Galaatɩ 4:6 - New Testament

⁶ Mbʋ́ pɩwɩlɩɣ se ɖɩkɛ e-piya siŋŋ yɔ lɛ se eyeba nɛ ɛ-Pɩyalʋ Fezuu sʋʋ ɖa-taa nɛ kɩyɔɔdʋʋ se: «Man-Caa!»

Galaatɩ 4:6 ပူးပေါင်းရင်းမြစ်များ

Maarkɩ 14:36

Ɛtasɩ yɔɔdʋʋ se: «manawa se ŋpɩzɩɣ ŋla pɩtɩŋa payɩ. Mentendiɣ-ŋ se ŋla ña-tʋmɩyɛ nɛ mantaasʋʋ kʋñɔŋ ŋ́gʋ́ kɩ-taa. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.»

Luka 11:13

Mbá mɩ ɩkɛ azaɣ́a yɔ, yee ɩsɩm haʋ mi-piya mbʋ́ pʋwɛ ɖeu yɔ lɛ, ɛzɩma mɩ-Caa Ɛsɔ weyi ɛwɛ ɛsɔdaa yɔ, ɛɛpɩzɩɣ ɛha e-Fezuu Kiɖeɖeu mbá pasʋlʋmʋʋ-ɩ-kʋ yɔ?»

Luka 11:2

Peeɖe Yesu heyi-wɛ se: «Yee ɩsɛɣ Ɛsɔ lɛ, ɩsɛɛ se: Caa! Ña-hɩɖɛ ɛsɛɛ paa le. La nɛ paa weyi ɛsɩm-ɖɩ! Ñe-kewiyaɣ ɛkɔɔ.

Yohanɛɛsɩ 14:16

Ma lɛ, mankaɣ tenduu Caa se ɛtasɩ-mɩ tiyinaʋ Sɩnɩyʋ nɔɔyʋ nɛ ɛwɛɛ mɩ-cɔlɔ tam:

Yohanɛɛsɩ 15:26

Sɩnɩyʋ kaɣ kɔm: ɛnʋ lɛ toovenim Fezuu ŋgʋ́ kɩlɩɣnɩ Caa cɔlɔ yɔ. Caa cɛlɩɣnɩ-m-kʋ nɛ mentiyini-mɩ, ŋ́gʋ́ kɔŋnɩ lɩzʋʋ ma-aseɣɖe.

Yohanɛɛsɩ 16:7

Paa ḿbʋ́ yɔ, meheyiɣ-mɩ toovenim se: yee mɛnɖɛwa yɔ, pɩkɩlɩɣ-mɩ sɛʋ. Mbʋ́ pʋyɔɔ yɔ, mɛntɛɖɛɛ yɔ, Sɩnɩyʋ ɛɛkɔŋ mɩ-cɔlɔ. Ɛlɛ́, yee mɛnɖɛwa yɔ, mentiyiɣni-mɩ-ɩ.

Yohanɛɛsɩ 3:34

Weyi Ɛsɔ tiyi-i yɔ, ɛyɔɔdʋʋ Ɛsɔ tɔm. Mbʋ́ pʋyɔɔ yɔ, Ɛsɔ tɛzɩ-ɩ haʋ e-Fezuu Kiɖeɖeu.

Yohanɛɛsɩ 7:39

Fezuu Kiɖeɖeu tɔm Yesu yɔɔdaɣ ḿbʋ́. Ŋ́gʋ́ Ɛsɔ kɔŋ haʋ mbá pɛwɛɣnɩ lidaʋ Yesu yɔɔ yɔ. Ɛlɛ́, alɩwaatʋ ńdʋ́ tɩ-taa lɛ, kɩtatɩɩkɔmda, mbʋ́ pʋyɔɔ yɔ, Ɛsɔ teyebida se ɛ-hɩɖɛ ɛsɛɛ.

Tʋma Labʋ 16:7

Pɔñɔtɩnɩ Miisii egeetiye lɛ, pala ka ka se powoki Bitinii ñɩnɖɛ taa, ɛlɛ́, Yesu Fezuu taha-wɛ nʋmɔʋ.

Room 5:5

Ŋgʋ́, liu taʋ ḿbʋ́, piipeɣziɣ-ɖʋ. Mbʋ́ pʋyɔɔ yɔ, Ɛsɔ tɩŋnɩ e-Fezuu Kiɖeɖeu ŋgʋ́ ɛha-ɖʋ yɔ kɩ-yɔɔ nɛ ɛɖʋ ɛ-sɔɔlɩm ɖa-taa.

