Filiipu 4:8 - New Testament

⁸ Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

Filiipu 4:8 ပူးပေါင်းရင်းမြစ်များ

Maatiyee 22:16

Peeɖe petiyi pɔ-tɔmkpɛlɩkɩyaa taa lɛlaa nɛ Eroodi hɔɔlʋʋ taa ñɩma nabɛyɛ se powolo peheyi-i se: «Wɩlɩyʋ! Đɩnawa se ŋyɔɔdʋʋ toovenim nɛ ŋkpɛlɩkɩɣ ɛyáa mbʋ́ Ɛsɔ liu wɛɛ se pala yɔ pu-toovenim. Sɔɔndʋ ɛɛkpaɣ-ŋ nɛ nɔɔyʋ, mbʋ́ pʋyɔɔ yɔ, ŋtakpaɣ ɛyáa wɛtʋ nɛ ŋyaa pʋyʋ.

Maarkɩ 6:20

Wiyaʋ Eroodi seɣaɣ Yohanɛɛsɩ nɛ ɛɖaŋɩɣ ɛ-yɔɔ. Mbʋ́ pʋyɔɔ yɔ, ɛsɩm-ɩ se ɛkɛ Ɛsɔ ñɩnʋ weyi ɛtʋʋzaa yɔ. Ɛyɔɔdʋʋ tɔm nɛ Eroodi nɩɣ lɛ, pɩcɛyɩɣ-ɩ. Ŋgʋ́, e-liu kɛwɛɛ se ewelesini-i siŋŋ.

Luka 16:15

Pʋ-yɔɔ Yesu heyi-wɛ se: «Ɩcaɣ se ɛyáa ɩna-mɩ se ɩkɛ kʋtʋʋzaa, ɛlɛ́, Ɛsɔ ñasɩm mɩ-lɩmaɣza tɩŋa. Mbʋ́ ɛyáa maɣzɩɣ se pɩkɩlɩ pɩtɩŋa payɩ yɔ, Ɛsɔ ɛɛcaɣ se ɛna-pʋ ɛ-ɛsɩndaa kpem.

Luka 2:25

Alɩwaatʋ ńdʋ́ lɛ, abalʋ nɔɔyʋ wɛ Yeruusalɛm, payaɣ-ɩ se Siimeyɔɔ. Ɛɛkɛ ɛyʋ kʋtʋʋzʋ nɛ ɛlakɩ mbʋ́ Ɛsɔ liu wɛɛ yɔ. Ɛɛɖaŋ weyi ɛkɔŋ hɛzʋʋ Izrɛɛlɩ ñɩma laŋa yɔ. Fezuu Kiɖeɖeu kɛwɛ ɛ-cɔlɔ

Luka 23:50

Alɩwaatʋ ńdʋ́ tɩ-taa lɛ, Yuda ñɩma tɔm hʋyaa sɔsaa taa nɔɔyʋ kɛwɛ peeɖe, payaɣ-ɩ se Yozɛɛfʋ. Ɛ-tɛ lɛ Ariimatee, Yudee egeetiye taa. Ɛ-lɩmaɣza kɛwɛ ndɩ nɛ tɔm hʋyaa lɛlaa. Mbʋ́ pʋyɔɔ yɔ, ɛtaatisiɣ se pakʋ Yesu. Ɛɛkɛ ɛyʋ kʋtʋʋzʋ siŋŋ nɛ ɛwɛɛ Ɛsɔ Kewiyaɣ ɖaŋʋʋ yɔɔ.

Yohanɛɛsɩ 7:18

Weyi ɛyɔɔdʋʋ ɛ-maɣmaɣ ɛ-tɔm yɔ, ɛcaɣ se pasam-ɩ. Weyi ɛ́lɛ́ caɣ se pasa weyi etiyi-i yɔ, ɛkɛ toovenim tʋ, ɛzaɣ́tʋ natʋyʋ fɛyɩ ɛ-yɔɔ.

Tʋma Labʋ 10:22

Pocosi-i se: «Sɔɔjanaa ñʋʋdʋ Kɔɔrnɛɛyɩ tiyini-ɖʋ. Ɛkɛ ɛyʋ kʋtʋʋzʋ, ɛñaŋ Ɛsɔ nɛ Yuda ñɩma tɩŋa lɩzɩɣ aseɣɖe kɩbanɖɛ ɛ-yɔɔ. Ɛsɔ tiyiyu nɔɔyʋ heyi-i se ɛya-ŋ nɛ ŋwolo ɛ-tɛ nɛ ŋheyi-i ña-taa tɔm.»

