Galaatɩ 2:4 - New Testament

⁴ Ɛlɛ́, mbá pɛcɛtaɣ se pɛkɛ Krɩstʋ ñɩma nɛ paasʋ ɖɛ-ŋgbɛyɛ taa yɔ, ḿbá yɔɔdaɣna se pʋwɛɛ se pɛpɛlɩ-ɩ. Ŋgʋ́, ɛyáa ḿbá, mɛsaɣ tɛɛ paasʋ ɖa-taa se pana ɛzɩma mbʋ́ pɩtɩŋnɩ Krɩstʋ Yesu yɔɔ nɛ ɖɩwɛɛ ɖa-tɩ yɔɔ yɔ. Pañɩnaɣ se ɖɩɖaɣnɩ pɩsʋʋ yomaa.

Galaatɩ 2:4 ပူးပေါင်းရင်းမြစ်များ

Luka 5:38

Pɛŋ weyi ɩtɔtɔɔ yɔ, ɩ-taa posuu.

Tʋma Labʋ 15:1

Nakʋyʋ wiye ɛyáa nabɛyɛ lɩnɩ Yudee egeetiye taa nɛ powolo Antɩyɔɔsɩ nɛ peheyiɣ taabalaa se yee peteyele nɛ pɛpɛlɩ-wɛ ɛzɩ palakʋʋ sɔnzɩ nzɩ́ Mooyiizi ɖʋwa yɔ sɩ-taa yɔ, paahikiɣ ñʋʋ yabʋ.

Tʋma Labʋ 15:24

Đɩnɩwa se ɛyáa nabɛyɛ lɩnɩ ɖɛ-tɛ nɛ pɔkɔɔ mɩ-tɛ nɛ peliɣti-mɩ nɛ pɛkpɛzɩ mɩ-kalɩzasɩ nɛ pɔ-tɔm. Đɩtana pɔ-yɔɔ kpem.

Tʋma Labʋ 20:30

Halɩ mɩ-maɣmaɣ mɩ-taa lɛlaa kɔŋ pɩsʋʋ cɛtɩyaa nɛ pepeɣzi Krɩstʋ wayɩ tɩŋɩyaa nɛ paba tɩŋ-wɛ.

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

2 Kɔrɛntɩ 11:13

Ɛyáa ḿbá, pɛcɛtɩɣ kɩcɛtʋ se pɛkɛ Krɩstʋ tiyiyaa. Paayɔɔdʋʋ toovenim pa-tʋmɩyɛ labʋ taa. Papɩsɩ pa-tɩ Krɩstʋ tiyiyaa kɩpɩsʋ.

2 Kɔrɛntɩ 11:17

Toovenim lɛ, ndʋ́ mɔyɔɔdʋʋ lɛɛlɛɛyɔ yɔ, pɩtɛkɛ Kɩpaɣlʋ hanɩ-m nʋmɔʋ se mɔyɔɔdɩ-tʋ. Ɛlɛ́, pɩlabɩ-m se mankʋndɩ yɔɔ mɔyɔɔdʋʋ yem ɛzɩ kɩmɛlɛŋ yɔ.

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

2 Kɔrɛntɩ 11:26

Ma-nʋmɔŋ ɖɔm taa paa ɖooye lɛ, moncoɖi sɩm pɔsɩ nɛ teŋgu nɛ tɛtʋ ndɩ ndɩ nɛ lakɩŋ pa-taa. Moncoɖi ɖɔɖɔ sɩm mɩ́láa nɛ mbá pɛkɛ Yuda ñɩma nɛ mbá pɛtɛkɛ Yuda ñɩma yɔ nɛ mbá pɛcɛtɩɣ se pɛwɛnɩ lidaʋ Krɩstʋ yɔɔ yɔ pe-nesi taa.

2 Kɔrɛntɩ 3:17

Ŋgʋ́, Kɩpaɣlʋ ɛnʋ lɛ Fezuu Kiɖeɖeu. Nɛ ɖenɖe Kɩpaɣlʋ Fezuu wɛɛ yɔ, peeɖe ñɩma wɛ pa-tɩ yɔɔ.

Galaatɩ 1:7

Ŋgʋ́, tɩtɛkɛ Laŋhɛzɩyɛ Tɔm siŋŋ. Ɛlɛ́, nabɛyɛ wɛɛ peliɣtiɣ-mɩ nɛ pacaɣ se pɛlɛɣzɩ Krɩstʋ Laŋhɛzɩyɛ Tɔm.

Galaatɩ 4:25

Ɛwɛ ɛzɩ Araabii pʋʋ ŋgʋ́ payaɣ se Sinayii yɔ. Ɛwɛ ɖɔɖɔ ɛzɩ tɛtʋ ndʋ́ tɩwɛ lɛɛlɛɛyɔ nɛ payaɣ-tʋ se Yeruusalɛm yɔ. Mbʋ́ pʋyɔɔ yɔ, tɩ nɛ tɩ-taa ñɩma tɩŋa pɛwɛ ɛzɩ yomaa yɔ.

Galaatɩ 4:3

Đa lɛ, ḿbʋ́ ɖɔɖɔ ɖɩɩwɛ alɩwaatʋ ndʋ́ ɖɩɩwɛ ɛzɩ piya yɔ. Đɩɩkɛ kedeŋa yɔɔ cɩnɛ ɖoŋ yomaa.

Galaatɩ 5:1

Krɩstʋ holi-ɖʋ se ɖɩwɛɛ ɖa-tɩ yɔɔ kpem. Pʋ-yɔɔ lɛ, ɩñaɣ pana nɛ ɩwɛɛ mɩ-tɩ yɔɔ ḿbʋ́ nɛ ɩtaatasɩ pɩsʋʋ yomaa.

Galaatɩ 5:10

Paa ḿbʋ́ yɔ, Kɩpaɣlʋ yɔɔ lɛ, mantaɣ-mɩ liu se ɩkɔŋ maɣzʋʋ ɖɔɖɔ ɛzɩ ma yɔ. Ɛlɛ́, weyi eliɣtiɣ-mɩ ḿbʋ́ yɔ, paa ɛtɩɩkɛ anɩ yɔ, Ɛsɔ kɔŋ hɔm ɛ-nɩŋgbaaŋ.

2 Timootee 3:6

Pa-taa nabɛyɛ sʋʋ ɖɩsɩ taa nɛ ponuutuu halaa mbá pɔ-tɔm fɛyɩ kaɖɛ nɛ kɩdɛkɛdɩm su pa-taa ɖo nɛ pe-liu wɛɛ paa ɛbɛ labʋ yɔ.

Yakubu 1:25

Weyi ɛ́lɛ́ ñatazɩɣ paɣtʋ maɣmaɣ taa siŋŋ yɔ, ehikiɣ ɛ-tɩ mbʋ́ pɩtɩŋa payɩ ɛlakɩ yɔ pɩ-taa. Ńdʋ́ yekina nɛ ɛyʋ wɛɛ ɛ-tɩ yɔɔ. Eewelesiɣ-tʋ yem nɛ ɛsɔɔ-tʋ, ɛlɛ́, ɛɖɔŋ tɩ-yɔɔ siŋŋ.

1 Pɩyɛ 2:16

Ɩwɛɛ ɛzɩ ɛyáa mbá pɛwɛ pa-tɩ yɔɔ yɔ. Ɩtaawanɩ mɩ-tɩ yɔɔ wɛʋ ḿbʋ́ nɛ ɩla ɛzaɣ́tʋ, ɛlɛ́, pʋwɛɛ se ɩwɛɛ ɛzɩ Ɛsɔ yomaa yɔ.

2 Pɩyɛ 2:19

Peheyiɣ-wɛ se pɔkɔŋ pa-tɩ yɔɔ wɛʋ. Ŋgʋ́, pa-maɣmaɣ pɛkɛ kɩwɛɛkɩm mbʋ́ puwokini-wɛ sɩm taa yɔ pu-yomaa. Mbʋ́ pʋyɔɔ yɔ, ɛyʋ kɛ mbʋ́ pʋwɛnɩ ɖoŋ ɛ-yɔɔ yɔ pu-yom.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.