Filiipu 4:5 - New Testament

⁵ Iyele nɛ mɩ nɛ ɛyáa tɩŋa pʋwɛɛ leleŋ, Kɩpaɣlʋ wɩzɩ kɔm.

Filiipu 4:5 ပူးပေါင်းရင်းမြစ်များ

Maatiyee 6:25

Yesu tasɩ-wɛ heyuu se: «Ɩtaanɩɣzɩ mbʋ́ ɩɩtɔɔ nɛ ɩñɔɔ nɛ wondu ndʋ́ iisuu mi-wezuu caɣʋ taa yɔ pʋ-yɔɔ. Mbʋ́ pʋyɔɔ yɔ, wezuu kɩlɩ tɔɔnaɣ wazaɣ nɛ tomnaɣ ñakɩlɩ wondu wazaɣ.

Maatiyee 6:34

Pʋ-yɔɔ lɛ, ɩtaayɔkɩ mɩ-ñʋŋ cee tɔm yɔɔ sɔnɔ nɛ pɩkɩlɩ. Mbʋ́ pʋyɔɔ yɔ, paa kɩyakʋ ŋgʋ́ nɛ kʋ-tɔm.»

Luka 21:34

Pʋwayɩ lɛ, Yesu tasɩ-wɛ heyuu se: «Ɩkpa mɩ-tɩ camɩyɛ, ɩɩtaanɩɩnɩ yem yem labʋ nɛ sʋlʋm kpaŋʋʋ nɛ kedeŋa lɩmaɣza wena akʋʋ ɛyáa yɔ. Pɩtɛkɛ ḿbʋ́, tɔm hʋʋ kɩyakʋ kɔŋ kutudi-mɩ

1 Kɔrɛntɩ 16:22

Yee nɔɔyʋ ɛtɔsɔɔlɩ Kɩpaɣlʋ yɔ, pʋwɛɛ se Ɛsɔ ɛwɩlɩ pʋdʋ kpalʋʋ! Maraana ta, Kɩpaɣlʋ! Kɔɔ.

1 Kɔrɛntɩ 6:7

Yee tɔm natʋyʋ ɛtɩɩwɛ mɩ-hɛkʋ taa se pahʋʋ-tʋ yɔ, pɩwɩlɩɣ se ɩtɛm tɔlʋʋ kpem. Pɩlabɩ ɛzɩma ɩɩpɩzɩɣ se ɩɖɔkɩ mɩ-tɩ alɩwaatʋ ndʋ́ nɔɔyʋ lakɩ-mɩ kɩdɛkɛdɩm yaa ɛmɩlɩ mɩ-pʋyʋ yɔ?

1 Kɔrɛntɩ 8:13

Pʋ-yɔɔ lɛ, yee tɔɔnaɣ ŋgá ka-taa wɛ kɩlaʋ nandʋ yɔ kɔ-tɔɔʋ eyekina se man-taabalʋ ɛtɔlɩ Ɛsɔ nʋmɔʋ taa yɔ, maatasɩɣ nandʋ tɔɔʋ kaʋ.

1 Kɔrɛntɩ 9:25

Mbá patɩŋa peseɣ yɔ, pɛpɛŋ pa-tɩ mbʋ́ pɩtɩŋa payɩ pʋwɛɛ se pɛpɛ pa-tɩ yɔ se papɩzɩ pese nɛ pawa nɛ pehiɣ kʋjɔʋ. Ɛlɛ́, kʋjɔʋ ŋ́gʋ́ kɩɩwɛɣ tam. Đa lɛ, ɖɩñɔɔzʋʋ ɖa-tɩ se ɖɩwa lidaʋ nʋmɔʋ taa nɛ palabɩ-ɖʋ kʋjɔʋ ŋgʋ́ kɩwɛɣ tam yɔ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

2 Tesalooniki 2:2

ɩtaayele mɩ-tɩ nɛ piliɣti mɩ-lɩmaɣza kɩbana kɛlɛʋ yaa sɔɔndʋ kpa-mɩ se Kɩpaɣlʋ kɩyakʋ talaa. Paa nɔɔyʋ eheyi-mɩ se Fezuu Kiɖeɖeu heyini-i-tʋ yaa pɩkɛ Ɛsɔ tɔm yaa ɛcɛlɩ-mɩ takayaɣ se ɖamanɩ-mɩ-kɛ yɔ, ɩtaayele mɩ-tɩ.

Tiiti 3:2

Pataawɛɛkɩ nɔɔyʋ hɩɖɛ, pataacaa tɔm. Ɛlɛ́, pʋwɛɛ se pɔ́ɖɔ́kɩ pɔ-hɔ nɛ pa nɛ lɛlaa pʋwɛɛ leleŋ tam.

Ebree 10:25

Nabɛyɛ wɛ ɖa-taa, pɩpɩsɩ-wɛ sɔnzɩ se pataakpeɣli nɛ poluŋ Ɛsɔ tɛɛ. Pɩfɛyɩ se ɖɩla ḿbʋ́. Ɛlɛ́, ɖɩsazɩ ɖama nɛ pɩlabɩ-ɖʋ hʋnʋm. Đɩwɛɛ pʋ-yɔɔ ḿbʋ́, mbʋ́ pʋyɔɔ yɔ, mɩ-maɣmaɣ ɩtɛm naʋ se kɩyakʋ ŋgʋ́ Kɩpaɣlʋ kɔŋ yɔ, kɩwɩzɩ talʋʋ.

Ebree 10:37

Mbʋ́ pʋyɔɔ yɔ, pama Ɛsɔtɔm Takayaɣ taa se: «Pɩkazɩ alɩwaatʋ kpaagbaa pazɩ nɛ weyi pʋwɛɛ se ɛkɔɔ yɔ, ɛkɔɔ. Ɛtacaɣ wayɩ.

1 Pɩyɛ 1:11

Krɩstʋ Fezuu ŋgʋ́ kɩɩwɛ pa-taa yɔ, kiiheyi-wɛ kʋñɔŋ ŋgʋ́ ɛkɔŋ tɔɔʋ yɔ nɛ koboyaɣ ŋgá ɛkɔŋ mʋ́ʋ yɔ pɔ-tɔm. Pʋ-yɔɔ pɛcɛyaɣ pa-tɩ se patɩlɩ alɩwaatʋ ndʋ́ pʋkɔŋ labʋ yɔ nɛ ɛzɩma mbʋ́ pɩlakɩ yɔ.

1 Pɩyɛ 4:7

Pɩtɩŋa payɩ pɩwɩzɩ tɛm. Pʋ-yɔɔ lɛ, ɩɖɔkɩ mɩ-tɩ nɛ ɩcaɣnɩ mɩ-ɛsɛ nɛ ɩpɩzɩ ɩsɛɛ Ɛsɔ.

Wɩlʋʋ 22:20

Yesu weyi ɛtɔm se tɔm tʋnɛ tɩkɛ toovenim yɔ, ɛtɔm se: «Ɛɛ, pɩkazɩ pazɩ, mɔnkɔŋ.» Pɩla ḿbʋ́! Kɩpaɣlʋ Yesu, kɔɔ!

Wɩlʋʋ 22:7

Yesu tɔŋ se: «Na, pɩkazɩ pazɩ, mɔnkɔŋ! Weyi ɛɖɔŋ tɔm ndʋ́ tɩlɩnɩ Ɛsɔ cɔlɔ nɛ pama takayaɣ kanɛ ka-taa yɔ tɩ-yɔɔ yɔ, ehiɣ ɛ-tɩ!»