Galaatɩ 5:1 - New Testament

¹ Krɩstʋ holi-ɖʋ se ɖɩwɛɛ ɖa-tɩ yɔɔ kpem. Pʋ-yɔɔ lɛ, ɩñaɣ pana nɛ ɩwɛɛ mɩ-tɩ yɔɔ ḿbʋ́ nɛ ɩtaatasɩ pɩsʋʋ yomaa.

Galaatɩ 5:1 ပူးပေါင်းရင်းမြစ်များ

Maatiyee 23:4

Pasʋkɩ ɛyáa sʋʋtʋ yuŋ ñɩndʋ nɛ paatɩɩɖʋʋ-wɛ nesi paa ñɩɩɩ.

Luka 5:38

Pɛŋ weyi ɩtɔtɔɔ yɔ, ɩ-taa posuu.

Tʋma Labʋ 15:10

Pɩlabɩ ɛzɩma lɛɛlɛɛyɔ ɩtakɩɣ Ɛsɔ se ɩna nɛ ɩsʋkɩ Krɩstʋ wayɩ tɩŋɩyaa sʋʋtʋ ndʋ́ ɖa-maɣmaɣ nɛ ɖɔ-cɔzɔnaa ɖɩtapɩzɩ se ɖɩsɩɣlɩ yɔ?

Room 6:14

Pɩfɛyɩ se ɩtasɩ wɛʋ kɩwɛɛkɩm nesi taa, mbʋ́ pʋyɔɔ yɔ, paɣtʋ tatasɩ wɛnaʋ ɖoŋ mɩ-yɔɔ. Ɛlɛ́, Ɛsɔ lootiye ɖoŋ taa ɩwɛɛ.

Room 6:18

Puholi-mɩ nɛ kɩwɛɛkɩm nesi taa nɛ ɩpɩsɩ mbʋ́ pʋtʋʋzaa yɔ pu-yomaa.

Room 7:3

Ɛlɛ́, yee ɛ-walʋ ɛwɛnɩ ɛ-ɛsɛ nɛ ɛkʋyɩ ɛ-yɔɔ nɛ ɛɖɛɛ ɛwalɩ nɔɔyʋ yɔ, payaɣ-ɩ se acɛyɛ tʋ. Ɛlɛ́, yee ɛ-walʋ ɛsɩba yɔ, puholi-i nɛ paɣtʋ ńdʋ́ ti-nesi taa. Ɛpɩzɩɣ ɛwalɩ abalʋ lɛlʋ, paatɔŋ se ɛkɛ acɛyɛ tʋ.

Room 7:6

Đooo lɛ, ɖɩɩwɛ ɛzɩ yomaa yɔ paɣtʋ nesi taa. Ɛlɛ́, lɛɛlɛɛyɔ ɖɩwɛ ɛzɩ sɩɖaa yɔ nɛ tɩtatasɩ ɖoŋ wɛnaʋ ɖɔ-yɔɔ. Ɛsɔ lɩzɩ-ɖʋ ti-nesi taa. Pʋ-yɔɔ ɖɩlɛɣzɩ ɛzɩma mbʋ́ ɖɩlakaɣ Ɛsɔ tʋmɩyɛ yɔ ɛzɩ Fezuu Kiɖeɖeu wɩlʋʋ-ɖʋ yɔ. Đɩɩtasɩɣ-ɖɩ labʋ ɛzɩ paɖʋʋ paɣtʋ taa yɔ.

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

Room 8:2

Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.

1 Kɔrɛntɩ 15:58

Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.

1 Kɔrɛntɩ 16:13

Ɩcaɣnɩ mɩ-ɛsɛ nɛ ɩɖɔkɩ mɩ-tɩ kpam mi-lidaʋ wɛnaʋ taa. Ɩwɛɛ abalɩtʋ nɛ ɩwɛɛ ɖoŋ.

1 Kɔrɛntɩ 7:22

Mbʋ́ pʋyɔɔ yɔ, weyi ɛɛkɛ yom nɛ pʋcɔ Kɩpaɣlʋ yaa-ɩ yɔ, ɛwɛ ɛ-tɩ yɔɔ ɛ nɛ Kɩpaɣlʋ ɛnʋ pɛ-kpɛndʋʋ taa. Đɔɖɔ lɛ, weyi ɛɛwɛ ɛ-tɩ yɔɔ nɛ pʋcɔ Krɩstʋ yaa-ɩ yɔ, ɛpɩsɩ Krɩstʋ ɛnʋ e-yom.

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

2 Kɔrɛntɩ 3:17

Ŋgʋ́, Kɩpaɣlʋ ɛnʋ lɛ Fezuu Kiɖeɖeu. Nɛ ɖenɖe Kɩpaɣlʋ Fezuu wɛɛ yɔ, peeɖe ñɩma wɛ pa-tɩ yɔɔ.

Galaatɩ 2:4

Ɛlɛ́, mbá pɛcɛtaɣ se pɛkɛ Krɩstʋ ñɩma nɛ paasʋ ɖɛ-ŋgbɛyɛ taa yɔ, ḿbá yɔɔdaɣna se pʋwɛɛ se pɛpɛlɩ-ɩ. Ŋgʋ́, ɛyáa ḿbá, mɛsaɣ tɛɛ paasʋ ɖa-taa se pana ɛzɩma mbʋ́ pɩtɩŋnɩ Krɩstʋ Yesu yɔɔ nɛ ɖɩwɛɛ ɖa-tɩ yɔɔ yɔ. Pañɩnaɣ se ɖɩɖaɣnɩ pɩsʋʋ yomaa.

