Filiipu 2:9 - New Testament

⁹ Pʋ-yɔɔ ɛ́lɛ́ kpazɩ-ɩ lone nɖɩ́ ɖɩkɩlɩ kʋyʋʋ yɔ ɖɩ-taa nɛ ɛ́yáa-ɩ hɩɖɛ nɖɩ́ ɖɩkɩlɩ lɛɛna tɩŋa payɩ yɔ.

Filiipu 2:9 ပူးပေါင်းရင်းမြစ်များ

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Luka 10:22

Pʋwayɩ lɛ, eheyi ɛyáa se: «Man-Caa cɛlɩ-m pɩtɩŋa payɩ. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa nɛ nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa se mawɩlɩ-ɩ-wɛ yɔ.»

Yohanɛɛsɩ 13:3

Yesu kɛtɛm naʋ se Caa Ɛsɔ cɔlɔ ɛlɩnaa nɛ ɛ-cɔlɔ ɛkɔŋ pɩsʋʋ. Ɛnawa ɖɔɖɔ se ɛɖʋzɩ e-nesi taa pɩtɩŋa payɩ.

Yohanɛɛsɩ 17:11

Maatasɩɣ wɛʋ kedeŋa yɔɔ, ɛlɛ́, ḿbá ñɛwɛ kɔ-yɔɔ. Ma lɛ, mɔnkɔŋ ñɔ-cɔlɔ. Ɛsɔ Caabiyuu! Ño-ɖoŋ taa lɛ, ɖɔkɩ-wɛ nɛ pala nɔɔ kʋɖʋmaɣ ɛzɩ ma nɛ ŋ ɖɩlabʋ yɔ.

Yohanɛɛsɩ 17:12

Alɩwaatʋ ndʋ́ ma nɛ wɛ ɖɩɩwɛɛ yɔ, ño-ɖoŋ taa mɔncɔŋaɣnɩ mbá ŋɖʋzɩ me-nesi taa yɔ pɔ-yɔɔ: mohuuzi pɔ-yɔɔ nɛ pa-taa nɔɔyʋ tele nɛ pɩtasɩnɩ weyi pɩɩwɛɛ se ele nɛ tɔm ndʋ́ pama Ɛsɔtɔm Takayaɣ taa yɔ, tɩla yɔ.

Yohanɛɛsɩ 17:5

Pʋ-yɔɔ lɛ, Caa! Lɛɛlɛɛyɔ, mɔnpɔzʋʋ-ŋ se ŋyele nɛ ma-hɩɖɛ sɛɛ ñɔ-cɔlɔ ɛzɩ ɖɩɩsɛʋ nɛ pʋcɔ ŋla kedeŋa yɔ.

Tʋma Labʋ 5:31

Efezi-i lɛ, ɛkpazɩ-ɩ nɛ ɛcaɣzɩ lone kɩbanɖɛ taa ɛ-cɔlɔ nɛ ɛpɩsɩ-ɩ Wiyaʋ Sɔsɔ weyi ɛkɛ Ñʋʋ Yaɖʋ yɔ se ɛwɩlɩ Izrɛɛlɩ ñɩma nʋmɔʋ nɛ pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm.

Efɛɛzɩ 1:10

Alɩwaatʋ talɩɣ lɛ, ɛlabɩ-pʋ: ekpeɣliɣ mbʋ́ pɩtɩŋa payɩ pʋwɛ ɛsɔdaa nɛ tataa yɔ wiyaʋ kʋɖʋm koŋ tɛɛ. Ɛnʋ lɛ Krɩstʋ.

Koloosi 1:18

Ɛnʋ lɛ ñʋʋ nɛ e-tomnaɣ lɛ ɛ-ŋgbɛyɛ taa ñɩma. Ɛnʋ lɛ kiɖe, ɛnʋ calɩnɩ fem nɛ sɩɖaa taa se ɛkɛ kajalaɣ tʋ pɩtɩŋa pɩ-taa.

