Galaatɩ 4:4 - New Testament

⁴ Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

Galaatɩ 4:4 ပူးပေါင်းရင်းမြစ်များ

Maatiyee 1:23

«Ɩnaɣ, pɛlɛ nɔɔyʋ kɔŋ haɣʋ nɛ ɛlʋlɩ pɩɣa nɛ payaa-kɛ se Emaanʋyɛɛlɩ.» Pʋ-tɔbʋʋ se Ɛsɔ wɛ ɖɔ-cɔlɔ.

Maatiyee 3:15

Ɛlɛ́, Yesu cosi-i se: «Yele pɩla ḿbʋ́ lɛɛlɛɛyɔ. Ḿbʋ́ pʋmʋnaa se ɖɩla mbʋ́ pɩtɩŋa payɩ pʋtʋʋzaa yɔ.» Eheyi Yohanɛɛsɩ ḿbʋ́ lɛ, ɛ́lɛ́ tisi nɛ ɛlabɩ-ɩ lɩm sɔʋ sɔnzɩ.

Maatiyee 5:17

Yesu tasɩ-wɛ heyuu se: «Ɩtaamaɣzɩ se mɔnkɔm se menɖezi Mooyiizi paɣtʋ nɛ tɔm ndʋ́ náyaa wɩlaa yɔ. Ɛlɛ́, mɔnkɔm se tɔm ndʋ́ pɔyɔɔdaa yɔ tɩla.

Maarkɩ 1:15

Ɛtɔŋaɣ se: «Lɛɛlɛɛyɔ, alɩwaatʋ talaa se Ɛsɔ Kewiyaɣ ɛkɔɔ. Pʋ-yɔɔ lɛ, ɩlɛɣzɩ wɛtʋ nɛ itisi ɛ-Laŋhɛzɩyɛ Tɔm.»

Luka 1:31

Ŋhakɩ howa nɛ ŋlʋlɩ abalɩbɩɣa nɛ ŋyaa-kɛ se Yesu.

Luka 1:35

Ɛ́lɛ́ cosi-i se: «Ɛsɔ Caabiyuu Fezuu Kiɖeɖeu tiki ñɔ-yɔɔ nɛ ki-ɖoŋ nɛ kihuuzi ñɔ-yɔɔ ɖeu ɛzɩ kuzotuu yɔ. Pʋ-yɔɔ pɩɣa ŋgá ŋlʋlʋʋ yɔ, kɛkɛɣ Ɛsɔ ñɩnʋ nɛ payaa-kɛ se: Ɛsɔ Pɩyalʋ.

Luka 2:7

Peeɖe ɛlʋlɩ ɛ-kajalaɣ pɩɣa, kɛkɛ abalɩbɩɣa. Ɛlʋlɩ-kɛ wondu kalakʋ taa nɛ ɛɖʋ-kɛ pɩsaʋ taa nɛ ɛhɛzɩ-kɛ ɖenɖe paɖʋʋ wondu tɔɔnaɣ yɔ. Mbʋ́ pʋyɔɔ yɔ, pataahiɣ ɖɩsʋyɛ agɔmaa ɖɩɣa taa.

Luka 20:44

Daaviidi maɣmaɣ ñayaɣ Weyi Ɛsɔ Lɩzaa Yɔ se Kɩpaɣlʋ. Ɛzɩma ɛtasɩɣ kɛʋ Daaviidi ɛnʋ ɛ-sayɩ ɖɔɖɔ yɔ?»

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 10:36

Yee ḿbʋ́ lɛ, pɩlabɩ ɛzɩma mɔntɔ se: ma lɛ Ɛsɔ Pɩyalʋ nɛ ɩtɔŋ se mɛwɛɛkɩɣ ɛ-hɩɖɛ yɔ? Ŋgʋ́, ma ɛlɩzaa nɛ etiyi kedeŋa yɔɔ.

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 6:38

Mbʋ́ pʋyɔɔ yɔ, malɩnɩ ɛsɔdaa mentii se mala mbʋ́ weyi etiyi-m yɔ e-liu wɛɛ yɔ. Mɔntɔkɔɔ se mala mbʋ́ me-liu wɛɛ yɔ.

Yohanɛɛsɩ 8:42

Ɛlɛ́, Yesu heyi-wɛ se: «Yee toovenim Ɛsɔ ɛɛkɛ mɩ-Caa yɔ, ɩɩsɔɔlɩ-m. Mbʋ́ pʋyɔɔ yɔ, ɛ-cɔlɔ malɩnaa nɛ mɔnkɔɔ mɛwɛɛ cɩnɛ. Pɩtɛkɛ mon-ɖoŋ mɔnkɔmnaa, ɛlɛ́, ɛnʋ tiyini-m.

Tʋma Labʋ 1:7

Ecosi-wɛ se: «Pɩtɛkɛ mɩ pʋmʋnaa se ɩtɩlɩ alɩwaatʋ ndʋ́ tɩ-yɔɔ ɖeyi ɖeyi malakɩ ḿbʋ́ yɔ. Caa Ɛsɔ ɖʋnɩ-tʋ nɛ ɛ-maɣmaɣ e-ɖoŋ.

Room 1:3

Ńdʋ́ lɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɛ-tɔm. Palʋlɩ-ɩ wiyaʋ sɔsɔ Daaviidi liɖe taa. Liɖe ńɖɩ́ ɖɩ-taa palʋlɩ-ɩ,

Room 15:8

Mbʋ́ pʋyɔɔ yɔ, mankaɖɩɣ-mɩ se Krɩstʋ pɩsɩ Yuda ñɩma tʋmlaɖʋ se ɛla mbʋ́ Ɛsɔ kaɖʋwa se ɛlakɩ pɔ-cɔzɔnaa yɔ nɛ pɩwɩlɩ se ɛlakɩ mbʋ́ ɛɖʋwa yɔ.

Room 5:6

Toovenim lɛ, Krɩstʋ sɩba mbá ɖa ɖa-paa fɛyɩnɩ Ɛsɔ yɔ ɖɔ-yɔɔ alɩwaatʋ ndʋ́ Ɛsɔ ɖʋwa yɔ. Alɩwaatʋ ńdʋ́ lɛ, ɖɩtatɩɩwɛnɩdɩ ɖoŋ nɩɩyɩ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 9:5

Pɛkɛ Abraham nɛ Izaakɩ nɛ Yakɔɔbʋ pa-sayɩnaa. Đɩkpaɣ Krɩstʋ ɛsɛ yɔɔ yɔ, ɛkɛ pe-liɖe taa tʋ. Ŋgʋ́, ɛnʋ lɛ Ɛsɔ weyi ɛkɩlɩ pɩtɩŋa payɩ yɔ. Pasam-ɩ tam. Pɩla ḿbʋ́!

Efɛɛzɩ 1:10

Alɩwaatʋ talɩɣ lɛ, ɛlabɩ-pʋ: ekpeɣliɣ mbʋ́ pɩtɩŋa payɩ pʋwɛ ɛsɔdaa nɛ tataa yɔ wiyaʋ kʋɖʋm koŋ tɛɛ. Ɛnʋ lɛ Krɩstʋ.

Koloosi 2:14

Ɛkpaɣ takayaɣ ŋgá pama ka-taa kɩwɛɛkɩm mbʋ́ paɣtʋ wɩlaa se ɖɩlaba yɔ nɛ ɛkam-kɛ kaamaŋkaɣ yɔɔ nɛ eɖizini-kɛ.

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

Ebree 2:14

Yee ḿbʋ́, ɛzɩma mbʋ́ ɛyáa ḿbá pɛkɛ kedeŋa yɔɔ cɩnɛ ñɩma yɔ, ḿbʋ́ ɖɔɖɔ Yesu ɛnʋ ɛ-maɣmaɣ ɛkɔm ɛzɩ ɛyʋ yɔ nɛ ɛkɔɔ ɛsɩ. Ɛlabɩ ḿbʋ́ se ɛpɩsɩ weyi ɛɛɖɔkɩ sɩm ɖoŋ yɔ ɛjam: ɛnʋ lɛ Satanɩ.

Ebree 9:10

Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

1 Yohanɛɛsɩ 4:14

Đa lɛ, ɖɩnawa nɛ ɖɩlɩzɩɣ aseɣɖe se Caa Ɛsɔ tiyi ɛ-Pɩyalʋ kedeŋa yɔɔ se ɛya ɛyáa ñʋŋ.

1 Yohanɛɛsɩ 4:2

Mbʋ́ ɩpɩzɩɣ ɩnana se toovenim Fezuu Kiɖeɖeu wɛ nɔɔyʋ cɔlɔ yɔ lɛ se: yee nɔɔyʋ ɛkaɖɩ kpayɩ se Yesu Krɩstʋ pɩsɩ ɛyʋ nɛ ɛkɔɔ kedeŋa yɔɔ yɔ, pɩwɩlɩɣ se Fezuu Kiɖeɖeu ŋ́gʋ́ kɩwɛ pʋdʋ cɔlɔ.