Galaatɩ 3:25

Lɛɛlɛɛyɔ, ɖɩwɛnɩ lidaʋ Krɩstʋ yɔɔ. Pʋ-yɔɔ lɛ, paɣtʋ ɛɛtasɩɣ ɖɔ-yɔɔ cɔnaʋ.

Galaatɩ 4:26

Ɛlɛ́, Yeruusalɛm ŋgʋ́ kʋkʋ wɛ ɛsɔdaa yɔ kɩ-taa ñɩma lɛ mbá pɛwɛ pa-tɩ yɔɔ yɔ, ŋ́gʋ́ wɛna ɛzɩ ɖo-ɖoo yɔ.

Galaatɩ 4:31

Taabalaa! Yee ḿbʋ́, ɖɩtɛkɛnɩ halʋ weyi ɛkɛ yom yɔ e-piya, ɛlɛ́, weyi ɛwɛ ɛ-tɩ yɔɔ yɔ, ɛ-ñɩnzɩ ɖɩkɛnaa.

Galaatɩ 4:9

Ɛlɛ́, lɛɛlɛɛyɔ, ɩsɩm Ɛsɔ nɛ halɩ ɛ́lɛ́ ñasɩm-mɩ. Pɩlabɩ ɛzɩma nɛ ɩcaɣ se ɩɖaɣnɩ pɩsʋʋ kedeŋa yɔɔ cɩnɛ ɖoŋ weyi ɩɩpɩzɩɣ pʋyʋ nɛ ɩɩwazɩɣ pʋyʋ yɔ ɩ-wayɩ se ɩpɩsɩ-mɩ yomaa?

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Efɛɛzɩ 6:14

Pʋ-yɔɔ lɛ, ɩwɛɛ mi-ɖeɖe ḿbʋ́: ɩkpaɣ toovenim ɛzɩ tambaɖɛ nɖɩ́ sɔɔja tɔɔlʋʋ yɔ nɛ tʋʋzʋʋ ɛzɩ ñɩ́ɣ́yʋ́ʋ ŋgʋ́ ehuuzuu e-lotu yɔɔ yɔ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

1 Tesalooniki 3:8

Lɛɛlɛɛyɔ, ɖenɖe ɖɩnɩwa se ɩwɛ mi-ɖeɖe ḿbʋ́ mɩ nɛ Kɩpaɣlʋ mɩ-kpɛndʋʋ taa yɔ, pʋ-yɔɔ lɛ, ɖitisi fezuu.

2 Tesalooniki 2:15

Taabalaa! Yee ḿbʋ́, ɩɖɔkɩ mɩ-tɩ kpam nɛ ɩɖɔkɩ ɖɔɖɔ tɔm ndʋ́ ɖɩwɩlɩ-mɩ nɛ nɔɔ taa yaa ndʋ́ ɖɩma-mɩ nɛ ɖɩwɩlɩ-mɩ yɔ nesi naalɛ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

1 Pɩyɛ 2:16

Ɩwɛɛ ɛzɩ ɛyáa mbá pɛwɛ pa-tɩ yɔɔ yɔ. Ɩtaawanɩ mɩ-tɩ yɔɔ wɛʋ ḿbʋ́ nɛ ɩla ɛzaɣ́tʋ, ɛlɛ́, pʋwɛɛ se ɩwɛɛ ɛzɩ Ɛsɔ yomaa yɔ.

2 Pɩyɛ 2:19

Peheyiɣ-wɛ se pɔkɔŋ pa-tɩ yɔɔ wɛʋ. Ŋgʋ́, pa-maɣmaɣ pɛkɛ kɩwɛɛkɩm mbʋ́ puwokini-wɛ sɩm taa yɔ pu-yomaa. Mbʋ́ pʋyɔɔ yɔ, ɛyʋ kɛ mbʋ́ pʋwɛnɩ ɖoŋ ɛ-yɔɔ yɔ pu-yom.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.

Wɩlʋʋ 2:25

Ɛlɛ́, ɩɖɔkɩ mbʋ́ ɩwɛna yɔ kpam nɛ pʋkɔɔ pɩsɩɩnɩ kɩyakʋ ŋgʋ́ mɔnkɔŋ yɔ.

Wɩlʋʋ 3:3

Pʋ-yɔɔ lɛ, pɔtɔzɩ tɔm ndʋ́ peheyi-wɛ yɔ nɛ ɛzɩma mbʋ́ petisi-tʋ yɔ pɔ-yɔɔ. Pɔɖɔkɩ-tʋ nɛ pɛlɛɣzɩ wɛtʋ. Yee patacaɣ pɛ-ɛsɛ yɔɔ yɔ, mɔnkɔŋ ɛzɩ mɩ́lʋ́ yɔ nɛ montudi-wɛ, paasɩŋ alɩwaatʋ ndʋ́ tɩ-yɔɔ mɔnkɔŋ yɔ.