Galaatɩ 5:2 - New Testament

² Iwelesi nɛ ɩnɩɩ, ma Pɔɔlɩ meheyiɣ-mɩ se: yee itisaa nɛ pɛpɛlɩ-mɩ yɔ, pʋbʋ Krɩstʋ tatasɩ-mɩ wɛʋ wazaɣ nakɛyɛ.

Galaatɩ 5:2 ပူးပေါင်းရင်းမြစ်များ

Tʋma Labʋ 15:1

Nakʋyʋ wiye ɛyáa nabɛyɛ lɩnɩ Yudee egeetiye taa nɛ powolo Antɩyɔɔsɩ nɛ peheyiɣ taabalaa se yee peteyele nɛ pɛpɛlɩ-wɛ ɛzɩ palakʋʋ sɔnzɩ nzɩ́ Mooyiizi ɖʋwa yɔ sɩ-taa yɔ, paahikiɣ ñʋʋ yabʋ.

Tʋma Labʋ 15:24

Đɩnɩwa se ɛyáa nabɛyɛ lɩnɩ ɖɛ-tɛ nɛ pɔkɔɔ mɩ-tɛ nɛ peliɣti-mɩ nɛ pɛkpɛzɩ mɩ-kalɩzasɩ nɛ pɔ-tɔm. Đɩtana pɔ-yɔɔ kpem.

Tʋma Labʋ 15:5

Ɛlɛ́, Farɩsɩ ŋgbɛyɛ taa nabɛyɛ kɛwɛnɩ lidaʋ Yesu yɔɔ. Ḿbá kʋyɩna nɛ pɔtɔ se: «Mbá pɛtɛkɛ Yuda ñɩma nɛ pɛwɛnɩ lidaʋ ɖɔɖɔ yɔ, pʋwɛɛ se pɛpɛlɩ-wɛ nɛ peheyi-wɛ se pɔɖɔ Mooyiizi paɣtʋ yɔɔ.»

1 Kɔrɛntɩ 16:21

Ma Pɔɔlɩ, ma-maɣmaɣ mamaɣnɩ tɔm pee anɛ nɛ me-nesi. Ana lɛ se: mɛnsɛ-mɩ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

Galaatɩ 5:11

Taabalaa! Ma lɛ, yee toovenim maawɛɛ monsusuu se pʋwɛɛ se pɛpɛlɩ ɛyáa yɔ, Yuda ñɩma taawɛɛ ma-wayɩ kaŋ kaŋ ḿbʋ́. Pʋbʋ, tɔm ndʋ́ mɔyɔɔdaɣ Krɩstʋ weyi pakam-ɩ kaamaŋkaɣ yɔɔ yɔ ɛ-yɔɔ yɔ, tɩtaakɛnɩ nɔɔyʋ piti tɔm.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

1 Tesalooniki 2:18

Đɩɩɖʋwa se ɖɩpɩsɩɣ mɩ-tɛ, mancaɣ mɔntɔ se ma Pɔɔlɩ, manɖʋ nabʋlɛ nabʋlɛ se mɔnkɔŋ, ɛlɛ́, Satanɩ ɖɩɣ-ɖʋ nʋmɔʋ.

Fileemɔɔ 1:19

Ma-maɣmaɣ mamaɣnɩ se: ma Pɔɔlɩ mɔnkɔŋ-ŋ-ɖɩ hɛyʋʋ. Ŋgʋ́, pɩfɛyɩ se mɔntɔzɩ-ŋ kʋtɔzʋʋ se ŋtɔɔ-m kɩmɩyɛ ɖɔɖɔ. Ńɖɩ́ lɛ ña-maɣmaɣ ñe-wezuu.

Fileemɔɔ 1:9

sɔɔlɩm yɔɔ lɛ, mentendiɣ-ŋ se ŋlabɩ-pʋ. Đenɖe mɛwɛɛ yɔ, ma Pɔɔlɩ mankpadɩyaa. Đɔɖɔ lɛ, lɛɛlɛɛyɔ paɖʋ-m salaka Krɩstʋ Yesu yɔɔ.

Ebree 4:2

Peheyi-ɖʋ Laŋhɛzɩyɛ Tɔm ɖɔɖɔ ɛzɩ paaheyuu mbá paawɛ lakʋ taa yɔ. Ɛlɛ́, tɔm ndʋ́ panɩwa yɔ, tɩtawazɩ-wɛ pʋyʋ, mbʋ́ pʋyɔɔ yɔ, mbá panɩ-tʋ yɔ, pataawɛnɩ lidaʋ tɩ-yɔɔ.