Filiipu 3:10 - New Testament

¹⁰ Mbʋ́ pɩtɩŋa me-liu wɛɛ yɔ lɛ se: me-wezuu caɣʋ taa lɛ, mantɩlɩ Krɩstʋ nɛ mana ɖoŋ weyi efemnaa yɔ, nɛ mɔntɔɔ kʋñɔŋ ŋgʋ́ ɛtɔwaa yɔ nɛ mansɩ ɛzɩ ɛnʋ yɔ,

Filiipu 3:10 ပူးပေါင်းရင်းမြစ်များ

Maatiyee 20:23

Yesu pɩsɩnɩ-wɛ se: «Toovenim ɩkɔŋ tɔɔʋ kʋñɔŋ ŋgʋ́ mɔntɔkɩ yɔ. Ɛlɛ́, ma-nɩwaŋ yɔɔ nɛ ma-nɩmɩyɛ yɔɔ caɣʋ ñɩndʋ lɛ, pɩtɛkɛ mahaɣnɩ nʋmɔʋ. Mbá man-Caa liu wɛɛ se pacaɣ lona ana a-taa yɔ, ḿbá cakɩna.»

Yohanɛɛsɩ 10:18

Nɔɔyʋ ɛɛpɩzɩɣ ɛlɩzɩ me-wezuu. Ɛlɛ́, ma-maɣmaɣ mentisiɣna nɛ mansɩ. Manpɩzɩɣ mansɩ nɛ manpɩzɩ manɖaɣnɩ wezuu hiɣu. Ḿbʋ́ man-Caa ɖʋ-m se mala.»

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Room 8:17

Ɛzɩma mbʋ́ ɖɩkɛ e-piya yɔ, ɖatɩɣyɩɣnɩ ɛ-ñɩm mbʋ́ ɛñɔɔzaa nɛ ɛsɩɩ-ɖʋ yɔ. Đa nɛ Krɩstʋ ɖɩtɩɣyɩɣnɩ-pʋ. Mbʋ́ pʋyɔɔ yɔ, yee ɖa nɛ ɩ ɖɩtɔkɩnɩ ɛ-kʋñɔŋ yɔ, ɖa nɛ ɩ ɖɩkɔŋnɩ wɛʋ ɖɔɖɔ e-koboyaɣ taa.

Room 8:29

Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

Room 8:36

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ñɔ-yɔɔ lɛ, ɖɩwɛ sɩm nɔɔ taa wɩsɩ nɛ ɖoó nɛ palakɩ-ɖʋ ɛzɩ heŋ weyi powokini alikizaŋ tɛ se pakʋ yɔ.»

2 Kɔrɛntɩ 1:10

Ɛnʋ yabɩnɩ ɖa-ñʋʋ sɩm ḿbʋ́ pɩ-taa. Ɛkɔŋ ɛtasɩ ɖa-ñʋʋ yabʋ. Toovenim ɖɩtaɣ-ɩ se ɛnʋ tasɩɣnɩ ɖa-ñʋʋ yabʋ.

2 Kɔrɛntɩ 1:5

Mbʋ́ pʋyɔɔ yɔ, ɛzɩma mbʋ́ ɖɩtɔkɩ kʋñɔmɩŋ siŋŋ ɛzɩ Krɩstʋ yɔ, ḿbʋ́ ɖɔɖɔ Ɛsɔ tɩŋɩɣnɩ Krɩstʋ ɛnʋ ɛ-yɔɔ nɛ ɛhɛzɩɣ ɖa-laŋa siŋŋ.

