Galaatɩ 1:4 - New Testament

⁴ Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Galaatɩ 1:4 ပူးပေါင်းရင်းမြစ်များ

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Maatiyee 26:42

Ɛyɔɔdɩ ḿbʋ́ lɛ, ɛtasɩ ɛ-tɩ tuzuu nɛ etendi Ɛsɔ se: «Man-Caa! Yee ŋŋtisiɣ se kʋñɔŋ kʋnɛ kɩɖɛɛ nɛ mantaasʋʋ kɩ-taa yɔ, ŋla mbʋ́ ñe-liu wɛɛ yɔ.»

Maatiyee 6:9

Mɩ lɛ, ɩsɛɛ Ɛsɔ se: ‹Đa-Caa weyi ña ŋwɛ ɛsɔdaa yɔ, ña-hɩɖɛ ɛsɛɛ paa le.

Maarkɩ 10:45

Mbʋ́ pʋyɔɔ yɔ, Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔm se ɛla ɛyáa tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Luka 22:19

Pʋwayɩ lɛ, ɛkpaɣ tindine nɛ ɛsɛɛ ɖɩ-yɔɔ Ɛsɔ nɛ ɛcɩyɩ-ɖɩ nɛ ɛcɛlɩ-wɛ se: «Pʋnɛ lɛ mon-tomnaɣ [ŋgá paha mɩ-yɔɔ yɔ. Ɩmʋ ɩtɔɔ nɛ ɩtɔzʋʋnɩ mɔ-yɔɔ.»

Luka 22:42

«Hayɩ Man-Caa! Yee ŋtisiɣ yɔ, ŋlɩzɩ-m man-kʋñɔŋ sɔsɔʋ kʋnɛ kɩ-taa. Ɛlɛ́, la mbʋ́ ñe-liu wɛɛ yɔ, taala mbʋ́ me-liu wɛɛ yɔ.» [

Yohanɛɛsɩ 10:11

Ma lɛ ninɖiɣyu kɩbanʋ. Ninɖiɣyu kɩbanʋ tisiɣ nɛ ɛsɩ e-heŋ yɔɔ.

Yohanɛɛsɩ 12:31

Lɛɛlɛɛyɔ, alɩwaatʋ talaa se pahʋʋnɩ kedeŋa ñɩma. Lɛɛlɛɛyɔ, pʋwɛɛ se pɔɖɔɔnɩ kedeŋa wiyaʋ.

Yohanɛɛsɩ 5:30

Yesu tasɩ yɔɔdʋʋ ɖɔɖɔ se: «Maapɩzɩɣ mala nabʋyʋ yem man-tɩ yɔɔ. Mahʋʋnɩ ɛyáa ɛzɩ Ɛsɔ heyuu-m yɔ. Mɔn-tɔm hʋʋ tʋʋzaa, mbʋ́ pʋyɔɔ yɔ, maacaɣ se mala me-liu ñɩm. Ɛlɛ́, malakɩ mbʋ́ weyi etiyi-m yɔ e-liu wɛɛ yɔ.»

Yohanɛɛsɩ 6:38

Mbʋ́ pʋyɔɔ yɔ, malɩnɩ ɛsɔdaa mentii se mala mbʋ́ weyi etiyi-m yɔ e-liu wɛɛ yɔ. Mɔntɔkɔɔ se mala mbʋ́ me-liu wɛɛ yɔ.

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

Room 12:2

Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.

Room 4:25

Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.

Room 8:27

Peeɖe Ɛsɔ weyi ɛnaɣ ɛyáa laŋa taa yɔ, ɛtɩlɩɣ mbʋ́ e-Fezuu Kiɖeɖeu caɣ pɔzʋʋ yɔ. Mbʋ́ pʋyɔɔ yɔ, kɩsɛɣ-ɩ ɛ-ñɩma yɔɔ ɛzɩ e-liu wɛʋ yɔ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

1 Kɔrɛntɩ 15:3

Tɔm ndʋ́ maanɩwa nɛ mentisi nɛ tɩkɩlɩ wazaɣ yɔ, ńdʋ́ meheyi-mɩ. Ńdʋ́ lɛ se: ɖa-kɩwɛɛkɩm yɔɔ Krɩstʋ sɩba. Ḿbʋ́ pama Ɛsɔtɔm Takayaɣ taa ɖooo lɔŋ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.

Efɛɛzɩ 1:11

Đa nɛ ɩ ɖɛ-kpɛndʋʋ taa Ɛsɔ ha-ɖʋ pɩtɩŋa payɩ. Pʋ-yɔɔ ɛɛlɩzɩ-ɖʋ ɖooo lɔŋ. Ɛlakɩ pɩtɩŋa payɩ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 5:16

Ɩtaayele alɩwaatʋ nɛ tɩɖɛɛ yem, mbʋ́ pʋyɔɔ yɔ, kɩyakɩŋ weyi ɖɩwɛ ɩ-taa yɔ, ɩfɛyɩ ɖeu.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Efɛɛzɩ 6:12

Pɩtɛkɛ ɛyáa pʋwɛɛ se ɖiyoona. Ɛlɛ́, ɛsɔdaa ɖoŋ tɩŋa payɩ nɛ kedeŋa yɔɔ cɩnɛ cɩkpɛndʋʋ tɛɛ awiya nɛ feziŋ kɩdɛkɛdɩŋ pʋwɛɛ se ɖiyoona.

Filiipu 4:20

Pasa ɖa-Caa Ɛsɔ weyi ɛwɛ koboyaɣ taa tam yɔ. Pɩla ḿbʋ́!

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

1 Tesalooniki 3:11

Đa-Caa Ɛsɔ maɣmaɣ nɛ ɖa-Kɩpaɣlʋ Yesu pɔñɔɔzɩ ɖa-nʋmɔʋ nɛ ɖɩpɩzɩ ɖɩtalɩ-mɩ!

1 Tesalooniki 3:13

Ḿbʋ́ eyeki nɛ ɩtɛzɩ pɩʋ nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ ɖa-Caa Ɛsɔ ɛsɩndaa puwiye nɖɩ́ ɖa-Kɩpaɣlʋ Yesu nɛ ɛ-ñɩma tɩŋa payɩ pɔkɔŋ yɔ.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 2:5

Toovenim lɛ, Ɛsɔ taha e-tiyiyaa waɖɛ se pɔcɔnɩ kedeŋa ŋgá kakaɣ kɔm yɔ kɔ-yɔɔ. Kɔ-tɔm ɖɩɖɔŋ yɔɔdʋʋ.

Ebree 6:5

nɛ pana se Ɛsɔtɔm wɛ ɖeu nɛ panɩɩ kedeŋa ɖoŋ weyi ɛkaɣ kɔm yɔ ɛ-taŋ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

1 Yohanɛɛsɩ 3:16

Mbʋ́ pɩwɩlɩɣ-ɖʋ sɔɔlɩm yɔ lɛ se: Yesu Krɩstʋ tisaa nɛ ɛsɩ ɖɔ-yɔɔ. Pʋ-yɔɔ lɛ, pʋwɛɛ se ɖa ɖɔɖɔ ɖɩsɩ ɖa-taabalaa yɔɔ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa