Filiipu 4:7 - New Testament

⁷ Pʋbʋ, Ɛsɔ laŋhɛzɩyɛ nɖɩ́ ɖɩkɩlɩ ɛyáa lɛɣtʋ tɩŋa payɩ yɔ, pɩtɩŋɩɣnɩ Krɩstʋ Yesu yɔɔ nɛ ɖihuuzi mɩ-laŋa nɛ mɩ-lɩmaɣza pɔ-yɔɔ.

Filiipu 4:7 ပူးပေါင်းရင်းမြစ်များ

Luka 1:79

Ñalɩmɩyɛ ńɖɩ́ ɖɩñalɩɣ mbá pɛwɛ cɩkpɛndʋʋ taa se pɛtɛŋnɩ sɩm yɔ pɔ-yɔɔ. Đɩhɔŋ-ɖʋ ɖɔɖɔ nɛ ɖiwoni laŋhɛzɩyɛ nʋmɔʋ taa.»

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Yohanɛɛsɩ 14:27

Meyeki nɛ ɩwɛɛ laŋhɛzɩyɛ taa, mɛhɛzɩɣnɩ mɩ-laŋa. Maahɛzɩɣ-yɛ ɛzɩ kedeŋa ñɩma hɛzʋʋ yɔ. Mɩ-laŋa ɛtaawɛɛkɩ, sɔɔndʋ ɛtaakpa-mɩ.

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

Room 14:17

Mbʋ́ pʋyɔɔ yɔ, Ɛsɔ Kewiyaɣ tɔm tɛkɛ tɔɔnaɣ nɛ sʋlʋm pa-ñɩndʋ. Ɛlɛ́, pɩkɛ mbʋ́ Fezuu Kiɖeɖeu haɣ yɔ. Ḿbʋ́ yɔ: tʋʋzʋʋ nɛ laŋhɛzɩyɛ nɛ laŋhʋlʋmɩyɛ.

Room 15:13

Ɛsɔ weyi eyeki se ɖɩtaa-ɩ yɔ, ɛtɩŋnɩ lidaʋ ŋgʋ́ ɩwɛnɩ ɛ-yɔɔ yɔ kʋ-yɔɔ nɛ eyele mɩ-laŋa hʋlʋmɩ siŋŋ nɛ ɛhɛzɩ-yɛ camɩyɛ. Peeɖe pɩtɩŋɩɣnɩ e-Fezuu Kiɖeɖeu ɖoŋ yɔɔ nɛ ɩtɛzɩ-ɩ taʋ kpem.

Room 5:1

Đe-lidaʋ yɔɔ pɩtɩŋnaa nɛ Ɛsɔ pɩsɩ-ɖʋ kʋtʋʋzaa. Pʋ-yɔɔ pɩtɩŋnɩ ɖa nɛ ɖa-Kɩpaɣlʋ Yesu Krɩstʋ ɖɛ-kpɛndʋʋ yɔɔ nɛ ɖa nɛ ɩ pʋwɛɛ leleŋ.

Room 8:6

Yee ɛyʋ ɛnɩɣʋnɩ mbʋ́ pɩkɛdɩnɩ ɛ-maɣmaɣ yɔ yɔ, puwokini-i sɩm taa. Ɛlɛ́, ɛnɩɣʋnɩ mbʋ́ Fezuu Kiɖeɖeu pɔzʋʋ yɔ yɔ, puwokini-i wezuu nɛ laŋhɛzɩyɛ pa-taa.

2 Kɔrɛntɩ 10:5

Ɩnʋ ɖɔɖɔ ɖɩyɔkʋʋnɩ mbʋ́ tɩ kpazɩyaa ɖɩkɩnɩ ɛyáa nʋmɔʋ se pataatɩlɩ Ɛsɔ yɔ. Đɩpaɣ ɛyáa se pɛlɛɣzɩ pa-lɩmaɣza nɛ paña Krɩstʋ.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Efɛɛzɩ 3:19

Ḿbʋ́ yekina nɛ ɩtɩlɩ se sɔɔlɩm ḿbʋ́, pɩkɩlɩ lɔŋsɩnɖɛ tɩŋa payɩ. Ḿbʋ́ yekina ɖɔɖɔ nɛ Ɛsɔ tɛzɩ mɩ-taa wɛʋ pilim.

