Filiipu 2:7 - New Testament

⁷ Ɛ-maɣmaɣ eyebi mbʋ́ pɩtɩŋa payɩ ɛɛwɛna yɔ pʋ-tɔm nɛ ɛpɩsɩ tʋmlaɖʋ nɛ ɛwɛɛ ɛzɩ ɛyáa yɔ.

Filiipu 2:7 ပူးပေါင်းရင်းမြစ်များ

Maatiyee 12:18

«Ɩna man-tʋmlaɖʋ kʋsɔɔlʋ. Ɛnʋ malɩzaa. Maahʋʋ ɛ-yɔɔ kaʋ. Mɔnkɔŋ-ɩ haʋ men-Fezuu Kiɖeɖeu nɛ esusi ajɛya lɛɛna taa ɛyáa ɛzɩma mbʋ́ mɔnkɔŋ-wɛ labʋ mbʋ́ pʋtʋʋzaa yɔ.

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maarkɩ 9:12

Yesu cosi-wɛ se: «Toovenim, pʋwɛɛ se Elii ɛlayɩ kɔm nɛ ɛɖaɣnɩ pɩtɩŋa camɩyɛ. Meheyiɣ-mɩ ɖɔɖɔ se Ɛyʋ Pɩyalʋ tɔm pamawa se ɛkɔŋ tɔɔʋ kʋñɔŋ siŋŋ nɛ peniɣzi-i.

Luka 22:27

Weyi ɛtɔŋ se palabɩ-ɩ tɔɔnaɣ yɔ nɛ ɛ-tʋmlaɖʋ weyi ɛlakɩ-kɛ yɔ, akɩlaa? Pɩtɛkɛ weyi ɛtɔŋ se palabɩ-ɩ-kɛ yɔ, ɛnʋ kɩlɩna naa we? Ḿbʋ́ ɖɔɖɔ mɛwɛ mɩ-hɛkʋ taa, mɛwɛ ɛzɩ tʋmlaɖʋ yɔ.

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Room 1:3

Ńdʋ́ lɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɛ-tɔm. Palʋlɩ-ɩ wiyaʋ sɔsɔ Daaviidi liɖe taa. Liɖe ńɖɩ́ ɖɩ-taa palʋlɩ-ɩ,

Room 15:3

Mbʋ́ pʋyɔɔ yɔ, Krɩstʋ tanɩɩnɩ mbʋ́ pɩkɛdɩnɩ ɛ-maɣmaɣ yɔ. Ɛlɛ́, pɩtalɩ-ɩ e-wezuu caɣʋ taa ɛzɩ pamaʋ Ɛsɔtɔm Takayaɣ taa se: «Tʋtʋ ndʋ́ patʋ ña Ɛsɔ yɔ, tɩpɩsɩ mɔ-yɔɔ» yɔ.

Room 15:8

Mbʋ́ pʋyɔɔ yɔ, mankaɖɩɣ-mɩ se Krɩstʋ pɩsɩ Yuda ñɩma tʋmlaɖʋ se ɛla mbʋ́ Ɛsɔ kaɖʋwa se ɛlakɩ pɔ-cɔzɔnaa yɔ nɛ pɩwɩlɩ se ɛlakɩ mbʋ́ ɛɖʋwa yɔ.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

2 Kɔrɛntɩ 13:4

Mbʋ́ pʋyɔɔ yɔ, ɛ-ɛjandʋ yɔɔ pakam-ɩ kaamaŋkaɣ yɔɔ. Ɛlɛ́, pɩtɩŋnɩ Ɛsɔ ɖoŋ yɔɔ nɛ ɛwɛɛ wezuu. Đa nɛ ɩ ɖɛ-kpɛndʋʋ taa lɛ, ɖɩwɛ ɛjandʋ ɖɔɖɔ. Ɛlɛ́, alɩwaatʋ ndʋ́ ɖɩkɔŋ mɩ-tɛ yɔ, Ɛsɔ ɖoŋ ɖɩñɔɔzʋʋnɩ tɔm mɩ-hɛkʋ taa.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

Galaatɩ 4:4

Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

Filiipu 2:6

Ɛ nɛ Ɛsɔ paawɛ kɩmaŋ. Ɛlɛ́, ɛtakpaɣ ɖɔndɩyɛ ńɖɩ́ nɛ ɛ́yáa pʋyʋ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 13:3

Ɩtɔzɩ salaka tɩnaa yɔɔ ɛzɩ mɩ nɛ wɛ ɩwɛnɩ ka-taa yɔ. Ɩtɔzɩ ɖɔɖɔ mbá panazɩɣ-wɛ yɔ pɔ-yɔɔ ɛzɩ mɩ nɛ wɛ panazɩɣ yɔ.

Ebree 4:15

Mbʋ́ pʋyɔɔ yɔ, cɔjɔnaa ñʋndɩnaa taa sɔsɔ ɛnʋ, ɛtɛkɛ weyi ɛɛpɩzɩɣ se ɛsɩnɩ-ɖʋ ɖɛ-ɛjandʋ taa yɔ: pɩtakɩ-ɩ ɛzɩ ɖa yɔ pɩtɩŋa pɩ-taa. Ɛlɛ́, ɛtala kɩwɛɛkɩm nabʋyʋ.