Galaatɩ 2:11 - New Testament

¹¹ Pɩyɛ talɩ Antɩyɔɔsɩ lɛ, mankʋyɩ ɛ-yɔɔ ɛyáa tɩŋa ɛsɩndaa, mbʋ́ pʋyɔɔ yɔ, ɛlabɩ mbʋ́ pɩfɛyɩ ɖeu yɔ.

Galaatɩ 2:11 ပူးပေါင်းရင်းမြစ်များ

Maatiyee 16:23

Ɛlɛ́, ekisini Pɩyɛ yɔɔ nɛ eheyi-i se: «Satanɩ, ɖɛɛ mɔ-yɔɔ! Ŋcaɣ se ŋtuuli-m ma-nʋmɔʋ taa. Mbʋ́ pʋyɔɔ yɔ, ña-lɩmaɣza tɛkɛ Ɛsɔ ñɩna, ɛyáa ñɩna akɛnaa.»

Yohanɛɛsɩ 1:42

Peeɖe ɛkpaɣ-ɩ nɛ ewoni-i Yesu cɔlɔ. Patalaa lɛ, Yesu cɔnɩ-ɩ pɩŋŋ nɛ ɛtɔ se: «Ña lɛ Yohanɛɛsɩ pɩyalʋ weyi payaɣ se Siimɔɔ yɔ, pɔkɔŋ-ŋ yaʋ se Sefaasɩ.» Sefaasɩ tɔbʋʋ se Pɩyɛ.

Tʋma Labʋ 11:19

Alɩwaatʋ ndʋ́ pakʋ Etiyɛɛnɩ yɔ, tɩ-taa papazɩ wɛʋ mbá pɛwɛnɩ lidaʋ Krɩstʋ yɔɔ yɔ pa-wayɩ kaŋ kaŋ. Pʋ-yɔɔ pa-taa lɛlaa sewa nɛ powolo Fenisii nɛ lɛlaa Ciiprɩ nɛ lɛlaa Antɩyɔɔsɩ nɛ posusuu Yuda ñɩma ɖeke Ɛsɔtɔm.

Tʋma Labʋ 11:20

Ɛlɛ́, Ciiprɩ nɛ Siirɛɛnɩ pɛ-tɛtʋ taa ñɩma nabɛyɛ kɛwɛ pa-taa. Paba ñaawobi ɖɔɖɔ Antɩyɔɔsɩ nɛ posusuu Kɩpaɣlʋ Yesu Laŋhɛzɩyɛ Tɔm nɛ pɛkpɛndɩnɩ mbá pɛtɛkɛ Yuda ñɩma yɔ.

Tʋma Labʋ 11:22

Pɩkɛdaa lɛ, Yeruusalɛm Krɩstʋ ŋgbɛyɛ taa ñɩma nɩɩ ḿbʋ́. Peeɖe pakʋsɩ Barnaabaasɩ nɛ petiyi-i Antɩyɔɔsɩ.

Tʋma Labʋ 11:27

Alɩwaatʋ ńdʋ́ tɩ-taa náyaa nabɛyɛ kʋyɩ Yeruusalɛm nɛ powolo Antɩyɔɔsɩ.

Tʋma Labʋ 15:1

Nakʋyʋ wiye ɛyáa nabɛyɛ lɩnɩ Yudee egeetiye taa nɛ powolo Antɩyɔɔsɩ nɛ peheyiɣ taabalaa se yee peteyele nɛ pɛpɛlɩ-wɛ ɛzɩ palakʋʋ sɔnzɩ nzɩ́ Mooyiizi ɖʋwa yɔ sɩ-taa yɔ, paahikiɣ ñʋʋ yabʋ.

Tʋma Labʋ 15:5

Ɛlɛ́, Farɩsɩ ŋgbɛyɛ taa nabɛyɛ kɛwɛnɩ lidaʋ Yesu yɔɔ. Ḿbá kʋyɩna nɛ pɔtɔ se: «Mbá pɛtɛkɛ Yuda ñɩma nɛ pɛwɛnɩ lidaʋ ɖɔɖɔ yɔ, pʋwɛɛ se pɛpɛlɩ-wɛ nɛ peheyi-wɛ se pɔɖɔ Mooyiizi paɣtʋ yɔɔ.»

2 Kɔrɛntɩ 11:5

Ɛyáa ḿbá, ɩkpakɩɣ-wɛ se pɛkɛ Krɩstʋ tiyiyaa sɔsaa. Ŋgʋ́, mantasa se pakɩlɩ-m pʋyʋ!

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 5:16

Pʋ-yɔɔ lɛ, pɩkpaɣʋnɩ lɛɛlɛɛyɔ yɔ, ɖɩɩtasɩɣ nɔɔyʋ sɩm ɛsɛ yɔɔ. Paa ɛsɛ yɔɔ ɖɩɩsɩm Krɩstʋ yɔ, lɛɛlɛɛyɔ, ɖɩsɩm mbʋ́ ɛkɛnaa kpem yɔ.

Galaatɩ 1:18

Pɩnzɩ naadozo ɖɛwa lɛ, mowolo Yeruusalɛm nɛ mansɩ Pɩyɛ nɛ ma nɛ ɩ ɖɩcaɣ kɩyakɩŋ hiu nɛ kagbaanzɩ.

Galaatɩ 2:14

Mɔnkɔm mana se Pɩyɛ ɛɛɖɔŋ Laŋhɛzɩyɛ Tɔm yɔɔ nɛ toovenim lɛ, mɔnpɔzɩ-ɩ ɛyáa tɩŋa ɛsɩndaa kpayɩ se: «Weyi ña ŋkɛ Yuda tʋ yɔ, yee ña-lakasɩ ɛwɛ ɛzɩ mbá pɛtɛkɛ Yuda ñɩma yɔ lɛ, pɩlabɩ ɛzɩma nɛ ŋcɛyɩɣ paba se pala ɛzɩ Yuda ñɩma yɔ?»

Galaatɩ 2:5

Đɩtatɩɩhaʋ-wɛ waɖɛ paa ñɩɩɩ. Mbʋ́ pʋyɔɔ yɔ, ɖɩñɩnaɣ se Laŋhɛzɩyɛ Tɔm toovenim ɛwɛɛ mɩ-taa ḿbʋ́.

Galaatɩ 2:7

Ɛlɛ́, ñʋndɩnaa ḿbá, pa-maɣmaɣ peɖiɣzinaa se Ɛsɔ ɖʋnɩ-m tʋmɩyɛ ńɖɩ́ se mɔncɔɔ meheyi kɩtɛpɛlɩŋ Laŋhɛzɩyɛ Tɔm: ḿbá lɛ mbá pɛtɛkɛ Yuda ñɩma yɔ. Ḿbʋ́ ɖɔɖɔ ɛɛɖʋ Pɩyɛ se ɛcɔɔ nɛ eheyi-tʋ mbá paba kɛ Yuda ñɩma yɔ.

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

1 Timootee 5:20

Kalɩ mbá palakɩ kɩwɛɛkɩm yɔ ɛyáa samaɣ taa nɛ sɔɔndʋ kpa lɛlaa.

Yakubu 3:2

Pɩpaŋ coɖuu ɖatɩŋa payɩ Ɛsɔ nʋmɔʋ taa. Yee putocoɖi nɔɔyʋ kaʋ ɛ-yɔɔdaɣ taa yɔ, nabʋyʋ fɛyɩ se paawanɩ-ɩ. Ɛpɩzɩɣ ɛtɛzɩ ɛ-tɩ ɖɔkʋʋ kpam.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.