Filiipu 3:18 - New Testament

¹⁸ Toovenim lɛ, tɔm ndʋ́ manpam-mɩ heyuu yɔ, ńdʋ́ mantasɩɣ-mɩ heyuu lɛɛlɛɛyɔ nɛ ɛsɩtɛɣlɩm. Ńdʋ́ lɛ se: ɛyáa sakɩyɛ wɛɛ nɛ pɔ-ɖɔnɛ wɩlɩɣ se pɛkɛ Krɩstʋ weyi pakam-ɩ kaamaŋkaɣ yɔɔ yɔ e-koyindinaa.

Filiipu 3:18 ပူးပေါင်းရင်းမြစ်များ

Luka 19:41

Yesu ñɔtɩnɩ Yeruusalɛm tɛtʋ lɛ, ɛna-tʋ. Peeɖe ewi tɩ-taa ñɩma

Tʋma Labʋ 20:19

Mentisi man-tɩ nɛ mala Kɩpaɣlʋ tʋmɩyɛ nɛ ɛsɩtɛɣlɩm nɛ kʋñɔŋ ŋgʋ́ mɔntɔɔ Yuda ñɩma nesi taa yɔ kɩ-taa. Ḿbá kɔlɔnɩ mɔ-yɔɔ nɔɔ kɩdɛkɛdaɣ tam sakɩyɛ.

Room 9:2

toovenim ḿbʋ́ lɛ se: mɔ-hɔyɛ pɩsaa siŋŋ nɛ pʋwɛɛ pɩcɛyɩɣ-m.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 6:9

Ɩtatɩlɩ se kɩdɛkɛdɩm laɖaa ɛɛkaɣ sʋʋ Ɛsɔ Kewiyaɣ taa yaa we? Ɩtaacɛtɩ mɩ-tɩ: acɛyɛ laɖaa yaa sɩɩnaa layaa yaa acɛyɛ laɖaa yaa abalaa mbá pacaɣ ɖama yɔ

2 Kɔrɛntɩ 11:13

Ɛyáa ḿbá, pɛcɛtɩɣ kɩcɛtʋ se pɛkɛ Krɩstʋ tiyiyaa. Paayɔɔdʋʋ toovenim pa-tʋmɩyɛ labʋ taa. Papɩsɩ pa-tɩ Krɩstʋ tiyiyaa kɩpɩsʋ.

2 Kɔrɛntɩ 11:29

Yee nɔɔyʋ ɛwɛnɩ ɛjandʋ Ɛsɔ nʋmɔʋ taa yɔ, pʋwɛ ɛzɩ mɛwɛnɩ tɩ-taa yɔ. Yee nɔɔyʋ ɛtɔlɩ Ɛsɔ nʋmɔʋ taa yɔ, pɩcɛyɩɣ-m ɖɔɖɔ siŋŋ.

2 Kɔrɛntɩ 2:4

Mama-mɩ takayaɣ ŋ́gá nɛ ɛsɛñɩŋɩyɛ siŋŋ nɛ laŋpɩsɩyɛ nɛ ɛsɩtɛɣlɩm. Mantama-mɩ se mɩ-hɔ ɛpɩsɩ. Ɛlɛ́, mancaɣaɣ se ɩtɩlɩ ɛzɩma mbʋ́ mɔnsɔɔlɩ-mɩ siŋŋ yɔ.

Galaatɩ 1:7

Ŋgʋ́, tɩtɛkɛ Laŋhɛzɩyɛ Tɔm siŋŋ. Ɛlɛ́, nabɛyɛ wɛɛ peliɣtiɣ-mɩ nɛ pacaɣ se pɛlɛɣzɩ Krɩstʋ Laŋhɛzɩyɛ Tɔm.

Galaatɩ 2:14

Mɔnkɔm mana se Pɩyɛ ɛɛɖɔŋ Laŋhɛzɩyɛ Tɔm yɔɔ nɛ toovenim lɛ, mɔnpɔzɩ-ɩ ɛyáa tɩŋa ɛsɩndaa kpayɩ se: «Weyi ña ŋkɛ Yuda tʋ yɔ, yee ña-lakasɩ ɛwɛ ɛzɩ mbá pɛtɛkɛ Yuda ñɩma yɔ lɛ, pɩlabɩ ɛzɩma nɛ ŋcɛyɩɣ paba se pala ɛzɩ Yuda ñɩma yɔ?»

Galaatɩ 2:21

Ma lɛ, maayeki nɛ Ɛsɔ lootiye pɩsɩ aleɣwondu kaʋ. Yee nɔɔyʋ ɛpɩzɩɣ ɛkɛ kʋtʋʋzʋ Ɛsɔ ɛsɩndaa se ɛɖɔŋ paɣtʋ yɔɔ yɔ, pʋbʋ Krɩstʋ sɩbɩ falaa yem.

