Galaatɩ 3:16 - New Testament

¹⁶ Ɛsɔ ñaɖʋwa ɖɔɖɔ se ɛlakɩ Abraham nɛ ɛ-sayɩ pʋyʋ. Ɛlɛ́, patama se: «Abraham nɛ ɛ-sayɩnaa.» Ɛlɛ́, pamawa se: «Abraham nɛ ɛ-sayɩ.» Pʋ-yɔɔ lɛ, pɩtɛkɛ ɛyáa sakɩyɛ tɔm pamawa, ɛlɛ́, kʋɖʋm koŋ tɔm pamawa. Ɛnʋ lɛ Krɩstʋ.

Galaatɩ 3:16 ပူးပေါင်းရင်းမြစ်များ

Maatiyee 1:1

Yesu Krɩstʋ weyi ɛ-cɔzɔ lɛ Daaviidi nɛ ɛ́lɛ́ cɔzɔ lɛ Abraham yɔ, ɛ-cɔzɔnaa hɩla yɔ:

Luka 1:55

Ɛtɔsɔɔ ɛ-camɩyɛ lakasɩ nzɩ́ ɛɖʋwa se ɛlakɩ ɖɔ-cɔzɔnaa, Abraham nɛ e-liɖe taa ñɩma yɔ sɩ-yɔɔ kaʋ.»

Tʋma Labʋ 3:25

Mbʋ́ Ɛsɔ ɖʋwa se ɛtɩŋɩɣnɩ náyaa yɔɔ nɛ ɛla yɔ, mɩtɩnɩ-pʋ. Mbʋ́ ɛɖʋwa se ɛlakɩ mɩ-cɔzɔnaa alɩwaatʋ ndʋ́ ɛha-wɛ nɔɔ yɔ, mɩtɩnɩ-pʋ ɖɔɖɔ. Mbʋ́ pʋyɔɔ yɔ, eeheyi Abraham se: ‹Matɩŋɩɣnɩ ñe-liɖe taa ñɩma yɔɔ nɛ mawazɩ kedeŋa yɔɔ ɛyáa kpeekpe yɔɔ.›

Room 12:5

Ḿbʋ́ ɖɔɖɔ paa ɖɩɖɔwa yɔ, ɖɩwɛ ɛzɩ tomnaɣ kʋɖʋmaɣ ɖa nɛ Krɩstʋ ɖɛ-kpɛndʋʋ taa nɛ ɖatɩŋa payɩ ɖɩɖɔkɩ ɖama ɛzɩ ɛyʋ tomnaɣ hɔɔlɩŋ ɖɔkʋʋnɩ ɖama yɔ.

Room 4:13

Toovenim lɛ, pɩtɛkɛ paɣtʋ yɔɔ ɖɔm yɔɔ pɩtɩŋnaa nɛ Ɛsɔ heyi Abraham nɛ ɛ-sayɩnaa se pɔkɔŋ tɩɣyʋʋ kedeŋa kpeekpe. Ɛlɛ́, ɛwɛʋnɩ lidaʋ nɛ Ɛsɔ kpaɣ-ɩ se ɛkɛ kʋtʋʋzʋ yɔ, pʋ-yɔɔ pɩtɩŋnaa.

Room 4:16

Pʋ-yɔɔ lɛ, lidaʋ ŋgʋ́ ɖɩwɛnɩ Ɛsɔ yɔɔ yɔ, kʋ-yɔɔ ɛɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ falaa se pʋwazɩ Abraham sayɩnaa tɩŋa payɩ. Pɩtɛkɛ mbá pɛcɛlɩ-wɛ paɣtʋ yɔ, pe-ɖeke pʋwazɩɣ. Ɛlɛ́, pɩkpɛndɩnɩ mbá pɛwɛnɩ lidaʋ ɖɔɖɔ ɛzɩ ɖɔ-cɔzɔ Abraham yɔ, mbʋ́ pʋyɔɔ yɔ, ɛnʋ lɛ ɖatɩŋa payɩ ɖɔ-cɔzɔ.