Tʋma Labʋ 22:12

Abalʋ nɔɔyʋ kɛwɛ peeɖe, payaɣ-ɩ se Anaanɩyaasɩ. Ɛɖɔŋ Ɛsɔ paɣtʋ yɔɔ camɩyɛ nɛ Yuda ñɩma tɩŋa lɩzɩɣ ɛ-yɔɔ aseɣɖe kɩbanɖɛ.

Tʋma Labʋ 6:3

Pʋ-yɔɔ lɛ, taabalaa! Ɩcɔna nɛ ɩlɩzɩ mɩ-taa abalaa kɩbama lɔŋsɩnɖaa lʋbɛ mbá Fezuu Kiɖeɖeu wɛ pɔ-yɔɔ yɔ nɛ ɖɩɖʋ-wɛ tʋmɩyɛ ńɖɩ́.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 13:3

Toovenim lɛ, mbá palakɩ mbʋ́ pʋwɛ ɖeu yɔ, sɔɔndʋ ɛɛkpaɣ-wɛ nɛ ñʋndɩnaa. Ɛlɛ́, mbá palakɩ mbʋ́ pɩfɛyɩ ɖeu yɔ, ḿbá seɣni-wɛ. Ñe-liu wɛɛ se sɔɔndʋ ɛtaakpa-ŋ nɛ ñʋndɩnaa naa we? Yee ḿbʋ́ la mbʋ́ pʋwɛ ɖeu yɔ nɛ pasam-ŋ.

Room 14:18

Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Room 2:29

Ɛlɛ́, mbʋ́ pʋwɛ ɛyʋ taa yɔ, ḿbʋ́ wɩlɩɣna se ɛkɛ Yuda tʋ siŋŋ. Pɛlʋʋ siŋŋ lɛ mbʋ́ pɩlɩnɩ Fezuu Kiɖeɖeu cɔlɔ nɛ pʋwɛɛ ɛyʋ taa yɔ. Pɩtɛkɛ mbʋ́ pɩlɩnɩ paɣtʋ taa yɔ. Yuda tʋ siŋŋ ɛnʋ, pɩtɛkɛ ɛyáa saŋnɩ-ɩ, ɛlɛ́, Ɛsɔ saŋnɩ-ɩ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 13:7

Đɔɖɔ lɛ, ɖɩsɛɣ Ɛsɔ se mɩ-taa nɔɔyʋ ɛtaatasɩ kɩwɛɛkɩm nabʋyʋ labʋ. Đɩɩcaɣ se ɖɩtɩŋnɩ pʋ-yɔɔ nɛ ɖɩwɩlɩ se ɖɩmʋnaa. Ɛlɛ́, paa pɩlakɩ-mɩ ɛzɩ ɖɩtamʋna yɔ yɔ, mɩ mɩla mbʋ́ pʋwɛ ɖeu yɔ.

2 Kɔrɛntɩ 6:8

Nabɛyɛ ɖʋʋ-ɖʋ hɩɖɛ nɛ lɛlaa ñaɖʋʋ-ɖʋ fɛyɛ. Nabɛyɛ saŋ-ɖʋ nɛ lɛlaa ñatʋʋ-ɖʋ. Pakpakɩɣ-ɖʋ ɛzɩ cɛtɩyaa yɔ, ŋgʋ́ toovenim ɖɩyɔɔdʋʋ.

2 Kɔrɛntɩ 8:18

Đitiyiɣ ɛ nɛ taabalʋ weyi esusi Laŋhɛzɩyɛ Tɔm siŋŋ nɛ pasaŋ-ɩ Yesu aŋgba tɩŋa payɩ taa yɔ.

2 Kɔrɛntɩ 8:21

Ɛlɛ́, ɖɩcaɣ se ɖɩla mbʋ́ pʋmʋnaa se pala Kɩpaɣlʋ ɛsɩndaa nɛ mbʋ́ pʋmʋnaa se pala ɛyáa ɛsɩndaa ɖɔɖɔ yɔ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Efɛɛzɩ 4:25

Pʋ-yɔɔ lɛ, pʋwɛɛ se iyele cɛtʋʋ: paa mɩ-taa weyi eheyi lɛlʋ toovenim. Mbʋ́ pʋyɔɔ yɔ, ɖatɩŋa payɩ ɖɩkɛ Krɩstʋ tomnaɣ pilinzi.