2 Tesalooniki 1:12

Ḿbʋ́ pɩtɩŋɩɣnɩ mɩ-yɔɔ nɛ ɖa-Kɩpaɣlʋ Yesu hɩɖɛ sɛɛ nɛ pɩtɩŋnɩ ɛ́lɛ́ yɔɔ nɛ mɩ-ñɩnɖɛ ñɛsɛɛ ɖɔɖɔ. Đɛ-Ɛsɔ nɛ Kɩpaɣlʋ Yesu Krɩstʋ, po-lootiye yɔɔ pʋkɔŋ pɩla ḿbʋ́.

Ebree 1:4

Ɛsɔ Pɩyalʋ pɩsaa ɛkɩlɩ Ɛsɔ tiyiyaa tɩŋa. Pʋ-yɔɔ ɛya-ɩ hɩɖɛ nɖɩ́ ɖɩkɩlɩ pa-ñɩnɖɛ yɔ.

Ebree 1:9

Ŋsɔɔlɩ mbʋ́ pʋtʋʋzaa yɔ nɛ ŋpaɖɩɣ kɩdɛkɛdɩm. Hayɩ Ɛsɔ! Pʋ-yɔɔ ma ñɛ-Ɛsɔ malɩzɩ-ŋ ña-taabalaa hɛkʋ taa nɛ manpɩyɩ ña-ñʋʋ taa amaya num. Ɛsɔɔlɩ-ŋ nɛ pɩkɩlɩ awiya lɛɛna»

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 2:9

Ɛlɛ́, Ɛsɔ yeba nɛ Yesu luzi ɛ-tɩ Ɛsɔ ɛnʋ e-tiyiyaa tɛɛ alɩwaatʋ pazɩ. Ɛlabɩ ḿbʋ́ se pɩtɩŋnɩ e-lootiye yɔɔ nɛ Yesu sɩ ɛyáa tɩŋa payɩ yɔɔ. Ɛnʋ ɖɩnaɣ lɛɛlɛɛyɔ, Ɛsɔ pam-ɩ koboyaɣ hulaɣ nɛ ɛɖʋ-ɩ hɩɖɛ sɩm mbʋ́ ɛlabɩ kʋñɔŋ nɛ ɛsɩ yɔ pʋ-yɔɔ.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.

2 Pɩyɛ 1:17

Đɩɩwɛ alɩwaatʋ ndʋ́ Caa Ɛsɔ ɖʋ-ɩ hɩɖɛ nɛ ɛsam-ɩ yɔ. Ɛsɔ weyi e-koboyaɣ kɩlɩ pɩtɩŋa yɔ, ɛyɔɔdɩ alɩwaatʋ ńdʋ́ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ.»

3 Yohanɛɛsɩ 1:7

Pɔɖɔŋ nʋmɔʋ se pala Yesu Krɩstʋ tʋmɩyɛ. Pʋ-yɔɔ petetisi nɛ pamʋ mbá paañaŋ Ɛsɔ yɔ pe-nesi taa pʋyʋ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 11:15

Pɩkɛdaa lɛ, Ɛsɔ tiyiyu lʋbɛ ñɩnʋ hʋlɩ ɛgandɩyɛ nɛ puholuuni ɛsɔdaa kpaŋŋ kpaŋŋ se: «Pɛcɛlɩ kedeŋa kewiyaɣ ɖa-Kɩpaɣlʋ nɛ Weyi Ɛlɩzaa Yɔ. Ɛtɔkɩ-kɛ pɩnzɩ ɛgbaŋ ɛgbaŋ!»

Wɩlʋʋ 19:16

Pama e-toko sɔsɔʋ nɛ e-yuye pɔ-yɔɔ hɩɖɛ naɖɩyɛ. Ńɖɩ́ lɛ se: awiya taa Wiyaʋ nɛ kɩpaɣlaa taa Kɩpaɣlʋ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.

Wɩlʋʋ 5:12

Poholaɣ se: «Heɣa ŋgá Ɛsɔ yeba nɛ palaa yɔ, kamʋnaa se ɛha-kɛ ɖoŋ nɛ ñɩm, nɛ lɔŋsɩnɖɛ, nɛ abalɩtʋ, nɛ ɛɖʋ-kɛ hɩɖɛ, nɛ eyele kɛwɛɛ koboyaɣ taa nɛ pasam-kɛ.»