Galaatɩ 2:16 - New Testament

¹⁶ Đɩnawa se pɩtɛkɛ weyi ɛɖɔŋ paɣtʋ ńdʋ́ tɩ-yɔɔ yɔ lɛ kʋtʋʋzʋ Ɛsɔ ɛsɩndaa. Ɛlɛ́, weyi ɛwɛnɩ lidaʋ Krɩstʋ Yesu yɔɔ yɔ lɛ kʋtʋʋzʋ. Pʋ-yɔɔ ɖa ɖɔɖɔ ɖɩwɛnɩ lidaʋ ɛ-yɔɔ se pɩtɩŋnɩ kʋ-yɔɔ nɛ ɖɩkɛ kʋtʋʋzaa Ɛsɔ ɛsɩndaa. Ɛlɛ́, pɩtaakɛna se ɖɩɖɔŋ paɣtʋ yɔɔ yɔɔ. Mbʋ́ pʋyɔɔ yɔ, nɔɔyʋ ɛɛkɛɣ kʋtʋʋzʋ Ɛsɔ ɛsɩndaa se ɛɖɔŋ ɛ-paɣtʋ yɔɔ.

Galaatɩ 2:16 ပူးပေါင်းရင်းမြစ်များ

Yohanɛɛsɩ 20:31

Piyele ndʋ́ tʋtʋ wɛ ka-taa yɔ, pama-tʋ se ɩwɛnɩ lidaʋ se Yesu lɛ Ɛsɔ Pɩyalʋ nɛ ɛtɛ ɛkɛ Weyi Ɛsɔ Lɩzaa Yɔ nɛ piyele pɩtɩŋnɩ ɛ-yɔɔ nɛ ihiɣ wezuu.

Tʋma Labʋ 4:12

Ñʋʋ yaɖʋ nɔɔyʋ fɛyɩ nɛ pɩtasɩnɩ-ɩ. Mbʋ́ pʋyɔɔ yɔ, Ɛsɔ talɩzɩ nɔɔyʋ kedeŋa yɔɔ cɩnɛ se pɩtɩŋnɩ ɛ́lɛ́ yɔɔ nɛ pɩpɩzɩ pɩya ɖa-ñʋʋ.»

Room 1:17

Toovenim lɛ, ńdʋ́ wɩlɩɣnɩ tam ɛzɩma mbʋ́ Ɛsɔ tʋʋzaa nɛ ɛtɩŋɩɣnɩ ɛyáa lidaʋ wɛnaʋ ɖeke koŋ yɔɔ nɛ ɛpɩsɩɣ-wɛ kʋtʋʋzaa yɔ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Weyi ɛkɛ kʋtʋʋzʋ e-lidaʋ wɛnaʋ yɔɔ yɔ, ɛwɛɣ wezuu.»

Room 3:30

Mbʋ́ pʋyɔɔ yɔ, Ɛsɔ kʋɖʋm koŋ wɛna. Ɛpɩsɩɣ Yuda ñɩma kʋtʋʋzaa lidaʋ ŋgʋ́ pɛwɛna yɔ kʋ-yɔɔ. Ḿbʋ́ ɖɔɖɔ ɛpɩsɩɣ mbá pɛtɛkɛ Yuda ñɩma yɔ kʋtʋʋzaa lidaʋ kʋɖʋmʋʋ ŋ́gʋ́ kʋ-yɔɔ.

Room 4:2

Toovenim lɛ, yee Ɛsɔ ɛɛpɩsɩ Abraham kʋtʋʋzʋ tʋma wena ɛlaba yɔ a-yɔɔ yɔ, pʋbʋ ɛɛkʋndaa. Ŋgʋ́, pɩtamʋnɩ ḿbʋ́ Ɛsɔ ɛsɩndaa.

Room 4:24

Mbá ɖa ɛpɩsɩ-ɖʋ kʋtʋʋzaa yɔ, ɖɔ-yɔɔ ɖɔɖɔ pama-tʋ. Mbʋ́ pʋyɔɔ yɔ, ɖɩwɛnɩ lidaʋ Ɛsɔ weyi efezi ɖa-Kɩpaɣlʋ Yesu nɛ sɩm taa yɔ ɛ-yɔɔ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 9:30

Se we ɖɩtasɩɣ yɔɔdʋʋ yɔ? Đɩyɔɔdʋʋ se: mbá pɛtɛkɛ Yuda ñɩma nɛ pataacaɣ se papɩsɩ kʋtʋʋzaa Ɛsɔ ɛsɩndaa yɔ, pɩtɩŋnɩ lidaʋ ŋgʋ́ pɛwɛnɩ ɛ-yɔɔ yɔ kʋ-yɔɔ nɛ papɩsɩ kʋtʋʋzaa ɛ-ɛsɩndaa.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

Galaatɩ 4:5

se eholi mbá tɩɩwɛnɩ ɖoŋ pɔ-yɔɔ ɖɔɖɔ yɔ. Ḿbʋ́ yekina nɛ ɖɩpɩsɩ Ɛsɔ piya.

Galaatɩ 5:4

Mbá mɩ ɩɖɔŋ tɩ-yɔɔ se ɩpɩsɩ kʋtʋʋzaa Ɛsɔ ɛsɩndaa yɔ, mɩ nɛ Krɩstʋ mɩ-hɛkʋ taa tayaa, ilesi Ɛsɔ lootiye.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

Wɩlʋʋ 7:14

Ɛlɛ́, moncosi-i se: «Đajaa! Ñasɩmna.» Peeɖe eheyi-m se: «Ḿbá tɔɔnɩ kʋñɔŋ sɔsɔʋ. Pɔcɔtɩ po-tokonaa kitibaa waa waa nɛ pahʋlɩsɩ-wɛ Heɣa calɩm taa.

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa