Filiipu 3:2 - New Testament

² Ɩkpa mɩ-tɩ nɛ tʋmlaɖaa azaɣ́a, pɛkɛ hasɩ mancaaciwaa, pɛtɛpɛlɩ-wɛ siŋŋ.

Filiipu 3:2 ပူးပေါင်းရင်းမြစ်များ

Maatiyee 24:10

Pʋ-yɔɔ ɛyáa sakɩyɛ kɔŋ lesuu pe-lidaʋ nɛ palɩɩ ɖama wayɩ nɛ papaɖɩ ɖama.

Maatiyee 7:15

Yesu tasɩ-wɛ heyuu se: «Ɩɖɔkɩ mɩ-tɩ nɛ mbá pɛcɛtɩɣ se pɛkɛ náyaa yɔ. Pɔkɔŋ mɩ-cɔlɔ lɛ, pɛwɛ ɛzɩ heŋ, naze lɛ, pɛkɛ kpemtɔɔyɩsɩ kañadɩnaa.

Maatiyee 7:6

«Ɩtaacɛlɩ Ɛsɔ ñɩm hasɩ. Pɩtɛkɛ ḿbʋ́, sɩpɩsɩɣ sɩñasɩ-mɩ. Ɩtaacɛlɩ ɖɔɖɔ afanaa mɩ-lɩtʋ. Pɩtɛkɛ ḿbʋ́, pamɩtɩɣ tɩ-yɔɔ.»

Room 2:28

Mbʋ́ pʋyɔɔ yɔ, pɩtɛkɛ ɛsɛ yɔɔ yem panaɣ ɛyʋ se ɛkɛ Yuda tʋ siŋŋ. Đɔɖɔ lɛ, pɩtɛkɛ tomnaɣ yɔɔ pɛlʋʋ lɛ pɛlʋʋ siŋŋ.

2 Kɔrɛntɩ 11:13

Ɛyáa ḿbá, pɛcɛtɩɣ kɩcɛtʋ se pɛkɛ Krɩstʋ tiyiyaa. Paayɔɔdʋʋ toovenim pa-tʋmɩyɛ labʋ taa. Papɩsɩ pa-tɩ Krɩstʋ tiyiyaa kɩpɩsʋ.

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Galaatɩ 5:15

Ɛlɛ́, yee ɩwɛɛ nɛ ɩlakɩ ɛzɩ tɛtɛ kpɩna nɛ ɩpaŋ ɖama kela nɛ ɩnazɩɣ ɖama yɔ, pʋbʋ, ɩkpa mɩ-tɩ. Pɩtɛkɛ ḿbʋ́, ɩkɔŋ ɩtɛ mɩtɩŋa yem.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Filiipu 3:19

Ɛyáa ḿbá, pɛtɛŋnɩ lebu, mbʋ́ pʋyɔɔ yɔ, po-lotu lɛ pɛ-Ɛsɔ. Mbʋ́ pɩɩwɛɛ se pɩkpa-wɛ fɛyɛ yɔ, papɩsaa pakʋndʋʋnɩ-pʋ nɛ pamaɣzɩɣ mbʋ́ pʋwɛ kedeŋa yɔɔ yɔ, pʋ-yɔɔ ɖeke.

Filiipu 3:3

Mbʋ́ pʋyɔɔ yɔ, ɖɛkɛnɩ mbá pɛpɛlɩ-wɛ siŋŋ yɔ, pɩtɛkɛ ḿbá. Fezuu Kiɖeɖeu yɔɔ ɖɩtɩŋɩɣna nɛ ɖiluŋuu ɛ-tɛɛ nɛ ɖɩkʋndʋʋnɩ Yesu Krɩstʋ. Đɩɩtaɣ tomnaɣ yɔɔ pɛlʋʋ.

1 Timootee 1:19

nɛ ŋwɛnɩ lidaʋ Ɛsɔ yɔɔ ḿbʋ́ nɛ ña-lɩmaɣza caɣ a-ɖeɖe. Nabɛyɛ lɩmaɣza taacaɣ a-ɖeɖe nɛ pa-laŋa wɛɛ kpɩzɩŋ nɛ lidaʋ ŋgʋ́ paawɛna yɔ kɩla asayʋʋ.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

2 Pɩyɛ 2:22

Mbʋ́ pɩlabɩ-wɛ yɔ, pɩwɩlɩɣ se eduuye nɖɩ́ potuwaa se: «Haɣ pɩsaa kɔtɔkɩ kɔ-tɔtʋ» nɛ lɛɛɖɛ nɖɩ́ potuwaa ɖɔɖɔ se: «Patɩtɛm afa lɩm sɔʋ lɛ, ɛɖaɣnɩ pɩsʋʋ ɛsʋzɩ ɛ-tɩ ahɔya taa» yɔ, akɛ toovenim.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!

Wɩlʋʋ 3:9

Na! Mɔnkɔŋ ɖʋzʋʋ Satanɩ ŋgbɛyɛ taa ñɩma nabɛyɛ pe-nesi taa. Pɔtɔŋ se pɛkɛ Yuda ñɩma, ɛlɛ́, pɛtɛkɛ ḿbʋ́, pɛkɛ cɛtɩyaa. Na! Mɔnkɔŋ yebu nɛ pɔkɔɔ poluŋ ñɛ-tɛɛ nɛ pɔyɔɔdɩnɩ pɔ-nɔsɩ se mɔnsɔɔlɩ-ŋ.