Filiipu 4:11 - New Testament

¹¹ Pɩtɛkɛ se nabʋyʋ tɛɖɩɣ-m yɔɔ mɔyɔɔdʋʋ ḿbʋ́. Toovenim lɛ, mamalɩsɩ man-tɩ se paa ɛbɛ taa mɛwɛɛ yɔ, pɩtaacɛyɩ-m.

Filiipu 4:11 ပူးပေါင်းရင်းမြစ်များ

Luka 3:14

Sɔɔjanaa ñɔpɔzɩ-ɩ ḿbʋ́ ɖɔɖɔ se: «Nɛ ɖa yɔ, ɛbɛ pʋmʋnaa se ɖɩla?» Ecosi-wɛ se: «Ɩtaakpa nɔɔyʋ nɛ ɩmʋ e-liidiye yaa ɩtaacɛtɩnɩ nɔɔyʋ taa yem. Ɛlɛ́, mɩ-laŋa ɩhʋlʋmɩnɩ mbʋ́ pɛhɛyɩɣ-mɩ yɔ.»

2 Kɔrɛntɩ 11:27

Malabɩ tʋma wena awɛ kaɖɛ yɔ nɛ pɩnɩ-m siŋŋ. Nabʋyʋ taa lɛ, mancaɣnɩ mɛ-ɛsɛ nɛ ñɔɔsɩ nɛ lɔkɔtʋ pakʋ-m. Nabʋyʋ taa lɛ, mɛwɛɛ nɔɔ hɔkʋʋ yɔɔ. Mantaawɛnɩ wondu se monsuu nɛ niŋkaɣ kʋ-m.

2 Kɔrɛntɩ 6:10

Papɩsɩɣ ɖɔ-hɔ, ɛlɛ́, ɖɩwɛ laŋhʋlʋmɩyɛ taa paa ɖooye. Đɩwɛ ɛzɩ kʋñɔndɩnaa yɔ, ɛlɛ́, ɖiyeki nɛ ɛyáa sakɩyɛ hikiɣ pa-tɩ Ɛsɔ nʋmɔʋ taa. Đɩwɛ ɛzɩ mɛnfɛyɩpʋyʋwaa yɔ, ŋgʋ́ ɖɩwɛnɩ pɩtɩŋa payɩ.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

2 Kɔrɛntɩ 9:8

Ɛsɔ pɩzɩɣ ɛha-mɩ pɩtɩŋa payɩ nɛ pɩkɩlɩ. Peeɖe ɩwɛɣnɩ mbʋ́ pɩtɩŋa payɩ pʋpɔzʋʋ-mɩ yɔ alɩwaatʋ tɩŋa nɛ ɩlabɩnɩ tʋma kɩbana sakɩyɛ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.