Galaatɩ 2:7 - New Testament

⁷ Ɛlɛ́, ñʋndɩnaa ḿbá, pa-maɣmaɣ peɖiɣzinaa se Ɛsɔ ɖʋnɩ-m tʋmɩyɛ ńɖɩ́ se mɔncɔɔ meheyi kɩtɛpɛlɩŋ Laŋhɛzɩyɛ Tɔm: ḿbá lɛ mbá pɛtɛkɛ Yuda ñɩma yɔ. Ḿbʋ́ ɖɔɖɔ ɛɛɖʋ Pɩyɛ se ɛcɔɔ nɛ eheyi-tʋ mbá paba kɛ Yuda ñɩma yɔ.

Galaatɩ 2:7 ပူးပေါင်းရင်းမြစ်များ

Tʋma Labʋ 15:12

Peeɖe mbá patɩŋa paakpeɣlaa yɔ, posum ɖiɣ ɖiɣ nɛ pewelesiɣni Barnaabaasɩ nɛ Pɔɔlɩ. Paba kɛdaɣ-wɛ kawɩlɩsɩ nzɩ́ Ɛsɔ tɩŋnɩ pɔ-yɔɔ nɛ ɛwɩlɩ yɔ nɛ hama lakasɩ nzɩ́ ɛtɩŋnɩ pɔ-yɔɔ nɛ ɛla mbá pɛtɛkɛ Yuda ñɩma yɔ pɛ-hɛkʋ taa yɔ sɩ-tɔm.

Tʋma Labʋ 18:6

Ɛlɛ́, paba ñakʋyʋʋ ɛ-yɔɔ nɛ patʋʋ-ɩ. Pʋ-yɔɔ ekpizi-wɛ e-wondu yɔɔ mʋzʋʋ nɛ pɩwɩlɩ se ɛkɔɔlɩ-wɛ nɛ eyebi-wɛ nɛ pa-sʋʋtʋ nɛ eheyi-wɛ se: «Yee ɩkɔm ile yɔ, ɩtɩlɩ ɖeu se mɩ-maɣmaɣ mɩ-cɔlɔ pɩlɩnaa, pɩtatasɩ kɛʋ ma-ñɩndʋ. Pɩkpaɣʋnɩ lɛɛlɛɛyɔ yɔ, mɛnkɛɣnɩ mbá pɛtɛkɛ Yuda ñɩma yɔ pɔ-yɔɔ.»

Tʋma Labʋ 28:28

Pɔɔlɩ tasɩ-wɛ heyuu se pʋwɛɛ se patɩlɩ se mbá pɛtɛkɛ Yuda ñɩma yɔ, ḿbá Ɛsɔ tiyini ñʋʋ yabʋ tɔm tʋnɛ. Paba kɔŋnɩ-tʋ welesuu!

Tʋma Labʋ 9:15

Ɛlɛ́, Kɩpaɣlʋ heyi-i se: «Kʋyɩ ŋwolo, mbʋ́ pʋyɔɔ yɔ, malɩzɩnɩ-ɩ se pɩtɩŋnɩ ɛ-yɔɔ nɛ ajɛya lɛɛna taa ñɩma nɛ pa-awiya sɔsɔna nɛ Izrɛɛlɩ ñɩma pasɩm-m.

Room 1:5

Ɛ-yɔɔ pɩtɩŋnaa nɛ Ɛsɔ labɩ-m lootiye nɛ ɛha-m waɖɛ se mɛnkɛ Yesu ɛnʋ e-tiyiyu nɛ meyele nɛ ajɛya kpeekpe taa ɛyáa wɛnɩ lidaʋ ɛ-yɔɔ nɛ pañam-ɩ. Ḿbʋ́ yekina nɛ paɖʋ-ɩ hɩɖɛ.

Room 11:13

Mbá mɩ ɩtɛkɛ Yuda ñɩma yɔ, mɩ mɔyɔɔdʋʋnɩ lɛɛlɛɛyɔ: ma lɛ Krɩstʋ tiyiyu weyi ɛlakɩ tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa yɔ. Pʋ-yɔɔ lɛ, mamaɣzɩɣ se man-tʋmɩyɛ wɛ wazaɣ siŋŋ.

1 Kɔrɛntɩ 9:17

Yee ma-maɣmaɣ maasɔɔlɩna se malakɩ tʋmɩyɛ ńɖɩ́ yɔ, maaɖaŋaa se pɛhɛyɩ-m. Ɛlɛ́, ɛzɩma mbʋ́ paɖʋ-m-ɖɩ kʋɖʋʋ lɛ, pɩkɛnɩ-m kɩcɛyʋʋ se malabɩ-ɖɩ.

