Galaatɩ 2:9 - New Testament

⁹ Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

Galaatɩ 2:9 ပူးပေါင်းရင်းမြစ်များ

Maatiyee 16:18

Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Luka 22:8

Yesu tiyi Pɩyɛ nɛ Yohanɛɛsɩ se: «Iwolo ɩtɩzɩ-ɖʋ Paska Kazandʋ tɔɔnaɣ.»

Yohanɛɛsɩ 1:42

Peeɖe ɛkpaɣ-ɩ nɛ ewoni-i Yesu cɔlɔ. Patalaa lɛ, Yesu cɔnɩ-ɩ pɩŋŋ nɛ ɛtɔ se: «Ña lɛ Yohanɛɛsɩ pɩyalʋ weyi payaɣ se Siimɔɔ yɔ, pɔkɔŋ-ŋ yaʋ se Sefaasɩ.» Sefaasɩ tɔbʋʋ se Pɩyɛ.

Tʋma Labʋ 12:17

Peeɖe ɛñɩɣ-wɛ nesi se posu. Posuma lɛ, ɛkɛdɩ-wɛ ɛzɩma mbʋ́ Kɩpaɣlʋ lɩzɩ-ɩ salaka taa yɔ. Ɛtɛm-wɛ kɛdʋʋ lɛ, eheyi-wɛ se: «Iwolo iheyi-tʋ Yakubu nɛ taabalaa lɛlaa.» Eheyi-wɛ ḿbʋ́ lɛ, ɛcaŋ ɛɖɛɛ ɖoli lɛɛɖɛ.

Tʋma Labʋ 15:13

Pɛtɛm-wɛ kɛdʋʋ lɛ, Yakubu heyi-wɛ se: «Taabalaa! Iwelesi nɛ ɩnɩɩ.

Tʋma Labʋ 15:7

Paahɔmnɩ ɖama tɔm siŋŋ. Pʋ-yɔɔ Pɩyɛ kʋyaa nɛ eheyi-wɛ se: «Taabalaa! Ɩtɛm naʋ mɩ-maɣmaɣ se Ɛsɔ lɩzɩ-m mɩ-hɛkʋ taa cɩnɛ kajalaɣ alɩwaatʋ taa se mowolo meheyi mbá pɛtɛkɛ Yuda ñɩma yɔ Laŋhɛzɩyɛ Tɔm nɛ pɛwɛnɩ lidaʋ Yesu yɔɔ.

Tʋma Labʋ 4:36

Ḿbʋ́ ɖɔɖɔ Leevi liɖe taa tʋ nɔɔyʋ kɛwɛ Ciiprɩ ɛjaɖɛ taa, payaɣ-ɩ se Yozɛɛfʋ. Tiyiyaa kakʋm-ɩ hɩɖɛ se Barnaabaasɩ. Pʋ-tɔbʋʋ se weyi ɛsazɩɣ lɛlaa yɔ.

Room 1:5

Ɛ-yɔɔ pɩtɩŋnaa nɛ Ɛsɔ labɩ-m lootiye nɛ ɛha-m waɖɛ se mɛnkɛ Yesu ɛnʋ e-tiyiyu nɛ meyele nɛ ajɛya kpeekpe taa ɛyáa wɛnɩ lidaʋ ɛ-yɔɔ nɛ pañam-ɩ. Ḿbʋ́ yekina nɛ paɖʋ-ɩ hɩɖɛ.

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

Room 15:15

Paa ḿbʋ́ yɔ, mama-mɩ-tʋ kpayɩ ɖoli ɖoli se mɔntɔzɩ-mɩ mbʋ́ ɩɩtɛm kpɛlɩkʋʋ nɛ pɩɖɛɛ yɔ. Lootiye nɖɩ́ Ɛsɔ labɩ-m yɔ, ńɖɩ́ hanɩ-m waɖɛ se mama-mɩ ḿbʋ́.

