Galaatɩ 2:6 - New Testament

⁶ Ɛyáa mbá pɔcɔŋaɣnɩ-wɛ se pɛkɛ ñʋndɩnaa yɔ, patakpa-m nɛ ɖoŋ se mala pʋyʋ. Halɩ mantakpaɣ pɔ-sɔsɔtʋ nɛ mayaa pʋyʋ. Mbʋ́ pʋyɔɔ yɔ, ɛyáa tɩŋa payɩ wɛ kɩmaŋ Ɛsɔ ɛsɩndaa.

Galaatɩ 2:6 ပူးပေါင်းရင်းမြစ်များ

Maatiyee 22:16

Peeɖe petiyi pɔ-tɔmkpɛlɩkɩyaa taa lɛlaa nɛ Eroodi hɔɔlʋʋ taa ñɩma nabɛyɛ se powolo peheyi-i se: «Wɩlɩyʋ! Đɩnawa se ŋyɔɔdʋʋ toovenim nɛ ŋkpɛlɩkɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Sɔɔndʋ ɛɛkpaɣ-ŋ nɛ nɔɔyʋ, mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋyaa pʋyʋ.

Maarkɩ 12:14

Patalaa lɛ, peheyi-i se: «Wɩlɩyʋ! Đɩnawa se ŋyɔɔdʋʋ toovenim, sɔɔndʋ ɛɛkpaɣ-ŋ nɛ nɔɔyʋ. Mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋlabɩnɩ tʋmɩyɛ. Ŋwɩlɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Đa-paɣtʋ haɣ waɖɛ se pɛhɛyɩ Room wiyaʋ sɔsɔ lambuu yaa pataahɛyɩ-ɩ? Đa yɔ, pʋwɛɛ se ɖɩhɛyɩ-ɩ yaa ɖɩtaahɛyɩ-ɩ? Cosi-ɖʋ nɛ ɖɩnɩɩ.»

Luka 20:21

Pʋ-yɔɔ peheyi-i se: «Wɩlɩyʋ! Đɩsɩm ɖeu se tɔm ndʋ́ ŋyɔɔdʋʋ nɛ ndʋ́ ŋwɩlɩɣ yɔ, tɩkɛ toovenim. Ŋtakpaɣ ɛyáa tɔm nɛ ŋlabɩnɩ tʋmɩyɛ. Ɛlɛ́, mbʋ́ Ɛsɔ liu wɛɛ se ɛyáa ɛla yɔ, pu-toovenim ŋwɩlɩɣ.

Tʋma Labʋ 10:34

Kɔɔrnɛɛyɩ yɔɔdɩ ḿbʋ́ lɛ, Pɩyɛ tɔ se: «Toovenim lɛ, lɛɛlɛɛyɔ manawa se Ɛsɔ tɔsɔɔlɩ nabɛyɛ nɛ eyele lɛlaa:

Tʋma Labʋ 5:36

Pɩtalabɩdɩ pʋyʋ yɔ, Teedaasɩ wɩlaɣ ɛ-tɩ. Abalʋ ɛnʋ, ɛkpazaɣ ɛ-tɩ nɛ ɛyáa tɩŋɩɣ ɛ-wayɩ, paatalɩ ɛzɩ nasɩnaza yɔ. Ɛlɛ́, pakʋ-ɩ nɛ piyele ɛ-ɛyáa mɩzɩ ɖama patɩŋa payɩ nɛ pɩsɩɩ tɩnaɣ yem ḿbʋ́.

Room 2:11

Mbʋ́ pʋyɔɔ yɔ, Ɛsɔ ɛɛcɔŋnɩ nɔɔyʋ ɛsɩndaa se pʋcɔ ɛlabɩ-ɩ pʋyʋ.

2 Kɔrɛntɩ 11:5

Ɛyáa ḿbá, ɩkpakɩɣ-wɛ se pɛkɛ Krɩstʋ tiyiyaa sɔsaa. Ŋgʋ́, mantasa se pakɩlɩ-m pʋyʋ!

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 5:16

Pʋ-yɔɔ lɛ, pɩkpaɣʋnɩ lɛɛlɛɛyɔ yɔ, ɖɩɩtasɩɣ nɔɔyʋ sɩm ɛsɛ yɔɔ. Paa ɛsɛ yɔɔ ɖɩɩsɩm Krɩstʋ yɔ, lɛɛlɛɛyɔ, ɖɩsɩm mbʋ́ ɛkɛnaa kpem yɔ.

Galaatɩ 2:2

Manpɩsɩ peeɖe, mbʋ́ pʋyɔɔ yɔ, Ɛsɔ wɩlɩnɩ-m se pʋwɛ se mala ḿbʋ́. Mantalaa lɛ, ma nɛ Krɩstʋ ŋgbɛyɛ ñʋndɩnaa ɖɩkɛzɩ ɖa-tɩ hɔɔlʋʋ nɛ malɩzɩ-wɛ Laŋhɛzɩyɛ Tɔm ndʋ́ meheyaɣ mbá pɛtɛkɛ Yuda ñɩma yɔ, tɩ-tɔbʋʋ. Mantaasɔɔlɩ se tʋmɩyɛ nɖɩ́ mɛntɛm labʋ yɔ nɛ nɖɩ́ mɔnɖɔŋ labʋ yɔ pala aleɣwondu.

Galaatɩ 6:3

Yee nɔɔyʋ ɛmaɣzɩɣ se ɛ-wayɩ lɛ, nɔɔyʋ fɛyɩ nɛ pʋdʋ fɛyɩ wazaɣ nakɛyɛ yɔ, ɛcɛtɩ ɛ-maɣmaɣ ɛ-tɩ kpem.

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

1 Pɩyɛ 1:17

Alɩwaatʋ ndʋ́ ɩsɛɣ Ɛsɔ yɔ, ɩyaɣ-ɩ se Caa. Pʋ-yɔɔ lɛ, pʋwɛɛ se ɩñam-ɩ mbʋ́ pɩtɩŋa payɩ ɩlakɩ yɔ pɩ-taa mi-wezuu caɣʋ taa kedeŋa yɔɔ cɩnɛ. Mbʋ́ pʋyɔɔ yɔ, mɩ-Caa Ɛsɔ hʋʋnɩ ɛyáa tɩŋa payɩ mbʋ́ palaba yɔ pʋ-yɔɔ. Ɛɛcɔŋnɩ nɔɔyʋ ɛsɩndaa nɛ pʋcɔ ɛhʋʋnɩ-ɩ.