Galaatɩ 1:16

se ɛlɩzɩɣ ɛ-Pɩyalʋ ɛwɩlɩ-m nɛ meheyi mbá pɛtɛkɛ Yuda ñɩma yɔ ɛ-Pɩyalʋ ɛnʋ ɛ-tɔm lɛ, mɔntɔpɔzɩ nɔɔyʋ se ɛtasɩ-m tɔm natʋyʋ.

Galaatɩ 1:18

Pɩnzɩ naadozo ɖɛwa lɛ, mowolo Yeruusalɛm nɛ mansɩ Pɩyɛ nɛ ma nɛ ɩ ɖɩcaɣ kɩyakɩŋ hiu nɛ kagbaanzɩ.

Galaatɩ 1:6

Pɩɖɩɣzɩ-m pɩŋŋ nɛ mɩ-tɔm. Mbʋ́ pʋyɔɔ yɔ, ɩha Ɛsɔ weyi ɛtɩŋnɩ Krɩstʋ lootiye yɔɔ nɛ ɛ́yáa-mɩ se ɩkɛ ɛ-ñɩma yɔ siɣ́ye yem kɛlɛʋ nɛ ɩnɩɣnɩ Laŋhɛzɩyɛ Tɔm lɛɛtʋ.

Galaatɩ 2:11

Pɩyɛ talɩ Antɩyɔɔsɩ lɛ, mankʋyɩ ɛ-yɔɔ ɛyáa tɩŋa ɛsɩndaa, mbʋ́ pʋyɔɔ yɔ, ɛlabɩ mbʋ́ pɩfɛyɩ ɖeu yɔ.

Galaatɩ 2:14

Mɔnkɔm mana se Pɩyɛ ɛɛɖɔŋ Laŋhɛzɩyɛ Tɔm yɔɔ nɛ toovenim lɛ, mɔnpɔzɩ-ɩ ɛyáa tɩŋa ɛsɩndaa kpayɩ se: «Weyi ña ŋkɛ Yuda tʋ yɔ, yee ña-lakasɩ ɛwɛ ɛzɩ mbá pɛtɛkɛ Yuda ñɩma yɔ lɛ, pɩlabɩ ɛzɩma nɛ ŋcɛyɩɣ paba se pala ɛzɩ Yuda ñɩma yɔ?»

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

1 Tesalooniki 2:4

Ɛlɛ́, ɖɩyɔɔdʋʋ tam ɛzɩ Ɛsɔ liu wɛʋ yɔ: ɛmaɣzɩ-ɖʋ nɛ pʋcɔ ɛ́ɖʋzɩ ɖe-nesi taa ɛ-Laŋhɛzɩyɛ Tɔm. Pɩtɛkɛ se ɖɩñɩnɩɣ se ɖɔ-tɔm ɛkɛdɩnɩ ɛyáa, ɛlɛ́, Ɛsɔ ɖɩñɩnɩɣ se tɩkɛdɩna, ɛnʋ naɣnɩ mbʋ́ pʋwɛ ɖa-laŋa taa yɔ.

1 Timootee 1:11

Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.

1 Timootee 2:7

Pʋ-yɔɔ palɩzɩ man-tɩ tɩŋa se mɛnkɛ Ɛsɔtɔm susiyu nɛ mɛntɛ mɛnkɛ Krɩstʋ tiyiyu. Mɔyɔɔdʋʋ toovenim, maacɛtɩɣ. Paɖʋ-m se mawɩlɩ mbá pɛtɛkɛ Yuda ñɩma yɔ toovenim nɛ lidaʋ pɔ-tɔm.

2 Timootee 1:11

Laŋhɛzɩyɛ Tɔm ńdʋ́, tɩ-taa Ɛsɔ ɖʋ-m se mɛnkɛ Yesu tiyiyu nɛ mɛntɛ mɛnkɛ wɩlɩyʋ nɛ mɛntɛ mɛnkɛ ti-susiyu.

2 Pɩyɛ 3:15

Ɩtɩlɩ se ɖa-Kɩpaɣlʋ hɔyɛ ɖɔkʋʋ haɣnɩ-mɩ waɖɛ se pɩya mɩ-ñʋʋ. Ḿbʋ́ Ɛsɔ ha ɖa-taabalʋ kʋsɔɔlʋ Pɔɔlɩ lɔŋsɩnɖɛ nɛ ɛma nɛ eheyi-mɩ ɖɔɖɔ.