Filiipu 2:6 - New Testament

⁶ Ɛ nɛ Ɛsɔ paawɛ kɩmaŋ. Ɛlɛ́, ɛtakpaɣ ɖɔndɩyɛ ńɖɩ́ nɛ ɛ́yáa pʋyʋ.

Filiipu 2:6 ပူးပေါင်းရင်းမြစ်များ

Maatiyee 1:23

«Ɩnaɣ, pɛlɛ nɔɔyʋ kɔŋ haɣʋ nɛ ɛlʋlɩ pɩɣa nɛ payaa-kɛ se Emaanʋyɛɛlɩ.» Pʋ-tɔbʋʋ se Ɛsɔ wɛ ɖɔ-cɔlɔ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 10:30

Ma nɛ man-Caa ɖɩkɛ kʋɖʋm.»

Yohanɛɛsɩ 10:33

Paba cosi-i se: «Pɩtɛkɛ tʋmɩyɛ kɩbanɖɛ naɖɩyɛ yɔɔ ɖɩcaɣ se ɖɩkʋ-ŋ nɛ pɛɛ. Ɛlɛ́, ɖɩkʋʋ-ŋ se ŋwɛɛkɩ Ɛsɔ hɩɖɛ: ŋkɛ ɛyʋ yem nɛ ŋyaɣ ña-tɩ se Ɛsɔ.»

Yohanɛɛsɩ 10:38

Ɛlɛ́, paa malakɩ-yɛ nɛ ɩfɛyɩnɩ lidaʋ mɔ-yɔɔ yɔ, itisi tʋma wena malakɩ yɔ a-yɔɔ. Peeɖe ɩnaɣ nɛ ɩtɩlɩ kpaagbaa se ma nɛ Caa ɖɩwɛ ɖama taa.»

Yohanɛɛsɩ 14:28

Meheyi-mɩ nɛ ɩnɩɩ se mowoki nɛ menkiti mɔnkɔɔ mɩ-cɔlɔ. Yee ɩɩsɔɔlɩ-m yɔ, mɩ-taa kahʋlʋmɩ alɩwaatʋ ndʋ́ ɩnɩwa se mowoki Caa cɔlɔ yɔ. Mbʋ́ pʋyɔɔ yɔ, ɛkɩlɩ-m.

Yohanɛɛsɩ 14:9

Yesu cosi-i se: «Filiipu! Đooo ma nɛ mɩ ɖɩwɛʋ yɔ, ŋtasɩm-m yaa we? Weyi ɛna-m yɔ, ɛna Caa. Pɩlabɩ ɛzɩma nɛ ŋtɔŋ se mawɩlɩ-mɩ Caa yɔ?

Yohanɛɛsɩ 17:5

Pʋ-yɔɔ lɛ, Caa! Lɛɛlɛɛyɔ, mɔnpɔzʋʋ-ŋ se ŋyele nɛ ma-hɩɖɛ sɛɛ ñɔ-cɔlɔ ɛzɩ ɖɩɩsɛʋ nɛ pʋcɔ ŋla kedeŋa yɔ.

Yohanɛɛsɩ 20:28

Peeɖe Tomaa cosi-i se: «Man-Kɩpaɣlʋ! Mɛ-Ɛsɔ!»

Yohanɛɛsɩ 5:18

Ɛyɔɔdɩ ḿbʋ́ lɛ, Yuda ñɩma awiya tɛzɩɣ ñɩnʋʋ se pakʋ-ɩ. Mbʋ́ pʋyɔɔ yɔ, pɩtasɩɩnɩ se ɛtɔɖɔ kɩyakʋ kɩhɛzʋʋ paɣtʋ yɔɔ, ɛlɛ́, ɛtɔm ɖɔɖɔ se Ɛsɔ lɛ ɛ-Caa nɛ pɩwɩlɩɣ se ɛ nɛ ɩ pɛwɛ kɩmaŋ.

Yohanɛɛsɩ 5:23

nɛ piyele patɩŋa paɖʋ Ɛsɔ Pɩyalʋ hɩɖɛ ɛzɩ paɖʋʋ Caa Ɛsɔ yɔ. Weyi ɛɛɖʋʋ Ɛsɔ Pɩyalʋ hɩɖɛ yɔ, ɛɛɖʋʋ-ɖɩ ɖɔɖɔ Caa Ɛsɔ weyi etiyi-i yɔ.

Room 9:5

Pɛkɛ Abraham nɛ Izaakɩ nɛ Yakɔɔbʋ pa-sayɩnaa. Đɩkpaɣ Krɩstʋ ɛsɛ yɔɔ yɔ, ɛkɛ pe-liɖe taa tʋ. Ŋgʋ́, ɛnʋ lɛ Ɛsɔ weyi ɛkɩlɩ pɩtɩŋa payɩ yɔ. Pasam-ɩ tam. Pɩla ḿbʋ́!

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 1:6

Ɛlɛ́, alɩwaatʋ ndʋ́ etiyaɣ ɛ-kajalaɣ pɩɣa kedeŋa yɔɔ yɔ, ɛtɔm se: «Pʋwɛɛ se e-tiyiyaa tɩŋa payɩ eluŋ kɛ-tɛɛ.»

Ebree 1:8

Piyele ɛ-Pɩyalʋ lɛ, ɛyɔɔdɩ ɛ́lɛ́ tɔm se: «Hayɩ Ɛsɔ! Ñe-kewiyaɣ wɛ tam. Ŋcɔŋnɩ ñɛ-ɛyáa yɔɔ nɛ toovenim.

Ebree 13:8

Yesu Krɩstʋ wɛʋ yɔ, ɛɛlɛɣzɩɣ kaʋ. Ɛzɩma mbʋ́ ɛɛwɛ ɖooo lɔŋ yɔ, ḿbʋ́ ɛwɛɛ, ḿbʋ́ ɖɔɖɔ ɛwɛɣ tam.

Wɩlʋʋ 21:6

Ɛtasɩ-m heyuu se: «Pɩlabɩ ḿbʋ́! Ma lɛ Nʋmɔɖɛyʋ nɛ Ɛɖɩɣyɛ, manpazɩnɩ pɩtɩŋa payɩ, mɛntɛzɩɣnɩ-pʋ. Weyi lɔkɔtʋ ɖɔkɩ-ɩ yɔ, mahaɣ-ɩ hiɖe nɖɩ́ ɖɩ-taa lɩm haɣ wezuu yɔ ɖɩ-taa lɩm falaa.