Galaatɩ 6:2 - New Testament

² Ɩsɩnɩ ɖama mɩ-kʋñɔmɩŋ taa. Yee ɩlakɩ ḿbʋ́ yɔ, pɩwɩlɩɣ se ɩɖɔŋ Krɩstʋ paɣtʋ yɔɔ.

Galaatɩ 6:2 ပူးပေါင်းရင်းမြစ်များ

Maatiyee 8:17

Pɩlaba ḿbʋ́ se pɩla ɛzɩ náyʋ Ezaayii yɔɔdʋʋ se: «Ɛmʋ-ɖʋ ɖɛ-ɛjandʋ nɛ ɖa-kʋdɔmɩŋ» yɔ.

Luka 11:46

Ɛlɛ́, Yesu pɩsɩnɩ-ɩ se: «Paɣtʋ wɩlɩyaa mɩ, pʋtɔɔ-mɩ ɖɔɖɔ! Mbʋ́ pʋyɔɔ yɔ, ɩsʋkɩ ɛyáa sʋʋtʋ yuŋ ñɩndʋ, ɛlɛ́, ɩɩɖʋʋ-wɛ nesi paa ñɩɩɩ.

Yohanɛɛsɩ 13:34

Manɖʋʋ-mɩ paɣtʋ kɩfatʋ. Ńdʋ́ lɛ se: ɩsɔɔlɩ ɖama. Ɩsɔɔlɩ ɖama ɛzɩ mɔnsɔɔlʋʋ-mɩ yɔ.

Yohanɛɛsɩ 15:12

Paɣtʋ ndʋ́ manɖʋʋ-mɩ yɔ lɛ se: ɩsɔɔlɩ ɖama ɛzɩ mɔnsɔɔlʋʋ-mɩ yɔ.

Room 15:1

Mbá ɖa ɖɩwɛ ɖoŋ ɖe-lidaʋ wɛnaʋ taa yɔ, pʋwɛɛ se ɖɩkʋ ɖɔ-hɔ mbá pɛkɛ ajamaa pe-lidaʋ wɛnaʋ taa yɔ pɔ-tɔm taa, ɖɩtaanɩɩnɩ ɖe-liu ñɩm.

Room 8:2

Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.

1 Kɔrɛntɩ 9:21

Mɛwɛɣ mbá patasɩ Mooyiizi paɣtʋ yɔ pɔ-cɔlɔ lɛ, mɛwɛ ɖɔɖɔ ɛzɩ ḿbá yɔ. Malakɩ ḿbʋ́ se manpɩzɩ mansɩnɩ-wɛ nɛ pɛwɛnɩ lidaʋ Krɩstʋ yɔɔ. Ŋgʋ́, ma-maɣmaɣ mɛntɛkɛ weyi ɛtasɩ Ɛsɔ paɣtʋ yɔ. Mbʋ́ pʋyɔɔ yɔ, mɔnɖɔŋ Krɩstʋ paɣtʋ yɔɔ.

Galaatɩ 6:5

Mbʋ́ pʋyɔɔ yɔ, pʋwɛɛ se paa weyi ɛsɩɣlɩ ɛ-maɣmaɣ ɛ-sʋʋtʋ.

1 Tesalooniki 5:14

Taabalaa! Đɩsazɩɣ-mɩ se ɩka fendinaa ñʋŋ taa nɛ ɩtasɩ lɛɣtʋ mbá pitibi po-toma taa yɔ. Ɩsɩnɩ ajamaa nɛ ɩɖɔkɩ mɩ-hɔ nɛ paa weyi.

Yakubu 1:25

Weyi ɛ́lɛ́ ñatazɩɣ paɣtʋ maɣmaɣ taa siŋŋ yɔ, ehikiɣ ɛ-tɩ mbʋ́ pɩtɩŋa payɩ ɛlakɩ yɔ pɩ-taa. Ńdʋ́ yekina nɛ ɛyʋ wɛɛ ɛ-tɩ yɔɔ. Eewelesiɣ-tʋ yem nɛ ɛsɔɔ-tʋ, ɛlɛ́, ɛɖɔŋ tɩ-yɔɔ siŋŋ.

Yakubu 2:12

Paɣtʋ ndʋ́ tiyeki se ɛyʋ ɛwɛɛ ɛ-tɩ yɔɔ yɔ, tɩ-yɔɔ pɔkɔŋ-mɩ hʋnaʋ. Pʋ-yɔɔ lɛ, mɩ-yɔɔdaɣ nɛ mɩ-lakasɩ pawɩlɩ se ɩsɩm paɣtʋ ńdʋ́.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

2 Pɩyɛ 2:21

Mbʋ́ pʋyɔɔ yɔ, pɩɩkɩlɩ wee wee se pataatɩlɩ mbʋ́ pʋtʋʋzaa yɔ pʋ-nʋmɔʋ ɛzɩ paatɩlɩ-kʋ nɛ pʋwayɩ palɩɩ kɩ-taa nɛ paatasɩɣ ɖɔm paɣtʋ ndʋ́ Ɛsɔ ɖʋwa nɛ pɛkɛdɩ-wɛ yɔ tɩ-yɔɔ yɔ.

2 Pɩyɛ 3:2

Me-liu wɛɛ se ɩtɔzɩ tɔm ndʋ́ náyaa kiɖeɖema yɔɔdɩ ɖooo lɔŋ yɔ tɩ-yɔɔ. Ɩtɔzɩ ɖɔɖɔ paɣtʋ ndʋ́ Kɩpaɣlʋ weyi ɛkɛ ɖa-ñʋʋ yaɖʋ yɔ, ɛtɩŋnɩ e-tiyiyaa yɔɔ nɛ eheyi-mɩ se ɩla yɔ tɩ-yɔɔ.

1 Yohanɛɛsɩ 4:21

Paɣtʋ ndʋ́ Yesu Krɩstʋ ɖʋ-ɖʋ yɔ, ńdʋ́ lɛ se: yee nɔɔyʋ ɛsɔɔlɩ Ɛsɔ yɔ, pʋwɛɛ se ɛsɔɔlɩ ɖɔɖɔ lɛlaa.