Galaatɩ 5:7 - New Testament

⁷ Đooo ɩñakaɣ pana nɛ ɩɖɔŋ toovenim nʋmɔʋ taa camɩyɛ lɛ, pɩla ɛzɩma ɩɩtasɩɣ labʋ ḿbʋ́ lɛɛlɛɛyɔ? Acɔlɔ pɩlɩnaa?

Galaatɩ 5:7 ပူးပေါင်းရင်းမြစ်များ

Maatiyee 13:21

Ɛlɛ́, paayeki se tɩlabɩ-wɛ tʋmɩyɛ camɩyɛ. Pɔɖɔkʋʋ-tʋ nɛ kʋñɔŋ nakʋyʋ talɩ-wɛ yaa pɛwɛɛ pa-wayɩ kaŋ kaŋ tɩ-yɔɔ lɛ, pɔtɔlɩ Ɛsɔ nʋmɔʋ taa.

Tʋma Labʋ 6:7

Ɛsɔtɔm tɛzaɣ cɔʋ paa le nɛ Yesu wayɩ tɩŋɩyaa ñɛtɛzɩɣ ɖɔʋ Yeruusalɛm nɛ halɩ pɩkpɛndɩnɩ cɔjɔnaa sakɩyɛ nɛ pɛwɛnɩ ɖɔɖɔ lidaʋ Yesu yɔɔ.

Room 10:16

Ɛlɛ́, pɩtɛkɛ patɩŋa paatisini Laŋhɛzɩyɛ Tɔm. Toovenim lɛ, Ezaayii ma ɛ-takayaɣ taa se: «Kɩpaɣlʋ, atisi tɔm ndʋ́ ɖisusaa yɔ?»

Room 15:18

Mbʋ́ pʋyɔɔ yɔ, maacazɩɣ nabʋyʋ tɔm yɔɔdʋʋ nɛ pɩtasɩnɩ mbʋ́ Krɩstʋ tɩŋnɩ mɔ-yɔɔ nɛ ɛla se mbá pɛtɛkɛ Yuda ñɩma yɔ, papɩzɩ paña Ɛsɔ yɔ pʋ-tɔm. Tɔm ndʋ́ monsusaɣ yɔ nɛ mbʋ́ malakaɣ yɔ, pʋ-yɔɔ ɛtɩŋnaa.

Room 16:26

Lɛɛlɛɛyɔ pɩtɩŋnɩ tɔm ndʋ́ náyaa mawa yɔ tɩ-yɔɔ nɛ pukuli tɩ-yɔɔ nɛ kedeŋa yɔɔ ɛyáa kpeekpe tɩlɩ-tʋ ɛzɩ ɛnʋ Ɛsɔ weyi ɛwɛ tam yɔ ɛɖʋʋ yɔ. Pɩlabɩ ḿbʋ́ se pɛwɛnɩ lidaʋ Ɛsɔ yɔɔ nɛ pañam-ɩ.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

Room 6:17

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.

1 Kɔrɛntɩ 9:24

Ɩtatɩlɩ se mbá powoki seu yɔ, peseɣ patɩŋa payɩ, ɛlɛ́, weyi ɛwakɩ yɔ e-ɖeke koŋ palakɩ kʋjɔʋ naa we? Pʋ-yɔɔ lɛ, ɩñaɣ pana nɛ ise lidaʋ nʋmɔʋ taa nɛ ɩwa nɛ palabɩ-mɩ kʋjɔʋ ŋ́gʋ́.

2 Kɔrɛntɩ 10:5

Ɩnʋ ɖɔɖɔ ɖɩyɔkʋʋnɩ mbʋ́ tɩ kpazɩyaa ɖɩkɩnɩ ɛyáa nʋmɔʋ se pataatɩlɩ Ɛsɔ yɔ. Đɩpaɣ ɛyáa se pɛlɛɣzɩ pa-lɩmaɣza nɛ paña Krɩstʋ.

Galaatɩ 2:2

Manpɩsɩ peeɖe, mbʋ́ pʋyɔɔ yɔ, Ɛsɔ wɩlɩnɩ-m se pʋwɛ se mala ḿbʋ́. Mantalaa lɛ, ma nɛ Krɩstʋ ŋgbɛyɛ ñʋndɩnaa ɖɩkɛzɩ ɖa-tɩ hɔɔlʋʋ nɛ malɩzɩ-wɛ Laŋhɛzɩyɛ Tɔm ndʋ́ meheyaɣ mbá pɛtɛkɛ Yuda ñɩma yɔ, tɩ-tɔbʋʋ. Mantaasɔɔlɩ se tʋmɩyɛ nɖɩ́ mɛntɛm labʋ yɔ nɛ nɖɩ́ mɔnɖɔŋ labʋ yɔ pala aleɣwondu.

Galaatɩ 3:1

Galaatɩ ñɩma kɩmɛlɛmɩŋ mɩ! Ahɔkɩ-mɩ fadɩŋ nɛ ɩwɛɛ ḿbʋ́? Ŋgʋ́, palɩzɩ-mɩ mbʋ́ pʋ-yɔɔ Yesu Krɩstʋ sɩbɩ kaamaŋkaɣ yɔɔ yɔ pʋ-tɔm taa kpayɩ kpayɩ.

Galaatɩ 5:10

Paa ḿbʋ́ yɔ, Kɩpaɣlʋ yɔɔ lɛ, mantaɣ-mɩ liu se ɩkɔŋ maɣzʋʋ ɖɔɖɔ ɛzɩ ma yɔ. Ɛlɛ́, weyi eliɣtiɣ-mɩ ḿbʋ́ yɔ, paa ɛtɩɩkɛ anɩ yɔ, Ɛsɔ kɔŋ hɔm ɛ-nɩŋgbaaŋ.

2 Tesalooniki 1:8

miŋ sɔsɔŋ taa yɔ. Ḿbʋ́ ɛkɔŋ se ɛhɔ mbá patasɩ Ɛsɔ nɛ paañaŋ ɖa-Kɩpaɣlʋ Yesu Laŋhɛzɩyɛ Tɔm yɔ pa-nɩŋgbaaŋ.

Ebree 11:8

Abraham ɖɔɖɔ ñaawɛnɩ lidaʋ Ɛsɔ yɔɔ, pʋ-yɔɔ ɛñam-ɩ nɛ etisi tɔm ndʋ́ eheyi-i yɔ. Eeheyi-i se: «Kʋyɩ ŋwolo ɛjaɖɛ nɖɩ́ mawɩlɩɣ-ŋ yɔ ɖɩ-taa nɛ ŋtɩɣyɩ-ɖɩ.» Peeɖe Abraham kʋyɩ ɛ-ɛjaɖɛ taa nɛ ɛɖɛɛ. Ɛlɛ́, ɛtatɩlɩ ɖenɖe ewokaɣ yɔ.

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.