Filiipu 3:3 - New Testament

³ Mbʋ́ pʋyɔɔ yɔ, ɖɛkɛnɩ mbá pɛpɛlɩ-wɛ siŋŋ yɔ, pɩtɛkɛ ḿbá. Fezuu Kiɖeɖeu yɔɔ ɖɩtɩŋɩɣna nɛ ɖiluŋuu ɛ-tɛɛ nɛ ɖɩkʋndʋʋnɩ Yesu Krɩstʋ. Đɩɩtaɣ tomnaɣ yɔɔ pɛlʋʋ.

Filiipu 3:3 ပူးပေါင်းရင်းမြစ်များ

Room 1:9

Ɛsɔ weyi malakɩ ɛ-tʋmɩyɛ nɛ ma-lɩmaɣza tɩŋa nɛ monsusuu ɛ-Pɩyalʋ Laŋhɛzɩyɛ Tɔm yɔ, ɛnawa se mɛwɛɛ mamaɣzɩɣ mɩ-yɔɔ

Room 15:17

Pʋ-yɔɔ lɛ, ma nɛ Krɩstʋ Yesu ɖɛ-kpɛndʋʋ taa lɛ, manpɩzɩɣ mankʋndɩnɩ Ɛsɔ tʋmɩyɛ nɖɩ́ malakɩ yɔ.

Room 7:6

Đooo lɛ, ɖɩɩwɛ ɛzɩ yomaa yɔ paɣtʋ nesi taa. Ɛlɛ́, lɛɛlɛɛyɔ ɖɩwɛ ɛzɩ sɩɖaa yɔ nɛ tɩtatasɩ ɖoŋ wɛnaʋ ɖɔ-yɔɔ. Ɛsɔ lɩzɩ-ɖʋ ti-nesi taa. Pʋ-yɔɔ ɖɩlɛɣzɩ ɛzɩma mbʋ́ ɖɩlakaɣ Ɛsɔ tʋmɩyɛ yɔ ɛzɩ Fezuu Kiɖeɖeu wɩlʋʋ-ɖʋ yɔ. Đɩɩtasɩɣ-ɖɩ labʋ ɛzɩ paɖʋʋ paɣtʋ taa yɔ.

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

Room 9:6

Ŋgʋ́, pɩtɛkɛ mɔntɔŋ se mbʋ́ Ɛsɔ ɖʋwa se ɛlakɩ yɔ pɩsayaa. Mbʋ́ pʋyɔɔ yɔ, pɩtɛkɛ Izrɛɛlɩ ñɩma tɩŋa kɛnɩnɩ Ɛsɔ ñɩma siŋŋ.

2 Kɔrɛntɩ 11:18

Mbʋ́ pʋyɔɔ yɔ, ɛzɩma mbʋ́ ɛyáa sakɩyɛ kʋndʋʋnɩ mbʋ́ pʋwɛ kedeŋa yɔɔ yɔ, ḿbʋ́ ɖɔɖɔ mɔnkɔŋ kʋndʋʋ.

Galaatɩ 5:25

Fezuu Kiɖeɖeu haɣnɩ-ɖʋ wezuu. Pʋ-yɔɔ lɛ, pʋwɛɛ se ɖiyele nɛ kɩwɩlɩ-ɖʋ nʋmɔʋ ɖɔɖɔ.

Galaatɩ 6:16

Mbá patɩŋa payɩ pɔɖɔŋ tɔm tʋnɛ tɩ-yɔɔ pe-wezuu caɣʋ taa yɔ, Caa Ɛsɔ ɛna pa-pʋtɔdɩyɛ nɛ ɛhɛzɩ pa-laŋa nɛ pɩkpɛndɩnɩ ɛ-ñɩma, ḿbá lɛ Izrɛɛlɩ ñɩma!

Efɛɛzɩ 6:18

Đɔɖɔ lɛ, ɩtɩŋnɩ Fezuu Kiɖeɖeu yɔɔ nɛ ɩsɛɛ-ɩ nɛ itendi-i alɩwaatʋ tɩŋa pɩtɩŋa pɩ-taa. Ɩtaaɖoo pʋ-yɔɔ, ɩñaɣ pana nɛ itendi-i ɛ-ñɩma tɩŋa yɔɔ.

Filiipu 1:1

Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

Filiipu 3:12

Maatɔŋ se mɛntɛm hiɣu pɩtɩŋa payɩ yaa mɛntɛm kɛʋ weyi ɛmʋnaa yɔ. Ɛlɛ́, mɔnɖɔŋ ñaɣʋ pana se mantalɩ nɛ mamʋ man-kɩhɛyʋʋ. Mbʋ́ pʋyɔɔ yɔ, Krɩstʋ Yesu tɛm-m mʋ́ʋ.

Filiipu 3:14

Pʋ-yɔɔ malʋkɩ se mantalɩ tɩnaɣ yɔɔ nɛ mamʋ kɩhɛyʋʋ ŋgʋ́ Ɛsɔ tɩŋnɩ Krɩstʋ Yesu yɔɔ nɛ ɛ́yáa-ɖʋ nɛ ɛsɔdaa se ɖɩmʋ yɔ.

Koloosi 2:11

Mɩ nɛ ɩ mɩ-kpɛndʋʋ ḿbʋ́ pɩ-taa pɛpɛlɩ-mɩ. Pɛtɛpɛlɩ-mɩ ɛzɩ ɛyáa pɛlʋʋ yɔ, ɛlɛ́, pɛpɛlɩ-mɩ ɛzɩ Krɩstʋ ɖʋʋ yɔ. Ḿbʋ́ lɛ se ɩsɛtɩ mɩ-kɩwɛɛkɩm nɛ ɩlɔ.

Yuudi 1:20

Mɛ-ɛgbaɣdɩnaa! Mɩ lɛ, ɩñaɣ pana nɛ ɩtɛzɩ pɩʋ lidaʋ kɩbaŋgʋ ŋgʋ́ Ɛsɔ yeba se ɩwɛnɩ ɛ-yɔɔ yɔ kɩ-taa. Ɩsɛɛ Ɛsɔ nɛ e-Fezuu Kiɖeɖeu ɖoŋ.