2 Kɔrɛntɩ 13:4

Mbʋ́ pʋyɔɔ yɔ, ɛ-ɛjandʋ yɔɔ pakam-ɩ kaamaŋkaɣ yɔɔ. Ɛlɛ́, pɩtɩŋnɩ Ɛsɔ ɖoŋ yɔɔ nɛ ɛwɛɛ wezuu. Đa nɛ ɩ ɖɛ-kpɛndʋʋ taa lɛ, ɖɩwɛ ɛjandʋ ɖɔɖɔ. Ɛlɛ́, alɩwaatʋ ndʋ́ ɖɩkɔŋ mɩ-tɛ yɔ, Ɛsɔ ɖoŋ ɖɩñɔɔzʋʋnɩ tɔm mɩ-hɛkʋ taa.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Galaatɩ 6:17

Pɩkpaɣʋnɩ sɔnɔ yɔ, nɔɔyʋ ɛtaatasɩ-m cɛyʋʋ, mbʋ́ pʋyɔɔ yɔ, tɔndɔlɩŋ weyi ɩwɛ mɔ-yɔɔ yɔ, ɩwɩlɩɣ se mɔntɔɔ kʋñɔŋ Yesu yɔɔ.

Efɛɛzɩ 4:13

nɛ pʋkɔɔ pɩsɩɩnɩ alɩwaatʋ ndʋ́ ɖatɩŋa payɩ ɖɩlabɩ nɔɔ kʋɖʋmaɣ ɖe-lidaʋ wɛnaʋ taa nɛ ɖɩtɩlɩ Ɛsɔ Pɩyalʋ siŋŋ nɛ ɖɩpɩsɩ ɛyáa sʋtʋyaa nɛ ɖɩwɛɛ ɛzɩ Krɩstʋ wɛʋ kpem yɔ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 2:13

Đooo lɛ, ɩɩkɛ sɩɖaa mɩ-kɩwɛɛkɩm yɔɔ. Ɩɩkɛ ɖɔɖɔ sɩɖaa mbʋ́ pʋyɔɔ yɔ, pataapɛlɩ-mɩ. Ɛlɛ́, lɛɛlɛɛyɔ Ɛsɔ tɩŋnɩ Krɩstʋ yɔɔ nɛ ɛha-mɩ wezuu: ekpeɣ-ɖʋ ɖa-kɩwɛɛkɩm tɩŋa payɩ.

Koloosi 3:1

Mɩ nɛ Krɩstʋ ifemna nɛ ɩlɩɩnɩ sɩɖaa taa. Yee ḿbʋ́, ɩñɩnɩ mbʋ́ pʋwɛ ɛsɔdaa ɖenɖe ɛcaɣ Ɛsɔ cɔlɔ lone kɩbanɖɛ taa yɔ.

1 Pɩyɛ 1:3

Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.

2 Pɩyɛ 1:13

Manawa se pʋmʋnaa se mɛwɛɛ mɔntɔzʋʋ-mɩ tɔm ńdʋ́ alɩwaatʋ ndʋ́ mɛwɛnɩ mɛ-ɛsɛ yɔ. Malakɩ ḿbʋ́ se ɩtaaɖoo tɩ-yɔɔ.

1 Yohanɛɛsɩ 2:3

Yee ɖɩɖɔŋ Ɛsɔ paɣtʋ yɔɔ camɩyɛ yɔ, pɩwɩlɩɣ toovenim se ɖɩsɩm-ɩ.

1 Yohanɛɛsɩ 2:5

Weyi ɛ́lɛ́ ɖɔŋ Ɛsɔtɔm yɔɔ yɔ, ɛkɛ weyi ɛsɔɔlɩ-ɩ nɛ ɛ-laŋɩyɛ tɩŋa pilim yɔ. Mbʋ́ pɩwɩlɩɣ se ɖa nɛ Ɛsɔ ɖɩlabɩ nɔɔ kʋɖʋmaɣ yɔ lɛ se:

Wɩlʋʋ 1:18

Ma lɛ weyi ɛwɛ wezuu yɔ. Maasɩba, ɛlɛ́, ma yɔ, mɛwɛɣnɩ mɛ-ɛsɛ tam. Mɔnɖɔkɩ sɩm nɛ ɖenɖe sɩɖaa wɛɛ yɔ pɔ-nɔnɔɔ ñɩma.