Galaatɩ 2:1 - New Testament

¹ Pɩnzɩ hiu nɛ naanza ɖɛwa lɛ, ma nɛ Barnaabaasɩ ɖɩpɩsɩ Yeruusalɛm. Đɩɩkpɛndɩnɩ Tiiti ɖɔɖɔ.

Galaatɩ 2:1 ပူးပေါင်းရင်းမြစ်များ

Tʋma Labʋ 11:25

Pʋwayɩ lɛ, Barnaabaasɩ kʋyɩ ewolo Taarsɩ tɛtʋ taa se ɛñɩnɩ Sɔɔlɩ.

Tʋma Labʋ 11:30

Pala ḿbʋ́ ɖɔɖɔ nɛ pakpaɣ mbʋ́ pahawa yɔ nɛ paɖʋzɩ Barnaabaasɩ nɛ Sɔɔlɩ pe-nesi taa se powoni pɛcɛlɩ Yudee Krɩstʋ ŋgbɛyɛ taa sɔsaa.

Tʋma Labʋ 12:25

Barnaabaasɩ nɛ Sɔɔlɩ pɛtɛm labʋ mbʋ́ pʋ-yɔɔ petiyi-wɛ Yeruusalɛm yɔ lɛ, pa nɛ Yohanɛɛsɩ weyi pakʋm hɩɖɛ se Maarkɩ yɔ papɩsɩ Antɩyɔɔsɩ tɛtʋ taa.

Tʋma Labʋ 13:2

Nakʋyʋ wiye lɛ, pɔhɔkɩ nɔɔ nɛ poluŋuu Kɩpaɣlʋ tɛɛ. Pɩkɛdaa lɛ, Fezuu Kiɖeɖeu heyi-wɛ se: «Ɩlɩzɩ Barnaabaasɩ nɛ Sɔɔlɩ nɛ pala tʋmɩyɛ nɖɩ́ manɖʋ-wɛ yɔ.»

Tʋma Labʋ 13:50

Ɛlɛ́, Yuda ñɩma ḿbá, pasazɩ abila wena awokaɣ Ɛsɔ ɖɩsɛyɛ taa yɔ nɛ pɩkpɛndɩnɩ tɛtʋ ñʋndɩnaa nɛ pakʋyɩ Pɔɔlɩ nɛ Barnaabaasɩ pɔ-yɔɔ nɛ pɔɖɔɔnɩ-wɛ pɛ-ɛjaɖɛ ńɖɩ́ ɖɩ-taa.

Tʋma Labʋ 14:12

Pʋ-yɔɔ pakʋm Barnaabaasɩ hɩɖɛ se Zeesi, nɛ Pɔɔlɩ se Hɛrmɛsɩ. Mbʋ́ pʋyɔɔ yɔ, Pɔɔlɩ heyaɣnɩ ɛyáa tɔm.

Tʋma Labʋ 15:25

Ḿbʋ́ labɩna nɛ ɖɩnɩɩnɩ ɖama nɛ ɖɩlɩzɩ ɖa-taa nabɛyɛ nɛ ɖitiyi pa nɛ taabalaa kʋsɔɔlaa Pɔɔlɩ nɛ Barnaabaasɩ mɩ-cɔlɔ.

1 Kɔrɛntɩ 9:6

Ɛzɩ ma nɛ Barnaabaasɩ ɖe-ɖeke pɩwɛnɩ se ɖɩla tʋmɩyɛ nɛ ɖɩcɔnɩ ɖa-tɩ yɔɔ yaa we?

2 Kɔrɛntɩ 2:13

Ɛlɛ́, man-taa taawɛɛ leleŋ, mbʋ́ pʋyɔɔ yɔ, mantaana taabalʋ Tiiti. Peeɖe mankʋyɩ Trowaasɩ ñɩma ḿbá pɔ-cɔlɔ nɛ mowolo Masedonii egeetiye taa.

2 Kɔrɛntɩ 8:16

Đɩsa Ɛsɔ weyi eyeba nɛ Tiiti ñakɩ pana ɖɔɖɔ mɩ-yɔɔ ɛzɩ ɖa yɔ.

2 Kɔrɛntɩ 8:23

Tiiti lɛ, ɛkɛ man-taabalʋ weyi ma nɛ ɩ ɖɩlakɩ tʋmɩyɛ mɩ-cɔlɔ yɔ. Pɩsɛɣ taabalaa lɛlaa mbá pasɩɣ-ɩ yɔ, Yesu aŋgba taa ñɩma tiyiɣni-wɛ. Palakɩ se Krɩstʋ hɩɖɛ ɛsɛɛ.

Galaatɩ 1:18

Pɩnzɩ naadozo ɖɛwa lɛ, mowolo Yeruusalɛm nɛ mansɩ Pɩyɛ nɛ ma nɛ ɩ ɖɩcaɣ kɩyakɩŋ hiu nɛ kagbaanzɩ.

Galaatɩ 2:13

Krɩstʋ ñɩma lɛlaa mbá pɛkɛ Yuda ñɩma yɔ, ḿbá tisini Pɩyɛ tɔm nɛ palakɩ ɖɔɖɔ tɛɛ nɛ pʋ-yɔɔ lakasɩ nɛ piyele Barnaabaasɩ maɣmaɣ ñɛtɛzɩ pa-wayɩ tɩŋʋʋ.

Galaatɩ 2:3

Meheyiɣ-mɩ se patatɩɩcɛyɩ man-taabalʋ Tiiti weyi ɛkɛ Grɛɛkɩ tʋ yɔ se ewolo pɛpɛlɩ-ɩ.

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

Koloosi 4:10

Aristaarkɩ weyi ma nɛ ɩ ɖɩwɛ salaka taa yɔ, ɛsɛ-mɩ. Barnaabaasɩ ɖɛtʋ Maarkɩ sɛ-mɩ ɖɔɖɔ. Ɛ-tɔm paaheyi-mɩ se ɛtalɩ mɩ-tɛ lɛ, ɩmʋ-ɩ camɩyɛ.

Tiiti 1:4

Tiiti weyi ña ŋkɛ man-pɩɣa mbʋ́ pʋyɔɔ yɔ ŋwɛnɩ lidaʋ ɛzɩ ma yɔ, ña mamaɣ takayaɣ kanɛ, mɛnsɛ-ŋ: Caa Ɛsɔ nɛ ɖa-ñʋʋ yaɖʋ Krɩstʋ Yesu palabɩ-ŋ lootiye nɛ pɛhɛzɩ ña-laŋɩyɛ.