Filiipu 1:1

Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

Filiipu 1:2

Đɩsɛ-mɩ: ɖa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa.

Filiipu 4:19

Ɛzɩma mbʋ́ mɛ-Ɛsɔ wɛnɩ ñɩm siŋŋ yɔ, ḿbʋ́ ɖɔɖɔ ɛtɩŋɩɣnɩ Krɩstʋ Yesu yɔɔ nɛ ɛha-mɩ mbʋ́ pɩtɩŋa payɩ pɩtɛɖɩɣ-m yɔ.

Filiipu 4:21

Ɩsɛɛ mbá patɩŋa payɩ pɛkɛ Ɛsɔ ñɩma pa nɛ Krɩstʋ Yesu pɛ-kpɛndʋʋ taa yɔ. Taabalaa mbá ma nɛ wɛ ɖɩwɛɛ yɔ, pɛsɛ-mɩ.

Filiipu 4:9

Mbʋ́ mɛnkpɛlɩkɩ-mɩ nɛ ndʋ́ mɔyɔɔdaa nɛ ɩnɩɩ nɛ mbʋ́ malaba nɛ ɩna yɔ, ɩɖɔ pɩtɩŋa payɩ pʋ-yɔɔ. Peeɖe Ɛsɔ laŋhɛzɩyɛ tʋ wɛɣ mɩ-cɔlɔ.

Koloosi 3:15

Iyele nɛ Krɩstʋ laŋhɛzɩyɛ la tʋmɩyɛ mɩ-laŋa taa, mbʋ́ pʋyɔɔ yɔ, ɖɩ-tɔm taa Ɛsɔ ya-mɩ nɛ ɩkpɛndɩ ɖama nɛ ɩpɩsɩ ɛyʋ kʋɖʋm. Pʋ-yɔɔ lɛ, ɩwɛnɩ ɛsɩmɩyɛ.

2 Tesalooniki 3:16

Kɩpaɣlʋ laŋhɛzɩyɛ tʋ maɣmaɣ ɛhɛzɩ mɩ-laŋa alɩwaatʋ kpeekpe pɩtɩŋa pɩ-taa! Ɛwɛɛ mɩtɩŋa payɩ mɩ-cɔlɔ!

Ebree 13:20

Ɛsɔ lɛ laŋhɛzɩyɛ tʋ. Mentendiɣ-i se ɛtɩŋnɩ calɩm mbʋ́ ɖa-Kɩpaɣlʋ Yesu kpɛdaa nɛ piyele nɔɔ haʋ wɛɛ tam yɔ pʋ-yɔɔ nɛ efezi-i nɛ sɩɖaa taa. Yesu ɛnʋ lɛ heŋ ɖiyiyu sɔsɔ.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.

Wɩlʋʋ 2:17

‹Weyi ɛwɛnɩ nɩŋgbaaŋ lɛ, ɛnɩɩ tɔm ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ! ‹Weyi ɛwakɩ yɔ, mahaɣ-ɩ tɔɔnaɣ ŋgá kalɩɣnɩ ɛsɔdaa nɛ payaɣ-kɛ se maanɩ yɔ. Mahaɣ-ɩ ɖɔɖɔ pɩyɛ kʋhʋlʋmɩyɛ. Pama ɖɩ-yɔɔ hɩɖɛ kɩfaɖɛ, nɔɔyʋ tasɩm-ɖɩ nɛ pɩtasɩnɩ weyi pɛcɛlɩɣ-ɩ-ɖɩ yɔ.› »