Galaatɩ 4:9 - New Testament

⁹ Ɛlɛ́, lɛɛlɛɛyɔ, ɩsɩm Ɛsɔ nɛ halɩ ɛ́lɛ́ ñasɩm-mɩ. Pɩlabɩ ɛzɩma nɛ ɩcaɣ se ɩɖaɣnɩ pɩsʋʋ kedeŋa yɔɔ cɩnɛ ɖoŋ weyi ɩɩpɩzɩɣ pʋyʋ nɛ ɩɩwazɩɣ pʋyʋ yɔ ɩ-wayɩ se ɩpɩsɩ-mɩ yomaa?

Galaatɩ 4:9 ပူးပေါင်းရင်းမြစ်များ

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Luka 5:38

Pɛŋ weyi ɩtɔtɔɔ yɔ, ɩ-taa posuu.

Yohanɛɛsɩ 10:14

Ma lɛ Ninɖiɣyu kɩbanʋ. Ɛzɩma mbʋ́ Caa sɩm-m nɛ mansɩm-ɩ yɔ, ḿbʋ́ ɖɔɖɔ mansɩm me-heŋ nɛ ɛ́lɛ́ sɩm-m. Ɩ-yɔɔ mansɩkɩ.

Yohanɛɛsɩ 10:27

Me-heŋ nɩɣ mɔ-nɔɔ. Ma mansɩm-ɩ nɛ ɛ́lɛ́ ñatɩŋɩɣ-m.

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Room 8:29

Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

1 Kɔrɛntɩ 13:12

Alɩwaatʋ tʋnɛ tɩ-taa lɛ, pʋwɛ ɛzɩ ñɩnʋʋ fiɖiyii ñɩŋgʋ taa ɖɩcɔŋna yɔ, ɖɩɩnaɣ pɩtɩŋa camɩyɛ. Ɛlɛ́ puwiye lɛ, ɖɩkɔŋ pɩtɩŋa naʋ ɖɛ-ɛsɩndaa kaŋŋ. Lɛɛlɛɛyɔ mantatɩlɩ pɩtɩŋa, ɛlɛ́, mɔnkɔŋ tɛzʋʋ pɩtɩŋa payɩ sɩm puwiye ńɖɩ́ ɛzɩ Ɛsɔ sɩm-m ɖɔɖɔ yɔ.

1 Kɔrɛntɩ 15:34

Pʋ-yɔɔ lɛ, ɩmaɣzɩ mɩ-ñʋŋ taa camɩyɛ ɛzɩ pʋpɔzʋʋ yɔ nɛ iyele kɩwɛɛkɩm labʋ. Me-liu wɛɛ se fɛyɛ ɛkpa-mɩ yɔɔ mɔyɔɔdʋʋ se mɩ-taa nabɛyɛ tasɩ Ɛsɔ.

1 Kɔrɛntɩ 8:3

Ŋgʋ́, yee nɔɔyʋ ɛsɔɔlɩ Ɛsɔ yɔ, Ɛsɔ sɩm-ɩ.

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 3:3

Pɩlabɩ ɛzɩma nɛ ɩwɛɛ kɩmɛlɛndʋ ḿbʋ́? Ɛsɔ ha-mɩ e-Fezuu Kiɖeɖeu nɛ ɩpazɩ lɛ, lɛɛlɛɛyɔ pɩlabɩ ɛzɩma nɛ ɩcaɣ se ɩtɛzɩnɩ mɩ-maɣmaɣ mi-ɖoŋ?

Galaatɩ 4:3

Đa lɛ, ḿbʋ́ ɖɔɖɔ ɖɩɩwɛ alɩwaatʋ ndʋ́ ɖɩɩwɛ ɛzɩ piya yɔ. Đɩɩkɛ kedeŋa yɔɔ cɩnɛ ɖoŋ yomaa.

Efɛɛzɩ 1:17

Malakɩ ḿbʋ́ se ɖa-Kɩpaɣlʋ Yesu Krɩstʋ Ɛsɔ, Caa koboyaɣ tʋ ɛha-mɩ lɔŋsɩnɖɛ Fezuu nɛ kɩwɩlɩ-mɩ pɩtɩŋa nɛ ɩtɩlɩ-ɩ.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

Ebree 7:18

Ḿbʋ́ peyebi paɣtʋ kɩbɩndʋ se tɩfɛyɩ ɖoŋ, tɩɩwazɩɣ pʋyʋ.

2 Pɩyɛ 2:20

Đa-Kɩpaɣlʋ Yesu Krɩstʋ lɛ ɖa-ñʋʋ yaɖʋ. Toovenim lɛ, yee ɛyáa ɩsɩm-ɩ nɛ peyele kedeŋa yɔɔ cɩnɛ ɛzaɣ́tʋ lakasɩ nɛ pɛtɛ paɖaɣnɩ pɩsʋʋ sɩ-taa nɛ sɩwabɩ-wɛ yɔ, pɛwɛɣ pʋtɔdɩyɛ kpem nɛ pɩkɩlɩ paawɛʋ kajalaɣ taa yɔ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.