Efɛɛzɩ 5:9

Mbʋ́ pɩlɩɣnɩ ñalɩmɩyɛ taa yɔ lɛ: camɩyɛ lakasɩ tɩŋa nɛ tʋʋzʋʋ nɛ toovenim.

Efɛɛzɩ 6:14

Pʋ-yɔɔ lɛ, ɩwɛɛ mi-ɖeɖe ḿbʋ́: ɩkpaɣ toovenim ɛzɩ tambaɖɛ nɖɩ́ sɔɔja tɔɔlʋʋ yɔ nɛ tʋʋzʋʋ ɛzɩ ñɩ́ɣ́yʋ́ʋ ŋgʋ́ ehuuzuu e-lotu yɔɔ yɔ.

Filiipu 3:1

Man-taabalaa! Ndʋ́ mɛntɛzɩɣnɩ-mɩ yɔ lɛ se mɩ-taa ɛhʋlʋmɩ se mɩ nɛ Kɩpaɣlʋ ɩkpɛndaa. Pɩɩcɛyɩɣ-m se mantasɩ-mɩ maʋ Laŋhʋlʋmɩyɛ Tɔm ńdʋ́. Piyele mɩ lɛ, pɩkɩlɩ wee wee se pama-mɩ ḿbʋ́.

Koloosi 4:5

Ɩɖɔmnɩ lɔŋsɩnɖɛ mbá pɛtɛkɛ Krɩstʋ ñɩma yɔ pɔ-cɔlɔ. Ɩtaayele alɩwaatʋ nɛ tɩɖɛɛ yem.

1 Tesalooniki 4:12

Pʋbʋ, ɩkɛɣ mbá pamʋnaa yɔ mbá pɛtɛkɛ Krɩstʋ ñɩma yɔ pɛ-ɛsɩndaa. Đɔɖɔ lɛ, ɩɩkɛɣnɩ nɔɔyʋ sʋʋtʋ.

1 Timootee 2:2

Ɩla ḿbʋ́ ɖɔɖɔ awiya nɛ ñʋndɩnaa patɩŋa payɩ pɔ-yɔɔ nɛ ɖɩpɩzɩ ɖɩcaɣ wezuu laŋhɛzɩyɛ taa fɛɛɛ nɛ ɖɩña Ɛsɔ camɩyɛ nɛ ɖɩla mbʋ́ pʋmʋnaa yɔ.

1 Timootee 3:11

Pʋwɛɛ se pa-halaa ɛkɛ ɖɔɖɔ ɛyáa kʋtʋʋzaa. Pataayɔɔdʋʋ ɛyáa tɔm, pɛ-ɛsɛ ekuli nɛ pala paa ɛbɛ ɛzɩ pʋpɔzʋʋ yɔ.

1 Timootee 3:4

Pʋwɛɛ se ɛ-maɣmaɣ ɛpɩzɩ ɛcɔnɩ ɛ-hɔʋ taa ñɩma yɔɔ camɩyɛ nɛ ɛkpɛlɩkɩ e-piya nɛ siluzi sɩ-tɩ ɛ-tɛɛ nɛ sɩñam-ɩ ɖeu siŋŋ.

1 Timootee 4:12

Taayele se nɔɔyʋ ɛpɛŋ-ŋ tɛtɛ se ŋkɛ evebu. Ɛlɛ́, pʋwɛɛ se ŋwɩlɩ mbá pɛwɛnɩ lidaʋ Krɩstʋ yɔɔ yɔ nʋmɔʋ nɛ ñɔ-yɔɔdaɣ nɛ ñɔ-ɖɔnɛ nɛ ñɔ-sɔɔlɩm nɛ ñe-lidaʋ wɛnaʋ nɛ ña-cɩɖɩcɩɖɩ wɛtʋ.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

1 Timootee 5:2

Kpaɣ ɖɔɖɔ halaa akpadɩyaa ɛzɩ ño-ɖoonaa yɔ nɛ asayaa ɛzɩ ñɛ-ɛyáa yɔ. Taawɛnɩ lɩmaɣza kɩdɛkɛdɛɛ pa-taa nɔɔyʋ yɔɔ.

Tiiti 1:8

Ɛlɛ́, pʋwɛɛ se ɛmʋ ɛyáa camɩyɛ nɛ ɛsɔɔlɩ mbʋ́ pʋwɛ ɖeu yɔ. Ɛkɛ weyi ɛmaɣzɩɣ ɛ-ñʋʋ taa camɩyɛ nɛ pʋcɔ ɛla pʋyʋ yɔ. Ɛkɛ ɖɔɖɔ ɛyʋ kʋtʋʋzʋ nɛ ɛ-tɔm kɛdɩnɩ Ɛsɔ nɛ ɛ́ɖɔ́kɩ ɛ-tɩ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Tiiti 2:2

Heyi abalaa akpadɩyaa se pɛ-ɛsɛ ekuli. Pɛkɛ ɛyáa mbá pamʋnaa se paɖʋ-wɛ hɩɖɛ yɔ nɛ mbá pamaɣzɩɣ pa-ñʋŋ taa nɛ pʋcɔ pala pʋyʋ yɔ. Pɛwɛnɩ lidaʋ Krɩstʋ yɔɔ ɛzɩ pʋmʋnaʋ yɔ nɛ pɔsɔɔlɩ lɛlaa siŋŋ nɛ pɔ́ɖɔ́kɩ ḿbʋ́ kpam.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Tiiti 3:14

Pʋwɛɛ ɖɔɖɔ se ɖa-taa ñɩma ɛkpɛlɩkɩ ɛzɩma mbʋ́ paaka pa-ñʋŋ nɛ pala tʋma kɩbana ɛzɩ pʋpɔzʋʋ yɔ nɛ papɩzɩ pala ɛyáa mbʋ́ pʋpɔzʋʋ-wɛ yɔ. Ḿbʋ́ yekina nɛ paakɛɣ mbá pɛfɛyɩ wazaɣ yɔ.

Ebree 11:2

Lidaʋ ŋgʋ́ ɖooo lɔŋ taa ñɩma kɛwɛnɩ Ɛsɔ yɔɔ yɔ, kʋ-yɔɔ pɔ-tɔm kɛdɩnɩ-ɩ.

Ebree 13:18

Ɩsɛɣ Ɛsɔ ɖɔ-yɔɔ tam. Mbʋ́ pʋyɔɔ yɔ, ɖɩnawa se ɖa-taa wɛ ɖeu. Đe-liu wɛɛ se ɖɩɖɔ ɖɔnɛ kɩbanɖɛ pɩtɩŋa pɩ-taa.

Yakubu 1:27

Weyi ɛɖɔkʋʋ suluwaa nɛ lelaa pa-kʋñɔmɩŋ taa nɛ ɛɖɔkʋʋ ɛ-tɩ se kedeŋa yɔɔ kɩdɛkɛdɩm ɛtaapisi-i yɔ, ɛnʋ tɩŋɩɣnɩ Caa Ɛsɔ wayɩ ɛzɩ pʋmʋnaʋ yɔ nɛ pɩkɛdɩɣnɩ ɛ́lɛ́.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

1 Pɩyɛ 4:8

Mbʋ́ pʋwɛɛ kpem se ɩla yɔ lɛ se ɩsɔɔlɩ ɖama siŋŋ. Mbʋ́ pʋyɔɔ yɔ, sɔɔlɩm hɛzɩɣ kɩwɛɛkɩm sakɩyɛ.

2 Pɩyɛ 3:1

Mɛ-ɛgbaɣdɩnaa, ɩɩnaɣ takayaɣ naalɛ ñɩŋga ŋgá mamaɣ-mɩ yɔ. Ka nɛ kajalaɣ ñɩŋga sɩ-naalɛ sɩ-taa lɛ, mancaɣ se mɔntɔzɩ-mɩ mbʋ́ ɩtɛm sɩm yɔ nɛ menfezi mɩ-lɩmaɣza nɛ ɩmaɣzɩ camɩyɛ.

1 Yohanɛɛsɩ 3:18

Men-piya! Pɩfɛyɩ se ɖɩsɔɔlɩ ɖa-taabalaa nɛ nɔsɩ yem, ɛlɛ́, pʋwɛɛ se ɖɩsɔɔlɩ-wɛ nɛ ɖa-lakasɩ toovenim taa.

1 Yohanɛɛsɩ 3:3

Weyi ɛtaɣ-ɩ liu ḿbʋ́ yɔ, ɛñɔɔzʋʋ ɛ-tɩ nɛ ɛwɛɛ cɩɖɩcɩɖɩ ɛzɩ Yesu Krɩstʋ ɛnʋ ɛwɛʋ yɔ.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.