Galaatɩ 4:18 - New Testament

¹⁸ Toovenim lɛ, pɩwɛ ɖeu se ɛyáa ɛsɩyɛ ɛsɛɛnɩ camɩyɛ lakasɩ tam. Pɩtaakɛ alɩwaatʋ ndʋ́ mɛwɛ mɩ-hɛkʋ taa yɔ, ti-ɖeke.

Galaatɩ 4:18 ပူးပေါင်းရင်းမြစ်များ

Yohanɛɛsɩ 2:17

Peeɖe ɛ-tɔmkpɛlɩkɩyaa tɔzɩ tɔm ndʋ́ pama Ɛsɔtɔm Takayaɣ taa yɔ tɩ-yɔɔ. Ńdʋ́ lɛ se: «Hayɩ Ɛsɔ, mɔnsɔɔlɩ ña-ɖɩɣa sɔɔlʋʋ mbʋ́ yɔ, pʋkɔŋ-m kʋʋ.»

1 Kɔrɛntɩ 15:58

Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.

Galaatɩ 4:13

Ɩtɔzɩ se kʋdɔŋ taa maawɛɛ yɔɔ mancalɩ-mɩ susuu Laŋhɛzɩyɛ Tɔm.

Galaatɩ 4:17

Ɛyáa ḿbá, pɛ-ɛsɩyɛ sɛnɩ mbʋ́ palakɩ-mɩ yɔ, ɛlɛ́, pɩfɛyɩ ɖeu. Mbʋ́ pʋyɔɔ yɔ, pañɩnɩɣ se ɩha-m siɣ́ye nɛ ɩnɩɩnɩ pe-ɖeke.

Galaatɩ 4:20

Me-liu wɛɛ siŋŋ se mɛwɛɛ mɩ-cɔlɔ alɩwaatʋ tʋnɛ tɩ-taa nɛ mana ɛzɩma mbʋ́ maayɔɔdɩnɩ-mɩ yɔ. Mbʋ́ pʋyɔɔ yɔ, pɩcɛyɩɣ-m mɩ-tɔm taa!

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Wɩlʋʋ 3:19

Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.