Filiipu 4:1 - New Testament

¹ Pʋ-yɔɔ lɛ, man-taabalaa kʋsɔɔlaa! Meheyiɣ-mɩ se ɩɖɔkɩ mɩ-tɩ kpam mɩ nɛ Kɩpaɣlʋ mɩ-kpɛndʋʋ taa. Mɩ-yɔɔ lɛ, ma-laŋɩyɛ hʋlʋmaa siŋŋ nɛ mankʋndʋʋnɩ-mɩ. Mɩ me-liu wɛɛ kpem se mana.

Filiipu 4:1 ပူးပေါင်းရင်းမြစ်များ

Maatiyee 10:22

«Ɛyáa tɩŋa kɔŋ-mɩ paɖʋʋ mɔ-yɔɔ. Ɛlɛ́, weyi ɛɖɔkʋʋ ɛ-tɩ camɩyɛ nɛ pʋkɔɔ pɩtalɩ kɛtɛzaɣ kɩyakʋ wiye yɔ, Ɛsɔ yakɩ ɛ-ñʋʋ.

Yohanɛɛsɩ 8:31

Peeɖe Yesu heyi Yuda ñɩma mbá pɛwɛnɩ lidaʋ ɛ-yɔɔ yɔ se: «Yee ɩwɛɛ ɩɖɔŋ mɔn-tɔm yɔɔ yɔ, ɩkɛɣ mɔn-tɔmkpɛlɩkɩyaa siŋŋ.

Tʋma Labʋ 11:23

Ɛtalaa lɛ, ɛna ɛzɩma mbʋ́ Ɛsɔ labɩ lootiye mbá pɛwɛnɩ lidaʋ Krɩstʋ yɔɔ yɔ nɛ ɛ-taa hʋlʋmɩ nɛ ɛsazɩ patɩŋa payɩ se pɔ́ɖɔ́kɩ Kɩpaɣlʋ nɛ laŋɩyɛ kʋɖʋmɖɩyɛ kpam.

Tʋma Labʋ 14:22

Patalaa lɛ, peyele pɩla peeɖe Krɩstʋ wayɩ tɩŋɩyaa hʋnʋm nɛ pa-laŋa hɛɛ. Paaheyi-wɛ se pɔ́ɖɔ́kɩ lidaʋ ŋgʋ́ pɛwɛnɩ Yesu yɔɔ yɔ nesi naalɛ kpam. Paatasɩ-wɛ heyuu se pʋwɛɛ se pɔtɔɔ kʋñɔŋ siŋŋ nɛ pʋcɔ pasʋʋ Ɛsɔ Kewiyaɣ taa.

Tʋma Labʋ 2:42

Ɛyáa ḿbá, pɛ-ɛsɩyɛ sɛnɩ tiyiyaa tɔm welesuu nɛ pa nɛ wɛ panɩɣnɩ ɖama nɛ palakɩ tindine tayʋʋ sɔnzɩ nɛ pɛsɛɣ Ɛsɔ.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

1 Kɔrɛntɩ 15:58

Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.

1 Kɔrɛntɩ 16:13

Ɩcaɣnɩ mɩ-ɛsɛ nɛ ɩɖɔkɩ mɩ-tɩ kpam mi-lidaʋ wɛnaʋ taa. Ɩwɛɛ abalɩtʋ nɛ ɩwɛɛ ɖoŋ.

Galaatɩ 5:1

Krɩstʋ holi-ɖʋ se ɖɩwɛɛ ɖa-tɩ yɔɔ kpem. Pʋ-yɔɔ lɛ, ɩñaɣ pana nɛ ɩwɛɛ mɩ-tɩ yɔɔ ḿbʋ́ nɛ ɩtaatasɩ pɩsʋʋ yomaa.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 1:8

Ɛsɔ na sɔɔlɩm mbʋ́ mɔnsɔɔlɩ mɩtɩŋa siŋŋ yɔ. Ḿbʋ́ lɛ Krɩstʋ Yesu sɔɔlɩm kpem.

Filiipu 2:16

Miheyiɣni-wɛ tɔm ndʋ́ tɩhaɣ wezuu yɔ. Ḿbʋ́ yekina nɛ mankʋndɩ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ. Ḿbʋ́ wɩlɩɣnɩ toovenim se tʋmɩyɛ nɖɩ́ mañaɣ pana nɛ mala yɔ, ɖɩtɛkɛ falaa ñɩnɖɛ.

Filiipu 2:26

E-liu kaawɛ siŋŋ se ɛna mɩtɩŋa payɩ. Peheyi-i se ɩnɩwa se pɩwɩɣ-ɩ lɛ, ɛ-lɩmaɣza wɛɛkɩ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Tesalooniki 3:13

Ḿbʋ́ eyeki nɛ ɩtɛzɩ pɩʋ nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ ɖa-Caa Ɛsɔ ɛsɩndaa puwiye nɖɩ́ ɖa-Kɩpaɣlʋ Yesu nɛ ɛ-ñɩma tɩŋa payɩ pɔkɔŋ yɔ.

2 Tesalooniki 2:15

Taabalaa! Yee ḿbʋ́, ɩɖɔkɩ mɩ-tɩ kpam nɛ ɩɖɔkɩ ɖɔɖɔ tɔm ndʋ́ ɖɩwɩlɩ-mɩ nɛ nɔɔ taa yaa ndʋ́ ɖɩma-mɩ nɛ ɖɩwɩlɩ-mɩ yɔ nesi naalɛ.

2 Timootee 2:1

Yee ḿbʋ́ ña man-pɩɣa lɛ, tɩŋnɩ lootiye nɖɩ́ palabɩ-ɖʋ ɖa nɛ Krɩstʋ Yesu ɖɛ-kpɛndʋʋ taa yɔ ɖɩ-yɔɔ nɛ ŋkpa ɖoŋ.

Ebree 10:23

Đɩɖɔkɩ ɖaŋʋʋ tɔm ndʋ́ ɖisusuu yɔ nesi naalɛ kpam. Ɛsɔ ɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ ɖɔɖɔ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

2 Pɩyɛ 3:17

Mɛ-ɛgbaɣdɩnaa mɩ lɛ, lɛɛlɛɛyɔ pɛkɛdɩ-mɩ ɛyáa kɩdɛkɛdɩŋ ɩnʋ ɩ-tɔm. Pʋ-yɔɔ lɛ, ɩkpa mɩ-tɩ nɛ wɛ. Pɩtɛkɛ ḿbʋ́ yɔ, pɔkɔŋ pepeɣzi-mɩ nɛ ɩtɩŋ-wɛ. Peeɖe ɩɩtasɩɣ wɛʋ mi-ɖeɖe mi-lidaʋ wɛnaʋ taa.