Room 9:4

Pɛkɛ Izrɛɛlɩ ñɩma: Ɛsɔ pɩsɩ-wɛ e-piya nɛ eyele nɛ pɛwɛɛ e-koboyaɣ taa. Ɛha-wɛ nɔsɩ nɛ ɛɖʋ-wɛ paɣtʋ nɛ ɛwɩlɩ-wɛ ɛzɩma mbʋ́ poluŋ ɛ-tɛɛ yɔ nɛ ɛɖʋ mbʋ́ mbʋ́ ɛlakɩ-wɛ yɔ.

1 Kɔrɛntɩ 12:12

Toovenim lɛ, Krɩstʋ wɛ ɛzɩ tomnaɣ kʋɖʋmaɣ ŋgá kɛwɛnɩ pilinzi sakɩyɛ yɔ. Paa ke-pilinzi ɛɖɔwa yɔ, kɛkɛ kʋɖʋmaɣ.

1 Kɔrɛntɩ 12:27

Mɩtɩŋa payɩ ɩkɛ Krɩstʋ tomnaɣ nɛ paa mɩ-taa weyi ɛkɛ tomnaɣ ŋ́gá ke-piliŋa.

2 Kɔrɛntɩ 11:22

Ɛyáa ḿbá pɛkɛ Ebree ñɩma naa we? Ma ɖɔɖɔ mɛnkɛ Ebree tʋ. Pɛkɛ Izrɛɛlɩ ñɩma naa we? Ma ɖɔɖɔ mɛnkɛ Izrɛɛlɩ tʋ. Pɛkɛ Abraham liɖe taa ñɩma naa we? Ma ɖɔɖɔ mɛnkɛ e-liɖe taa tʋ.

Galaatɩ 3:19

Yee ḿbʋ́ lɛ, ɛbɛ yɔɔ Ɛsɔ ɖʋ paɣtʋ yɔ? Ɛɖʋ-tʋ se pɩtɩŋnɩ tɩ-yɔɔ nɛ ɛyáa tɩlɩ mbʋ́ pɩkɛ kɩwɛɛkɩm yɔ. Ɛɖʋ-tʋ ɖɔɖɔ se tɩwɛɛ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ palʋlɩ Abraham sayɩ weyi Ɛsɔ kaɖʋwa se ɛlakɩ-ɩ pʋyʋ yɔ. Paɣtʋ ńdʋ́ ɛcɛlɩ e-tiyiyaa. Paba ñatɩŋnɩ Mooyiizi yɔɔ nɛ powoni-tʋ ɛyáa.

Galaatɩ 3:8

Đɔɖɔ lɛ, pama Ɛsɔtɔm Takayaɣ taa ɖooo lɔŋ se mbá pɛtɛkɛ Yuda ñɩma yɔ, pɔkɔŋ wɛnaʋ lidaʋ Ɛsɔ yɔɔ se ɛ́lɛ́ ɛkpaɣ-wɛ se pɛkɛ kʋtʋʋzaa. Pʋ-yɔɔ Ɛsɔ kalayɩnɩ Abraham heyuu laŋhɛzɩyɛ tɔm. Ńdʋ́ lɛ se: «Ñɔ-yɔɔ lɛ, mɔnkɔŋ wazʋʋ kedeŋa kpeekpe ɛyáa yɔɔ.»

Efɛɛzɩ 5:32

Tɔm tʋnɛ, tɩkɛ mɛsaɣ tɛɛ tɔm, tɩ-taa wɛ cukaŋ. Krɩstʋ nɛ ɛ-ŋgbɛyɛ taa ñɩma mamaɣzɩnaa nɛ mɔyɔɔdɩ ḿbʋ́.

Koloosi 2:19

Weyi ɛlakɩ ḿbʋ́ yɔ, ɛ nɛ Krɩstʋ pɛfɛyɩ ɖama taa. Ŋgʋ́, ɛ́lɛ́ lɛ tomnaɣ ñʋʋ. Ñʋʋ ŋ́gʋ́ kiyekina nɛ hola nɛ ɖɩtanɛ pɛkpɛndɩ ɖama nɛ papaɣlɩ ɛzɩ Ɛsɔ liu wɛʋ yɔ.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.