Room 8:9

Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

1 Kɔrɛntɩ 15:45

Pʋ-yɔɔ pama Ɛsɔtɔm Takayaɣ taa se: «Kajalaɣ ɛyʋ weyi Ɛsɔ ma-ɩ nɛ payaɣ-ɩ se Aɖam yɔ, ɛpɩsɩ weyi ɛwɛ wezuu yɔ.» Ɛlɛ́, kɛtɛzaɣ Aɖam lɛ Fezuu Kiɖeɖeu ŋgʋ́ kɩhaɣ wezuu yɔ.

2 Kɔrɛntɩ 1:22

Ɛlabɩ ɖɔ-yɔɔ ɖɔɖɔ ɛ-yʋsaɣ nɛ ɛha-ɖʋ e-Fezuu Kiɖeɖeu. Ḿbʋ́ wɩlɩɣna se ɛkɔŋ-ɖʋ haʋ ñɩm lɛɛbʋ mbʋ́ eheyi-ɖʋ se ɛhaɣ-ɖʋ yɔ.

2 Kɔrɛntɩ 3:17

Ŋgʋ́, Kɩpaɣlʋ ɛnʋ lɛ Fezuu Kiɖeɖeu. Nɛ ɖenɖe Kɩpaɣlʋ Fezuu wɛɛ yɔ, peeɖe ñɩma wɛ pa-tɩ yɔɔ.

Efɛɛzɩ 1:13

Mɩ nɛ ɩ mɩ-kpɛndʋʋ taa ɖɔɖɔ ɩnɩ toovenim tɔm. Ńdʋ́ lɛ Laŋhɛzɩyɛ Tɔm ndʋ́ tɩyakɩ mɩ-ñʋʋ yɔ. Pɩ-taa ɖɔɖɔ Ɛsɔ ha-mɩ e-Fezuu Kiɖeɖeu alɩwaatʋ ndʋ́ ɩwɛnɩ lidaʋ ɛ-yɔɔ yɔ. Ŋ́gʋ́ ɛɖʋwa se ɛhaɣ ɛ-ñɩma. Ŋ́gʋ́ lɛ mayaɣ ŋgá ɛñɩɣ mɩ-yɔɔ yɔ.

Efɛɛzɩ 2:18

Mbʋ́ pʋyɔɔ yɔ, ɛ-yɔɔ pɩtɩŋnaa nɛ pɩha Yuda ñɩma nɛ mbá pɛtɛkɛ Yuda ñɩma yɔ waɖɛ se paa weyi ɛtɩŋnɩ Fezuu Kiɖeɖeu yɔɔ nɛ ewolo Caa cɔlɔ. Fezuu Kiɖeɖeu kʋɖʋmʋʋ kɔŋ wɛna.

Efɛɛzɩ 4:30

Ɩtaapɩsɩ Fezuu Kiɖeɖeu hɔyɛ, ŋ́gʋ́ lɛ mayaɣ ŋgá ɛñɩɣ mɩ-yɔɔ se ɛɛlɩzɩ-mɩ pɩ-taa puwiye nɖɩ́ ɛkɔŋ yɔ.

Efɛɛzɩ 6:18

Đɔɖɔ lɛ, ɩtɩŋnɩ Fezuu Kiɖeɖeu yɔɔ nɛ ɩsɛɛ-ɩ nɛ itendi-i alɩwaatʋ tɩŋa pɩtɩŋa pɩ-taa. Ɩtaaɖoo pʋ-yɔɔ, ɩñaɣ pana nɛ itendi-i ɛ-ñɩma tɩŋa yɔɔ.

Filiipu 1:19

Mbʋ́ pʋyɔɔ yɔ, manawa se mɩ-Ɛsɔ sɛʋ nɛ Yesu Krɩstʋ Fezuu sɩnaʋ pɔ-yɔɔ lɛ, pɩtɩŋa payɩ pʋkɔŋ yabʋ ma-ñʋʋ.

1 Tesalooniki 4:8

Weyi ekiziɣ tɔm tʋnɛ yɔ, pɩtɛkɛ ɛyʋ ekizaa. Ɛlɛ́, Ɛsɔ ekizaa. Ŋgʋ́, ɛ́lɛ́ ha-mɩ ɖɔɖɔ e-Fezuu Kiɖeɖeu.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

Yuudi 1:20

Mɛ-ɛgbaɣdɩnaa! Mɩ lɛ, ɩñaɣ pana nɛ ɩtɛzɩ pɩʋ lidaʋ kɩbaŋgʋ ŋgʋ́ Ɛsɔ yeba se ɩwɛnɩ ɛ-yɔɔ yɔ kɩ-taa. Ɩsɛɛ Ɛsɔ nɛ e-Fezuu Kiɖeɖeu ɖoŋ.

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.