Galaatɩ 1:16 - New Testament

¹⁶ se ɛlɩzɩɣ ɛ-Pɩyalʋ ɛwɩlɩ-m nɛ meheyi mbá pɛtɛkɛ Yuda ñɩma yɔ ɛ-Pɩyalʋ ɛnʋ ɛ-tɔm lɛ, mɔntɔpɔzɩ nɔɔyʋ se ɛtasɩ-m tɔm natʋyʋ.

Galaatɩ 1:16 ပူးပေါင်းရင်းမြစ်များ

Maatiyee 16:17

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.

Efɛɛzɩ 6:12

Pɩtɛkɛ ɛyáa pʋwɛɛ se ɖiyoona. Ɛlɛ́, ɛsɔdaa ɖoŋ tɩŋa payɩ nɛ kedeŋa yɔɔ cɩnɛ cɩkpɛndʋʋ tɛɛ awiya nɛ feziŋ kɩdɛkɛdɩŋ pʋwɛɛ se ɖiyoona.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Room 11:13

Mbá mɩ ɩtɛkɛ Yuda ñɩma yɔ, mɩ mɔyɔɔdʋʋnɩ lɛɛlɛɛyɔ: ma lɛ Krɩstʋ tiyiyu weyi ɛlakɩ tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa yɔ. Pʋ-yɔɔ lɛ, mamaɣzɩɣ se man-tʋmɩyɛ wɛ wazaɣ siŋŋ.

Tʋma Labʋ 22:21

Peeɖe eheyi-m se: ‹Kʋyɩ! Mentiyiɣ-ŋ poliŋ, mbá pɛtɛkɛ Yuda ñɩma yɔ pɔ-cɔlɔ.› »

Tʋma Labʋ 9:15

Ɛlɛ́, Kɩpaɣlʋ heyi-i se: «Kʋyɩ ŋwolo, mbʋ́ pʋyɔɔ yɔ, malɩzɩnɩ-ɩ se pɩtɩŋnɩ ɛ-yɔɔ nɛ ajɛya lɛɛna taa ñɩma nɛ pa-awiya sɔsɔna nɛ Izrɛɛlɩ ñɩma pasɩm-m.

Maatiyee 26:41

Ɩcaɣnɩ mɩ-ɛsɛ nɛ ɩsɛɛ Ɛsɔ, pɩtɛkɛ ḿbʋ́, ɩkɔŋ ɩsʋʋ takʋʋ taa. Ɛyʋ liu wɛɛ se ɛla mbʋ́ pʋwɛ ɖeu yɔ, ɛlɛ́, ɛwɛnɩ kaapɩzɩtʋ.»

Ebree 2:14

Yee ḿbʋ́, ɛzɩma mbʋ́ ɛyáa ḿbá pɛkɛ kedeŋa yɔɔ cɩnɛ ñɩma yɔ, ḿbʋ́ ɖɔɖɔ Yesu ɛnʋ ɛ-maɣmaɣ ɛkɔm ɛzɩ ɛyʋ yɔ nɛ ɛkɔɔ ɛsɩ. Ɛlabɩ ḿbʋ́ se ɛpɩsɩ weyi ɛɛɖɔkɩ sɩm ɖoŋ yɔ ɛjam: ɛnʋ lɛ Satanɩ.

2 Timootee 1:11

Laŋhɛzɩyɛ Tɔm ńdʋ́, tɩ-taa Ɛsɔ ɖʋ-m se mɛnkɛ Yesu tiyiyu nɛ mɛntɛ mɛnkɛ wɩlɩyʋ nɛ mɛntɛ mɛnkɛ ti-susiyu.

1 Timootee 2:7

Pʋ-yɔɔ palɩzɩ man-tɩ tɩŋa se mɛnkɛ Ɛsɔtɔm susiyu nɛ mɛntɛ mɛnkɛ Krɩstʋ tiyiyu. Mɔyɔɔdʋʋ toovenim, maacɛtɩɣ. Paɖʋ-m se mawɩlɩ mbá pɛtɛkɛ Yuda ñɩma yɔ toovenim nɛ lidaʋ pɔ-tɔm.

1 Tesalooniki 2:16

Paɖɩkɩ-ɖʋ nʋmɔʋ se ɖitaasusi mbá pɛtɛkɛ Yuda ñɩma yɔ ñʋʋ yabʋ tɔm. Ḿbʋ́ pɛwɛɛ pɛtɛzɩɣ kɩwɛɛkɩm labʋ. Ɛlɛ́, Ɛsɔ pana tɛmnɩ-wɛ kpanaʋ.

Galaatɩ 2:1

Pɩnzɩ hiu nɛ naanza ɖɛwa lɛ, ma nɛ Barnaabaasɩ ɖɩpɩsɩ Yeruusalɛm. Đɩɩkpɛndɩnɩ Tiiti ɖɔɖɔ.

2 Kɔrɛntɩ 5:16

Pʋ-yɔɔ lɛ, pɩkpaɣʋnɩ lɛɛlɛɛyɔ yɔ, ɖɩɩtasɩɣ nɔɔyʋ sɩm ɛsɛ yɔɔ. Paa ɛsɛ yɔɔ ɖɩɩsɩm Krɩstʋ yɔ, lɛɛlɛɛyɔ, ɖɩsɩm mbʋ́ ɛkɛnaa kpem yɔ.

1 Kɔrɛntɩ 15:50

Taabalaa, ndʋ́ meheyiɣ-mɩ yɔ lɛ se: ɖo-tomnasɩ nzɩ́ sɩwɛ ɛzʋnɔ yɔ, sɩɩpɩzɩɣ sɩsʋʋ Ɛsɔ Kewiyaɣ taa. Mbʋ́ pʋyɔɔ yɔ, mbʋ́ pɩɖazɩɣ yɔ, pɩɩpɩzɩɣ pɩpɩsɩ mbʋ́ pɩɩɖazɩɣ wiɖiyi kaʋ yɔ.

Tʋma Labʋ 5:42

Pʋwayɩ lɛ, pʋñɔɔzɩ nɛ pɩkɩlɩ. Mbʋ́ pʋyɔɔ yɔ, tiyiyaa ḿbá pawɩlaɣ nɛ posusuu Laŋhɛzɩyɛ Tɔm se Yesu lɛ Weyi Ɛsɔ Lɩzaa Yɔ. Ɛsɔ ɖɩɣa nɛ ɖɩsɩ pa-taa palakaɣ ḿbʋ́ kɩyakɩŋ tɩŋa.

Tʋma Labʋ 9:20

Pʋwayɩ ɛtɩpazɩ susuu Yuda ñɩma Ɛsɔ ɖɩsɛyɛ ndɩ ndɩ taa se Yesu lɛ Ɛsɔ Pɩyalʋ.

Room 1:5

Ɛ-yɔɔ pɩtɩŋnaa nɛ Ɛsɔ labɩ-m lootiye nɛ ɛha-m waɖɛ se mɛnkɛ Yesu ɛnʋ e-tiyiyu nɛ meyele nɛ ajɛya kpeekpe taa ɛyáa wɛnɩ lidaʋ ɛ-yɔɔ nɛ pañam-ɩ. Ḿbʋ́ yekina nɛ paɖʋ-ɩ hɩɖɛ.