Filiipu 3:12 - New Testament

¹² Maatɔŋ se mɛntɛm hiɣu pɩtɩŋa payɩ yaa mɛntɛm kɛʋ weyi ɛmʋnaa yɔ. Ɛlɛ́, mɔnɖɔŋ ñaɣʋ pana se mantalɩ nɛ mamʋ man-kɩhɛyʋʋ. Mbʋ́ pʋyɔɔ yɔ, Krɩstʋ Yesu tɛm-m mʋ́ʋ.

Filiipu 3:12 ပူးပေါင်းရင်းမြစ်များ

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Tʋma Labʋ 9:15

Ɛlɛ́, Kɩpaɣlʋ heyi-i se: «Kʋyɩ ŋwolo, mbʋ́ pʋyɔɔ yɔ, malɩzɩnɩ-ɩ se pɩtɩŋnɩ ɛ-yɔɔ nɛ ajɛya lɛɛna taa ñɩma nɛ pa-awiya sɔsɔna nɛ Izrɛɛlɩ ñɩma pasɩm-m.

1 Kɔrɛntɩ 13:10

Ɛlɛ́, alɩwaatʋ ndʋ́ mbʋ́ pʋwɛ pɩtɩŋa payɩ yɔ pʋkɔŋ lɛ, mbʋ́ pɩfɛyɩ pɩtɩŋa payɩ yɔ pʋmʋkɩ.

1 Kɔrɛntɩ 13:12

Alɩwaatʋ tʋnɛ tɩ-taa lɛ, pʋwɛ ɛzɩ ñɩnʋʋ fiɖiyii ñɩŋgʋ taa ɖɩcɔŋna yɔ, ɖɩɩnaɣ pɩtɩŋa camɩyɛ. Ɛlɛ́ puwiye lɛ, ɖɩkɔŋ pɩtɩŋa naʋ ɖɛ-ɛsɩndaa kaŋŋ. Lɛɛlɛɛyɔ mantatɩlɩ pɩtɩŋa, ɛlɛ́, mɔnkɔŋ tɛzʋʋ pɩtɩŋa payɩ sɩm puwiye ńɖɩ́ ɛzɩ Ɛsɔ sɩm-m ɖɔɖɔ yɔ.

1 Kɔrɛntɩ 9:24

Ɩtatɩlɩ se mbá powoki seu yɔ, peseɣ patɩŋa payɩ, ɛlɛ́, weyi ɛwakɩ yɔ e-ɖeke koŋ palakɩ kʋjɔʋ naa we? Pʋ-yɔɔ lɛ, ɩñaɣ pana nɛ ise lidaʋ nʋmɔʋ taa nɛ ɩwa nɛ palabɩ-mɩ kʋjɔʋ ŋ́gʋ́.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Galaatɩ 5:17

Mbʋ́ mɩ-maɣmaɣ mi-liu wɛɛ yɔ, pɩtɛkɛ ḿbʋ́ Fezuu Kiɖeɖeu liu wɛɛ. Mbʋ́ Fezuu Kiɖeɖeu liu ñɛwɛɛ yɔ, pɩtɛkɛ ḿbʋ́ mi-liu ñɛwɛɛ. Mbʋ́ ki-liu wɛɛ yɔ nɛ kɩdɛkɛdɩm mbʋ́ ɛyʋ sɔɔlɩ labʋ yɔ, pɩtata. Pʋ-yɔɔ ɩɩpɩzɩɣ ɩla mbʋ́ mɩ-maɣmaɣ mi-liu wɛɛ yɔ.

Efɛɛzɩ 1:4

Kpɛndʋʋ ḿbʋ́, pɩ-taa Ɛsɔ lɩzɩ-ɖʋ se ɖɩkɛ ɛ-ñɩma nɛ pataana kɩwɛɛkɩm nabʋyʋ ɖɔ-yɔɔ. Ɛɛlɩzɩ-ɖʋ nɛ pʋcɔ ɛla kedeŋa. Ɛsɔɔlɩ-ɖʋ yɔɔ

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Filiipu 1:1

Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

Filiipu 3:16

Mbʋ́ pʋwɛɛ yɔ lɛ se: Ɛsɔ nʋmɔʋ ŋgʋ́ ɖɩɖɔŋ kɩ-taa yɔ, ɖɩwɛɛ kɩ-taa ḿbʋ́ nɛ pɩɖɛɛnɩ ɛsɩndaa.

Filiipu 3:3

Mbʋ́ pʋyɔɔ yɔ, ɖɛkɛnɩ mbá pɛpɛlɩ-wɛ siŋŋ yɔ, pɩtɛkɛ ḿbá. Fezuu Kiɖeɖeu yɔɔ ɖɩtɩŋɩɣna nɛ ɖiluŋuu ɛ-tɛɛ nɛ ɖɩkʋndʋʋnɩ Yesu Krɩstʋ. Đɩɩtaɣ tomnaɣ yɔɔ pɛlʋʋ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

1 Tesalooniki 5:15

Ɩkpa mɩ-tɩ nɛ ɖama kɩmɩyɛ kpaʋ. Ɩwɛɛ ɖama camɩyɛ labʋ yɔɔ nɛ ɩkpɛndɩnɩ lɛlaa tɩŋa payɩ.

2 Tesalooniki 2:13

Piyele ɖa lɛ, pʋwɛɛ se ɖɩsa Ɛsɔ tam taabalaa mbá mɩ Kɩpaɣlʋ sɔɔlaa yɔ mɩ-yɔɔ. Mbʋ́ pʋyɔɔ yɔ, mɩ ɛcalɩ lɩzʋʋ se pɩtɩŋnɩ e-Fezuu Kiɖeɖeu ŋgʋ́ kɩpɩsɩɣ-mɩ cɩɖɩcɩɖɩ ñɩma yɔ nɛ lidaʋ ŋgʋ́ ɩwɛnɩ toovenim yɔɔ yɔ pɔ-yɔɔ nɛ ɛya mɩ-ñʋʋ.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

1 Timootee 6:19

Yee palakɩ ḿbʋ́ yɔ, pasɩɣ pa-tɩ ñɩm mbʋ́ pɩɩwɛɛkɩɣ yɔ cee wayɩ yɔɔ. Peeɖe pehikiɣ wezuu maatɛŋ.

Ebree 12:14

Ɩñaɣ pana nɛ mɩ nɛ paa weyi mɩ-laŋa hɛnɩ ɖama nɛ ɩcaɣ wezuu ɛzɩ Ɛsɔ liu wɛʋ yɔ. Pɩtɛkɛ ḿbʋ́, ɛyʋ ɛɛpɩzɩɣ ɛna Kɩpaɣlʋ.

Ebree 12:23

Iwobi Ɛsɔ kajalaɣ piya nzɩ́ pama sɩ-hɩla ɛsɔdaa nɛ sikpeɣli ɖama nɛ sɩtɔkɩ kazanɖʋ yɔ sɩ-ŋgbɛyɛ taa. Iwobi Ɛsɔ cɔlɔ ɖɔɖɔ, ɛnʋ hʋʋnɩnɩ ɛyáa tɩŋa payɩ: toovenim tɩnaa mbá pasɩba nɛ ɛtɛzɩ-wɛ pɩsʋʋ mbá pamʋnaa yɔ.

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

Yakubu 3:2

Pɩpaŋ coɖuu ɖatɩŋa payɩ Ɛsɔ nʋmɔʋ taa. Yee putocoɖi nɔɔyʋ kaʋ ɛ-yɔɔdaɣ taa yɔ, nabʋyʋ fɛyɩ se paawanɩ-ɩ. Ɛpɩzɩɣ ɛtɛzɩ ɛ-tɩ ɖɔkʋʋ kpam.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

2 Pɩyɛ 3:18

Ɛlɛ́, pʋwɛɛ se ɩɖɛɛnɩ ɛsɩndaa lootiye nʋmɔʋ taa nɛ ɩtɛzɩ sɩm ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ. Pasam-ɩ kpaɣ lɛɛlɛɛyɔ nɛ paa ɛzɩmtaa. Pɩla ḿbʋ́!