Galaatɩ 3:5 - New Testament

⁵ Ɩɖɔŋ paɣtʋ yɔɔ yɔɔ Ɛsɔ ha-mɩ e-Fezuu Kiɖeɖeu nɛ ɛlakɩ hama lakasɩ mɩ-hɛkʋ taa yaa we? Pɩtɛkɛ ḿbʋ́! Ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ.

Galaatɩ 3:5 ပူးပေါင်းရင်းမြစ်များ

Tʋma Labʋ 14:3

Paa ḿbʋ́ yɔ, paacaɣ Ikoniyɔm peeɖe ka ka nɛ posusuu ɛzɩma mbʋ́ Kɩpaɣlʋ lakɩ ɛyáa lootiye yɔ kaalɛyɩtʋ. Eyeba nɛ pawɩlɩ kawɩlɩsɩ nɛ pala hama lakasɩ nɛ pɩwɩlɩ se tɔm ńdʋ́ posusuu yɔ, tɩkɛ toovenim.

Room 10:17

Pʋ-yɔɔ lɛ, lidaʋ lɩɣnɩ tɔm ndʋ́ ɛyʋ welesiɣ yɔ tɩ-cɔlɔ. Tɔm ndʋ́ ewelesiɣ yɔ lɛ Krɩstʋ tɔm ndʋ́ posusuu yɔ.

Room 15:19

Ɛlabɩ ɖɔɖɔ hama lakasɩ ndɩ ndɩ nɛ ɛwɩlɩ Fezuu Kiɖeɖeu ɖoŋ. Ḿbʋ́ monsusi Krɩstʋ Laŋhɛzɩyɛ Tɔm siŋŋ, kpaɣ Yeruusalɛm nɛ puwolo pɩsɩɩnɩ Iliirii.

1 Kɔrɛntɩ 12:10

Ŋ́gʋ́ ɖɔɖɔ hanɩ nabɛyɛ se pala hama lakasɩ, lɛlaa se posusi tɔm ndʋ́ tɩlɩnɩ Ɛsɔ cɔlɔ yɔ, lɛlaa se patɩlɩ mbʋ́ pɩlɩnɩ kʋ-cɔlɔ yaa mbʋ́ pɩtalɩɩnɩ kʋ-cɔlɔ yɔ, lɛlaa se pɔyɔɔdɩ kʋnʋmɩŋ ndɩ ndɩ nɛ lɛlaa se palɩzɩ a-tɔbɩŋ.

2 Kɔrɛntɩ 10:4

Mbʋ́ pʋyɔɔ yɔ, pɩtɛkɛ hɔzɩŋ weyi kedeŋa ñɩma lakɩnɩ you yɔ ɖɩlakɩna. Ɛlɛ́, weyi ɩlɩnɩ Ɛsɔ cɔlɔ yɔ ɖɩlakɩna. Ɩwɛ ɖoŋ, ɩpɩzɩɣ ɩyɔkɩ Ɛsɔ koyindinaa ɖɩmɛlɩyɛ. Ɩnʋ ɖiɖiɣzini cɛtɩm tɔm.

2 Kɔrɛntɩ 12:12

Alɩwaatʋ ndʋ́ malakaɣ tʋmɩyɛ mɩ-tɛ yɔ, mɔnɖɔkaɣ man-tɩ pɩtɩŋa pɩ-taa nɛ Ɛsɔ tɩŋɩɣnɩ mɔ-yɔɔ nɛ ɛlakɩ ɛ-hama lakasɩ ndɩ ndɩ. Ḿbʋ́ wɩlɩɣna se mɛnkɛ Krɩstʋ tiyiyu.

2 Kɔrɛntɩ 13:3

Ɩcaɣ se mawɩlɩ-mɩ ɛzɩma mbʋ́ mɔyɔɔdʋʋnɩ Krɩstʋ nɔɔ yɔ yaa we? Mawɩlɩɣ-mɩ ɖɔɖɔ. Krɩstʋ tɛkɛ ɛjam mɩ-hɛkʋ taa: ɛwɩlɩɣ-mɩ e-ɖoŋ.

2 Kɔrɛntɩ 3:8

ɛzɩma Fezuu Kiɖeɖeu tʋmɩyɛ ñaawɩlɩɣ koboyaɣ ŋ́gá ka-paɣlɩka kpem nɛ pɩkɩlɩ ḿbʋ́ yɔ?

2 Kɔrɛntɩ 9:10

Ɛsɔ cɛlɩɣnɩ haɖʋ ɖomaɣ se eɖuu nɛ ɛhaɣ-ɩ tɔɔnaɣ se ɛtɔɔ. Ɛnʋ kɔŋnɩ-mɩ cɛlʋʋ ɖɔɖɔ mbʋ́ pɩtɩŋa payɩ pʋpɔzʋʋ-mɩ yɔ. Eyeki nɛ puhuu nɛ mɩ-camɩyɛ lakasɩ tɛzɩ ɖɔʋ.

Galaatɩ 3:2

Tɔm kʋɖʋmtʋ koŋ mɔnpɔzʋʋ-mɩ, ńdʋ́ lɛ se: ɩɖɔŋ Yuda ñɩma paɣtʋ yɔɔ camɩyɛ yɔɔ Ɛsɔ ha-mɩ e-Fezuu Kiɖeɖeu yaa ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ? Icosi-m nɛ manɩɩ.

Filiipu 1:19

Mbʋ́ pʋyɔɔ yɔ, manawa se mɩ-Ɛsɔ sɛʋ nɛ Yesu Krɩstʋ Fezuu sɩnaʋ pɔ-yɔɔ lɛ, pɩtɩŋa payɩ pʋkɔŋ yabʋ ma-ñʋʋ.