɛnɩ yɔ, tɩ-taa papazɩ wɛʋ mbá pɛwɛnɩ lidaʋ Krɩstʋ yɔɔ yɔ pa-wayɩ kaŋ kaŋ. Pʋ-yɔɔ pa-taa lɛlaa sewa nɛ powolo Fenisii nɛ lɛlaa Ciiprɩ nɛ lɛlaa Antɩyɔɔsɩ nɛ posusuu Yuda ñɩma ɖeke Ɛsɔtɔm.

Tʋma Labʋ 13:2

Nakʋyʋ wiye lɛ, pɔhɔkɩ nɔɔ nɛ poluŋuu Kɩpaɣlʋ tɛɛ. Pɩkɛdaa lɛ, Fezuu Kiɖeɖeu heyi-wɛ se: «Ɩlɩzɩ Barnaabaasɩ nɛ Sɔɔlɩ nɛ pala tʋmɩyɛ nɖɩ́ manɖʋ-wɛ yɔ.»

Tʋma Labʋ 13:4

Ḿbʋ́ Fezuu Kiɖeɖeu tiyi Barnaabaasɩ nɛ Sɔɔlɩ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Ciiprɩ yɔ ɖɩ-taa. Pakʋyɩ Antɩyɔɔsɩ lɛ, powolo Selesii tɛtʋ taa nɛ pasʋʋ mɛlɛ nɛ pɛɖɛɛ.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 22:21

Peeɖe eheyi-m se: ‹Kʋyɩ! Mentiyiɣ-ŋ poliŋ, mbá pɛtɛkɛ Yuda ñɩma yɔ pɔ-cɔlɔ.› »

Tʋma Labʋ 8:4

Mbá paamɩzɩ ɖama yɔ, pɔcɔwaɣ ɛjaɖɛ taa nɛ posusuu Laŋhɛzɩyɛ Tɔm.

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

1 Kɔrɛntɩ 15:10

Ɛlɛ́, Ɛsɔ lootiye yɔɔ lɛ, mɛnkɛ mbʋ́ mɛnkɛnaa yɔ. Lootiye nɖɩ́ ɛlabɩ-m yɔ, ɖɩwɛnɩ kɛzɛɣa. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ Krɩstʋ tiyiyaa lɛlaa tɩŋa payɩ. Pɩtɛkɛ mon-ɖoŋ malabɩnaa, ɛlɛ́, lootiye nɖɩ́ ɛlabɩ-m yɔ ɖɩ-yɔɔ malabɩ-ɖɩ.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

Filiipu 2:21

Lɛlaa tɩŋa payɩ ñɩnɩɣ pa-maɣmaɣ pɛ-kɛzɛsɩ, ɛlɛ́ paañɩnɩɣ Krɩstʋ Yesu ñɩŋga.

Filiipu 2:25

Manawa se pʋwɛɛ se meyele nɛ man-taabalʋ Epafroditi pɩsɩ mɩ-cɔlɔ. Ma nɛ ɩ ɖɩlakɩnɩ tʋmɩyɛ nɛ ɖɩlʋkɩ Laŋhɛzɩyɛ Tɔm yɔɔ. Miitiyini-i mɔn-cɔlɔ se ɛkɔɔ ɛsɩnɩ-m alɩwaatʋ ndʋ́ maawɛ kɩcɛyɩm taa yɔ.

Filiipu 2:30

Mbʋ́ pʋyɔɔ yɔ, Krɩstʋ tʋmɩyɛ yɔɔ ɛcaɣaɣ sɩbʋ: ecoɖi sɩm se ɛsɩnɩ-m sɩnaʋ mbʋ́ mɩ-maɣmaɣ ɩtaapɩzɩɣ se ɩsɩnɩ-m yɔ.

Koloosi 1:29

Pʋ-yɔɔ mankʋʋ man-tɩ nɛ tʋmɩyɛ nɛ e-ɖoŋ seɣtiɣ-m siŋŋ nɛ malʋkɩ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Tesalooniki 2:9

Taabalaa! Paa pɩɩla ɛzɩma ɩtɔzʋʋ ɖa-tʋmɩyɛ nɛ ɖa-kʋñɔŋ pɔ-yɔɔ: ɖɩɩlaba tʋmɩyɛ wɩsɩ nɛ ɖoó se ɖɩtaakɛnɩ mɩ-taa nɔɔyʋ sʋʋtʋ alɩwaatʋ ndʋ́ ɖisusaɣ-mɩ Ɛsɔ Laŋhɛzɩyɛ Tɔm yɔ.

1 Tesalooniki 5:12

Taabalaa! Đitendiɣ-mɩ se ɩña mbá pɛwɛ mɩ-hɛkʋ taa nɛ palakɩ tʋmɩyɛ yɔ. Ḿbá Kɩpaɣlʋ lɩzaa se pɔcɔnɩ mɩ-yɔɔ nɛ paka mɩ-ñʋŋ taa.

2 Tesalooniki 3:1

Taabalaa! Ndʋ́ ɖɩtɛzɩɣnɩ-mɩ yɔ lɛ se: ɩsɛɛ Ɛsɔ ɖɔ-yɔɔ nɛ Kɩpaɣlʋ tɔm wɛɛ cɔʋ yɔɔ lɛɛlɛɛ nɛ ɛyáa ɖʋ-tʋ hɩɖɛ ɛzɩ paɖʋʋ-tʋ mɩ-tɛ yɔ.

1 Timootee 4:10

Pʋ-yɔɔ ɖɩlakɩ tʋmɩyɛ sɩbʋ yɔɔ sɩbʋ yɔɔ nɛ ɖɩlʋkɩ. Mbʋ́ pʋyɔɔ yɔ, ɖɩtaɣ Ɛsɔ weyi ɛwɛ wezuu yɔ. Ɛkɛ ɛyáa tɩŋa payɩ ñʋʋ yaɖʋ, kɔzɩkɔzɩ mbá pɛwɛnɩ lidaʋ ɛ-yɔɔ yɔ.

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

Fileemɔɔ 1:1

Pɔɔlɩ weyi ma paɖʋ-m salaka se malakɩ Krɩstʋ Yesu tʋmɩyɛ yɔ, ma nɛ ɖa-taabalʋ Timootee ɖɩmaɣnɩ takayaɣ kanɛ. Fileemɔɔ weyi ña ŋkɛ ɖɛ-ɛgbaɣdʋ nɛ ɖa nɛ ŋ ɖɩlakɩ tʋmɩyɛ kʋɖʋmɖɩyɛ yɔ, ña

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Wɩlʋʋ 2:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Efɛɛzɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɔnɖɔkɩ tɩɩnzɩ ńzɩ́ sɩ-lʋbɛ me-nesi kɩbanzɩ taa nɛ mɔnɖɔŋ sika kanɖʋnaa ḿbá pa-lʋbɛ pɛ-hɛkʋ taa yɔ, mɔntɔŋna se: