Luka 10:14 - New Testament

¹⁴ Toovenim lɛ, kɩyakʋ ŋgʋ́ Ɛsɔ hʋʋnɩ ɛyáa yɔ, Tiiri nɛ Sidɔɔ pɛ-tɛtʋ taa ñɩma kʋñɔŋ ɛɛtalɩɣ mɩ-ñɩŋgʋ.

Luka 10:14 ပူးပေါင်းရင်းမြစ်များ

Maatiyee 10:15

Toovenim lɛ, meheyiɣ-mɩ se kɩyakʋ ŋgʋ́ Ɛsɔ hʋʋnɩ ɛyáa yɔ, Sodom nɛ Gomɔɔrɩ ñɩma mbá Ɛsɔ kʋ-wɛ nɛ miŋ pa-kɩwɛɛkɩm yɔɔ yɔ, pa-kʋñɔŋ ɛɛtalɩɣ tɛtʋ ńdʋ́ tɩ-taa ñɩma ñɩŋgʋ.»

Maatiyee 11:21

«Koraazɛɛ nɛ Bɛtsayɩda ñɩma mɩ! Pʋtɔɔ-mɩ! Mbʋ́ pʋyɔɔ yɔ, palabɩ Ɛsɔ hama lakasɩ nzɩ́ mɩ-hɛkʋ taa yɔ, yee paalabɩ-sɩ Tiiri nɛ Sidɔɔ ñɩma pɔ-cɔlɔ yɔ, paatɛm caɣʋ tɔlɩma taa nɛ posuu kutokiŋ nɛ pɩwɩlɩ se pɛlɛɣzɩ wɛtʋ.

Yohanɛɛsɩ 3:19

Mbʋ́ piyeki nɛ pahʋʋnɩ ɛyáa yɔ lɛ se: weyi ɛkɛ ñalɩmɩyɛ yɔ, ɛkɔm ɛyáa kpeekpe cɔlɔ. Paa ḿbʋ́ yɔ, pɔsɔɔlɩ cɩkpɛndʋʋ nɛ pɩkɩlɩ-ɖɩ, mbʋ́ pʋyɔɔ yɔ, palakɩ ɛzaɣ́tʋ.

Room 2:1

Weyi ña ŋmaɣzɩɣ se lɛlaa ɛɛlakɩ camɩyɛ yɔ, paa ŋkɛ anɩ yɔ, natʋyʋ fɛyɩ se ŋwaɣna. Mbʋ́ pʋyɔɔ yɔ, alɩwaatʋ ndʋ́ ŋmaɣzɩɣ se lɛlaa ɛɛlakɩ camɩyɛ nɛ ŋlakɩ ɖɔɖɔ ɛzɩ ḿbá yɔ, ŋkʋʋ ña-maɣmaɣ ñɔ-tɔm.

Room 2:27

Weyi pɛtɛpɛlɩ-ɩ tomnaɣ yɔɔ nɛ ɛɖɔŋ paɣtʋ yɔɔ yɔ, ɛkɔŋ wɩlʋʋ weyi ña pɛpɛlɩ-ŋ tomnaɣ yɔɔ nɛ ŋsɩ paɣtʋ camɩyɛ nɛ ŋŋɖɔŋ tɩ-yɔɔ yɔ se ñɔ-tɔm sɩba.