Filiipu 4:14 - New Testament

¹⁴ Paa ḿbʋ́ yɔ, ɩlabɩ ɖeu nɛ ɩsɩnɩ-m man-kʋñɔmɩŋ taa.

Filiipu 4:14 ပူးပေါင်းရင်းမြစ်များ

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Room 15:27

Pa-maɣmaɣ paɖʋna se palakɩ ḿbʋ́. Toovenim lɛ, pɩɩwɛɛ se pala ḿbʋ́. Mbʋ́ pʋyɔɔ yɔ, Yeruusalɛm Yesu ŋgbɛyɛ taa ñɩma mbá pɛkɛ Yuda ñɩma yɔ, pawɩlɩ mbá pɛtɛkɛ Yuda ñɩma yɔ mbʋ́ pasɩm Ɛsɔ nʋmɔʋ taa yɔ. Pʋ-yɔɔ lɛ, pʋwɛɛ ɖɔɖɔ se mbá pɛtɛkɛ Yuda ñɩma yɔ, paba ɛsɩnɩ-wɛ nɛ pa-maɣmaɣ pa-ñɩm.

Galaatɩ 6:6

Weyi pawɩlɩɣ Ɛsɔtɔm yɔ, pʋwɛɛ se ɛsɩnɩ weyi ɛwɩlɩɣ-ɩ yɔ nɛ ñɩm mbʋ́ ɛwɛna yɔ.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Filiipu 4:18

Meheyiɣ-mɩ se mbʋ́ ɩcɛlɩ Epafroditi se ɛkɔnɩ-m yɔ, mamʋ pɩtɩŋa payɩ. Pʋɖɔwa pɩtɩɩfɛyɩ. Lɛɛlɛɛyɔ, mɛwɛnɩ mbʋ́ pɩtɩŋa payɩ pɩtɛɖaɣ-m yɔ nɛ halɩ pɩɖɛɛ pʋ-yɔɔ. Mɩ-haɖɛ ńɖɩ́ ɖɩwɛ ɛzɩ kɩlaʋ ŋgʋ́ kɩlɩɣ sɔzɩŋ camɩyɛ nɛ kɩkɛdɩnɩ Ɛsɔ siŋŋ yɔ.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Ebree 10:33

Nabʋyʋ taa, patʋ-mɩ nɛ paɖʋ-mɩ kʋñɔŋ ɛyáa samaɣ taa. Nabʋyʋ taa ɖɔɖɔ lɛ, ɩsɩŋaɣnɩ mbá paɖʋwaɣ-wɛ kʋñɔŋ ḿbʋ́ yɔ.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Ebree 13:16

Ɛlɛ́, ɩtaasɔɔ camɩyɛ lakasɩ nɛ ɖama sɩnaʋ pɔ-yɔɔ. Mbʋ́ pʋyɔɔ yɔ, lakasɩ ńzɩ́ sɩwɛnɩ ɛzɩ kɩlaŋ weyi ɩkɛdɩnɩ Ɛsɔ yɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.