Filiipu 3:13 - New Testament

¹³ Taabalaa! Ma-maɣmaɣ maatɔŋ se mɛntɛm talʋʋ nɛ mamʋ man-kɩhɛyʋʋ. Ɛlɛ́, pʋyʋ kʋɖʋm koŋ weyi malakɩ yɔ lɛ se: mɔnsɔʋ mbʋ́ pɩtɛm ɖɛʋ yɔ pʋ-yɔɔ nɛ piyele mɔnɖɔɔnɩ mbʋ́ pʋwɛnɩ ɛsɩndaa yɔ.

Filiipu 3:13 ပူးပေါင်းရင်းမြစ်များ

Luka 10:42

Ŋgʋ́, pʋyʋ kʋɖʋm koŋ wɛnɩ wazaɣ. Maarɩɩ lɩzɩnɩ ɖeu ɖeɖe. Nɔɔyʋ ɛɛpɩzɩɣ ɛmʋ-pʋ ɛ-cɔlɔ kaʋ.»

Luka 9:62

Peeɖe Yesu cosi ɛ́lɛ́ se: «Yee ɛyʋ ɛkpaɣ hakuu se ɛhayɩɣ nɛ eyele ɛnɩɣnɩ lɛɛbʋ yɔ, ɛtamʋna Ɛsɔ Kewiyaɣ taa tʋmlaɖʋ.»

2 Kɔrɛntɩ 5:16

Pʋ-yɔɔ lɛ, pɩkpaɣʋnɩ lɛɛlɛɛyɔ yɔ, ɖɩɩtasɩɣ nɔɔyʋ sɩm ɛsɛ yɔɔ. Paa ɛsɛ yɔɔ ɖɩɩsɩm Krɩstʋ yɔ, lɛɛlɛɛyɔ, ɖɩsɩm mbʋ́ ɛkɛnaa kpem yɔ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Filiipu 3:12

Maatɔŋ se mɛntɛm hiɣu pɩtɩŋa payɩ yaa mɛntɛm kɛʋ weyi ɛmʋnaa yɔ. Ɛlɛ́, mɔnɖɔŋ ñaɣʋ pana se mantalɩ nɛ mamʋ man-kɩhɛyʋʋ. Mbʋ́ pʋyɔɔ yɔ, Krɩstʋ Yesu tɛm-m mʋ́ʋ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

Ebree 6:1

Pʋ-yɔɔ lɛ, ɖɩɖɛɛnɩ ɛsɩndaa nɛ ɖɩkpɛlɩkɩ Krɩstʋ tɔm ɛzɩ mbá papɩ lidaʋ wɛnaʋ taa yɔ. Đɩtaawɛɛ ɖɩnɩɣnɩ ndʋ́ pɛkpɛlɩkɩ-ɖʋ kajalaɣ taa yɔ ti-ɖeke. Pɩtatasɩ pɔzʋʋ se pɛkpɛlɩkɩ-mɩ natʋyʋ ɛzɩ: tʋma wena aawazɩɣ pʋyʋ yɔ a-yebu nɛ Ɛsɔ yɔɔ lidaʋ wɛnaʋ

2 Pɩyɛ 3:8

Ɛlɛ́, mɛ-ɛgbaɣdɩnaa, tɔm natʋyʋ wɛɛ, pɩfɛyɩ se ɩsɔɔ-tʋ kaʋ. Ńdʋ́ lɛ se: Kɩpaɣlʋ ɛsɩndaa lɛ, evemiye kʋɖʋmɖɩyɛ wɛ ɛzɩ pɩnzɩ kutoku nɛ pɩnzɩ kutoku ñɛwɛɛ ɛzɩ evemiye kʋɖʋmɖɩyɛ yɔ.