Galaatɩ 4:5 - New Testament

⁵ se eholi mbá tɩɩwɛnɩ ɖoŋ pɔ-yɔɔ ɖɔɖɔ yɔ. Ḿbʋ́ yekina nɛ ɖɩpɩsɩ Ɛsɔ piya.

Galaatɩ 4:5 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Luka 1:68

«Pasa ɖa-Kɩpaɣlʋ Ɛsɔ, mbʋ́ pʋyɔɔ yɔ, ɛkɔm ɛya ɛ-ɛyáa Izrɛɛlɩ ñɩma ɖa ɖa-ñʋʋ. Ɛkɔm se ɖɩhɛzɩ.

Yohanɛɛsɩ 1:12

Piyele mbá patɩŋa payɩ pamʋ-ɩ nɛ pɛwɛnɩ lidaʋ ɛ-yɔɔ yɔ, ɛha-wɛ ɖoŋ se papɩsɩ Ɛsɔ piya.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Room 10:4

Mbʋ́ pʋyɔɔ yɔ, Krɩstʋ yɔɔ paɣtʋ tatasɩ wɛnaʋ ɖoŋ se mbá patɩŋa payɩ pɛwɛnɩ lidaʋ Ɛsɔ yɔɔ yɔ, papɩsɩ kʋtʋʋzaa ɛ-ɛsɩndaa.

Room 8:14

Mbá patɩŋa payɩ Fezuu Kiɖeɖeu wɩlɩɣ-wɛ nʋmɔʋ yɔ, pɛkɛ Ɛsɔ piya.

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

Room 8:19

Mbʋ́ pɩtɩŋa payɩ Ɛsɔ labɩ kedeŋa yɔɔ yɔ, pɩɖaŋ alɩwaatʋ ndʋ́ Ɛsɔ lɩzɩɣ e-piya nɛ pana-sɩ yɔ kpam.

Room 8:23

Pɩtasɩɩnɩ mbʋ́ ɛlaba yɔ pi-ɖeke. Ɛlɛ́, mbá ɖa ɛcalɩnɩ haʋ e-Fezuu Kiɖeɖeu nɛ kɩwɛɛ ɖɔ-cɔlɔ yɔ, ɖisisiɣ ɖɔɖɔ ɖa-taa nɛ ɖɩɖaŋ se Ɛsɔ ɛpɩsɩ-ɖʋ e-piya nɛ ɛya ɖa-ñʋʋ kpaagbaa kpem.

Room 9:4

Pɛkɛ Izrɛɛlɩ ñɩma: Ɛsɔ pɩsɩ-wɛ e-piya nɛ eyele nɛ pɛwɛɛ e-koboyaɣ taa. Ɛha-wɛ nɔsɩ nɛ ɛɖʋ-wɛ paɣtʋ nɛ ɛwɩlɩ-wɛ ɛzɩma mbʋ́ poluŋ ɛ-tɛɛ yɔ nɛ ɛɖʋ mbʋ́ mbʋ́ ɛlakɩ-wɛ yɔ.

Galaatɩ 3:13

Pɩwɩlɩɣ se Ɛsɔ tɛm ɖɔ-tɔm kʋʋ. Ɛlɛ́, Krɩstʋ pɩsɩnɩ weyi Ɛsɔ wɩlɩ kpalʋʋ yɔ. Ɛlɛ́ɣzɩ ɖo-lone taa se ɛ́lɛ́ ɛtaatasɩ-ɖʋ-kʋ wɩlʋʋ. Ḿbʋ́ ɛlaba nɛ ɛya ɖa-ñʋʋ. Pʋwɛ ḿbʋ́, mbʋ́ pʋyɔɔ yɔ, pama ka-taa ɖɔɖɔ se: «Weyi popuzuu-i tɩʋ yɔɔ yɔ, ɛnʋ Ɛsɔ wɩlɩɣ kpalʋʋ.»

Galaatɩ 3:26

Mɩtɩŋa payɩ ɩkɛ Ɛsɔ piya: ɩwɛnɩ lidaʋ Krɩstʋ Yesu yɔɔ.

Galaatɩ 4:21

Mbá mɩ mi-liu wɛɛ se paɣtʋ ɛwɛnɩ ɖoŋ mɩ-yɔɔ yɔ, iheyi-m nɛ mana se ɩnɩ ndʋ́ paɖʋ tɩ-taa yɔ yaa ɩtanɩɩ?

Galaatɩ 4:7

Pʋ-yɔɔ lɛ, ŋtatasɩ kɛʋ yom, ɛlɛ́, ŋpɩsɩ Ɛsɔ pɩɣa. Ŋpɩsɩ ɛ-pɩɣa yɔ, ɛhaɣ-ŋ ñɩm mbʋ́ ɛsɩwa se ɛhaɣ e-piya yɔ.

Efɛɛzɩ 1:5

ɛɖʋ ɖooo lɔŋ se ɛtɩŋɩɣnɩ Yesu Krɩstʋ yɔɔ nɛ eyele ɖɩkɛ e-piya. Ḿbʋ́ e-liu wɛɛ, pɩkɛdɩnɩ-ɩ.

Efɛɛzɩ 1:7

Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:15

Pʋ-yɔɔ Krɩstʋ kɛ ceyiyu nɔɔ haʋ kɩfam mbʋ́ pʋwɛ Ɛsɔ nɛ ɛyáa pɛ-hɛkʋ taa yɔ pɩ-taa. Ɛlabɩ ḿbʋ́ se mbá Ɛsɔ ya-wɛ se pɛkɛ ɛ-ñɩma yɔ, papɩzɩ pehiɣ ñɩm maatɛŋ mbʋ́ ɛɖʋwa se ɛhaɣ-wɛ yɔ. Krɩstʋ ɛnʋ, ɛ-sɩm yɔɔ pɩtɩŋnaa nɛ pehiɣ-pʋ. Ḿbʋ́ ɖɔɖɔ lɩzɩnɩ-wɛ kɩwɛɛkɩm mbʋ́ paalabɩ alɩwaatʋ ndʋ́ paawɛ kajalaɣ nɔɔ haʋ paɣtʋ tɛɛ yɔ pi-nesi taa.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

Wɩlʋʋ 14:3

Ɛyáa ḿbá, peteɣ hendu kɩfatʋ kewiyaɣ kpelaɣ nɛ kpɩna ana a-naanza nɛ sɔsaa pɛ-ɛsɩndaa. Nɔɔyʋ tapɩzɩɣ se ɛkpɛlɩkɩ-tʋ nɛ pɩtasɩnɩ-wɛ. Pa-ñʋʋ paayabɩnɩ tataa.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.