Galaatɩ 5:21

nɛ lɛlaa ñɩm yɔɔ ɛsɩyɛ ɖʋʋ nɛ sʋlʋm kpaŋʋʋ nɛ kazandʋ labʋ kadadayaɣ nɛ lakasɩ kɩdɛkɛdɩsɩ lɛɛsɩ ndɩ ndɩ ɖɔɖɔ. Maatɛm-mɩ heyuu nɛ lɛɛlɛɛyɔ mantasɩɣ-mɩ heyuu se: mbá patɩŋa payɩ palakɩ pɩtɛ lakasɩ ńzɩ́ yɔ, pa-taa nɔɔyʋ ɛɛkaɣ sʋʋ Ɛsɔ Kewiyaɣ taa kaʋ.

Galaatɩ 6:12

Mbá patɩŋa payɩ pe-liu wɛɛ se payaa-wɛ se kɩbama yɔ, ḿbá cɛyɩɣnɩ-mɩ se pʋwɛɛ se pɛpɛlɩ-mɩ. Palakɩ ḿbʋ́ kpem se ɛyáa ɛtaawɛɛ pa-wayɩ kaŋ kaŋ. Yee posusuu Krɩstʋ sɩbʋ kaamaŋkaɣ yɔɔ yɔ pʋ-tɔm yɔ, pʋbʋ, pɛwɛɣ pa-wayɩ kaŋ kaŋ.

Galaatɩ 6:14

Ma lɛ, ɖa-Kɩpaɣlʋ Yesu Krɩstʋ sɩbʋ kaamaŋkaɣ yɔɔ yɔ, pi-ɖeke mankʋndʋʋna, nabʋyʋ fɛyɩ nɛ pɩtasɩnɩ-pʋ. Sɩm ḿbʋ́ pʋ-yɔɔ pɩtɩŋnaa nɛ kɩdɛkɛdɩm mbʋ́ pʋwɛ kedeŋa yɔɔ yɔ, pɩtatasɩ ɖoŋ nɩɩyɩ wɛnaʋ mɔ-yɔɔ nɛ ma ɖɔɖɔ mɛnkɛ sɩɖʋ pɩ-ɛsɩndaa.

Efɛɛzɩ 4:17

Iwelesi tɔm ndʋ́ mankaɖɩɣ-mɩ nɛ Kɩpaɣlʋ nɔɔ yɔ. Ńdʋ́ lɛ se: pɩfɛyɩ se ɩtasɩ caɣʋ wezuu ɛzɩ mbá pɛtɛkɛ Yuda ñɩma yɔ. Palakɩ mbʋ́ pamaɣzɩɣ nɛ pɩɩtalɩɣnɩ-wɛ ɖoli yɔ.

Filiipu 1:4

Alɩwaatʋ ndʋ́ tɩtɩŋa payɩ mɛnsɛɣ Ɛsɔ mɩtɩŋa mɩ-yɔɔ yɔ, mɛnsɛɣ-ɩ nɛ laŋhʋlʋmɩyɛ.

1 Tesalooniki 4:6

Nɔɔyʋ ɛtaamuli ɛ-taabalʋ pʋnɛ pɩ-taa, ɛtaacɛtɩ-ɩ. Đɩɩtɛm-mɩ-tʋ heyuu nɛ ɖɩka mɩ-ñʋŋ taa siŋŋ se Kɩpaɣlʋ kɔŋ hɔm mbá palakɩ ḿbʋ́ yɔ pa-nɩŋgbaaŋ.

2 Tesalooniki 3:11

Ŋgʋ́, ɖɩnɩɣ naɣ yɔ se mɩ-taa nabɛyɛ lakɩ fendu, mbʋ́ ɛzɩ paala tʋmɩyɛ lɛ, peyele panɩɣnɩ mbʋ́ pɩɩwazɩɣ pʋyʋ yɔ.

2 Pɩyɛ 2:10

Kɔzɩkɔzɩ mbá panɩɣnɩ kɩdɛkɛdɩm labʋ ɛzɩ pa-maɣmaɣ pe-liu wɛʋ yɔ nɛ patakpaɣ Ɛsɔ ɖoŋ payaa pʋyʋ yɔ. Cɛtɩm tɔm wɩlɩyaa mbá meheyi-mɩ pɔ-tɔm yɔ, paacazɩɣ nɔɔyʋ taʋ, pɛkɛ agaɣya tɩnaa. Paañaŋ ɖoŋ ndɩ ndɩ weyi ɩwɛ ɛsɔdaa yɔ kpem nɛ patʋʋ-ɩ.

Yuudi 1:13

Panɩɣzɩnɩ teŋgu lɩm hola wena awɛ ɖoŋ yɔ nɛ pa-lakasɩ nzɩ́ sɩkpaɣ ɛyáa fɛyɛ yɔ sɩsɩ ñanɩɣzɩnɩ azuluma wena hola ana akɔŋna yɔ. Pɛwɛ ɛzɩ tɩɩnzɩ nzɩ́ sɩɩcakɩ lone kʋɖʋmɖɩyɛ taa yɔ. Pʋ-yɔɔ Ɛsɔ ñɔɔzɩ-wɛ ɖɩjaɣyɛ cɩkpɛndʋʋ sɔsɔʋ taa se pacaɣ peeɖe tam.