1 Kɔrɛntɩ 15:10

Ɛlɛ́, Ɛsɔ lootiye yɔɔ lɛ, mɛnkɛ mbʋ́ mɛnkɛnaa yɔ. Lootiye nɖɩ́ ɛlabɩ-m yɔ, ɖɩwɛnɩ kɛzɛɣa. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ Krɩstʋ tiyiyaa lɛlaa tɩŋa payɩ. Pɩtɛkɛ mon-ɖoŋ malabɩnaa, ɛlɛ́, lootiye nɖɩ́ ɛlabɩ-m yɔ ɖɩ-yɔɔ malabɩ-ɖɩ.

2 Kɔrɛntɩ 11:5

Ɛyáa ḿbá, ɩkpakɩɣ-wɛ se pɛkɛ Krɩstʋ tiyiyaa sɔsaa. Ŋgʋ́, mantasa se pakɩlɩ-m pʋyʋ!

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 8:4

Paawɛɛ pɛcɛyɩɣ-ɖʋ se ɖɩha-wɛ waɖɛ nɛ pasɩnɩ ɖɔɖɔ Ɛsɔ ñɩma.

Galaatɩ 1:16

se ɛlɩzɩɣ ɛ-Pɩyalʋ ɛwɩlɩ-m nɛ meheyi mbá pɛtɛkɛ Yuda ñɩma yɔ ɛ-Pɩyalʋ ɛnʋ ɛ-tɔm lɛ, mɔntɔpɔzɩ nɔɔyʋ se ɛtasɩ-m tɔm natʋyʋ.

Galaatɩ 1:18

Pɩnzɩ naadozo ɖɛwa lɛ, mowolo Yeruusalɛm nɛ mansɩ Pɩyɛ nɛ ma nɛ ɩ ɖɩcaɣ kɩyakɩŋ hiu nɛ kagbaanzɩ.

Galaatɩ 2:1

Pɩnzɩ hiu nɛ naanza ɖɛwa lɛ, ma nɛ Barnaabaasɩ ɖɩpɩsɩ Yeruusalɛm. Đɩɩkpɛndɩnɩ Tiiti ɖɔɖɔ.

Galaatɩ 2:2

Manpɩsɩ peeɖe, mbʋ́ pʋyɔɔ yɔ, Ɛsɔ wɩlɩnɩ-m se pʋwɛ se mala ḿbʋ́. Mantalaa lɛ, ma nɛ Krɩstʋ ŋgbɛyɛ ñʋndɩnaa ɖɩkɛzɩ ɖa-tɩ hɔɔlʋʋ nɛ malɩzɩ-wɛ Laŋhɛzɩyɛ Tɔm ndʋ́ meheyaɣ mbá pɛtɛkɛ Yuda ñɩma yɔ, tɩ-tɔbʋʋ. Mantaasɔɔlɩ se tʋmɩyɛ nɖɩ́ mɛntɛm labʋ yɔ nɛ nɖɩ́ mɔnɖɔŋ labʋ yɔ pala aleɣwondu.

Galaatɩ 6:3

Yee nɔɔyʋ ɛmaɣzɩɣ se ɛ-wayɩ lɛ, nɔɔyʋ fɛyɩ nɛ pʋdʋ fɛyɩ wazaɣ nakɛyɛ yɔ, ɛcɛtɩ ɛ-maɣmaɣ ɛ-tɩ kpem.

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Koloosi 1:29

Pʋ-yɔɔ mankʋʋ man-tɩ nɛ tʋmɩyɛ nɛ e-ɖoŋ seɣtiɣ-m siŋŋ nɛ malʋkɩ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

1 Yohanɛɛsɩ 1:3

Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

Wɩlʋʋ 3:12

‹Weyi ɛwakɩ yɔ, meyeki nɛ ɛkɛ mɛ-Ɛsɔ ɖɩɣa taa sisika, ɛɛtasɩɣ lɩʋ. Mamaɣ ɛ-yɔɔ mɛ-Ɛsɔ ɛnʋ ɛ-hɩɖɛ nɛ ɛ-tɛtʋ ñɩnɖɛ: ńdʋ́ʋ́ lɛ Yeruusalɛm kɩfalʋʋ ŋgʋ́ kɩlɩɣnɩ ɛsɔdaa mɛ-Ɛsɔ cɔlɔ nɛ kitiki yɔ. Mamaɣ ɛ-yɔɔ ɖɔɖɔ ma-hɩɖɛ kɩfaɖɛ.