Filiipu 2:3 - New Testament

³ Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

Filiipu 2:3 ပူးပေါင်းရင်းမြစ်များ

Luka 18:14

Meheyiɣ-mɩ se Ɛsɔ kpeɣ abalʋ ɛnɛ ɛ-kɩwɛɛkɩm nɛ pʋcɔ ɛpɩsɩ ɛ-tɛ. Ɛlɛ́, eteɖezi Farɩsɩ tʋ. Mbʋ́ pʋyɔɔ yɔ, weyi ɛkpazɩɣ ɛ-tɩ yɔ, petisiɣ-i. Weyi ɛ́lɛ́ ñetisiɣ ɛ-tɩ yɔ, pakpazɩɣ-ɩ.»

Room 12:10

Ɩsɔɔlɩ ɖama ɛzɩ pʋmʋnaʋ se Yesu ŋgbɛyɛ taa ñɩma ɛsɔɔlɩ ɖama yɔ. Pɩlabɩ-mɩ hʋnʋm nɛ ɩña ɖama.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

1 Kɔrɛntɩ 15:9

Mbʋ́ pʋyɔɔ yɔ, mɛnkɛnɩ Krɩstʋ tiyiyaa taa tɔyaɣ. Toovenim lɛ, mantamʋna se paya-m se Krɩstʋ tiyiyu. Mbʋ́ pʋyɔɔ yɔ, maawɛnɩ ɛ-ŋgbɛyɛ taa ñɩma wayɩ kaŋ kaŋ.

1 Kɔrɛntɩ 3:3

Mbʋ́ pʋyɔɔ yɔ, mi-wezuu caɣʋ taa lɛ, ɩlakɩ ɛzɩ ɩɩwɛʋ yɔ. Alɩwaatʋ ndʋ́ ɛsɩsɛmɩyɛ nɛ you pɛwɛ mɩ-hɛkʋ taa yɔ, ɩfɛyɩ ɛzɩ ɩɩwɛʋ yɔ yaa we? Yaa mi-wezuu caɣʋ ñɛfɛyɩ ɖɔɖɔ ɛzɩ ɛyáa lɛlaa yɔ?

2 Kɔrɛntɩ 12:20

Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.

Galaatɩ 5:15

Ɛlɛ́, yee ɩwɛɛ nɛ ɩlakɩ ɛzɩ tɛtɛ kpɩna nɛ ɩpaŋ ɖama kela nɛ ɩnazɩɣ ɖama yɔ, pʋbʋ, ɩkpa mɩ-tɩ. Pɩtɛkɛ ḿbʋ́, ɩkɔŋ ɩtɛ mɩtɩŋa yem.

Galaatɩ 5:26

Đɩtaakpazɩ ɖa-tɩ, ɖɩɖɔkɩ ɖa-tɩ nɛ ɖa-pana ɛtaakpanɩ ɖama yaa ɖɩtaaɖʋ ɛsɩyɛ ɖama yɔɔ.

Efɛɛzɩ 4:2

iluzi mɩ-tɩ kpem nɛ ɩwɛɛ leleŋ nɛ ɩɖɔkɩ mɩ-hɔ. Ɩɖɔkɩ ɖama camɩyɛ nɛ sɔɔlɩm.

Efɛɛzɩ 5:21

Mbá mɩ ɩñaŋ Krɩstʋ yɔ, iluzi mɩ-tɩ ɖama tɛɛ.

Filiipu 2:14

Mbʋ́ pɩtɩŋa payɩ ɩlakɩ yɔ, ɩlabɩ-pʋ, ɛlɛ́, ɩtaamidi mi-liŋ tɛɛ nɛ ɩhɔŋnɩ ɖama tɔm.

Koloosi 3:12

Đama pʋtɔdɩyɛ naʋ siŋŋ nɛ camɩyɛ lakasɩ nɛ tɩ luzuu nɛ leleŋ wɛʋ nɛ hɔyɛ ɖɔkʋʋ, pɛkɛnɩ-mɩ wondu nɛ isuu. Mbʋ́ pʋyɔɔ yɔ, Ɛsɔ sɔɔlɩ-mɩ nɛ ɛlɩzɩ-mɩ se ɩkɛ ɛ-ñɩma.

Koloosi 3:8

Ɛlɛ́ lɛɛlɛɛyɔ, mɩ ɖɔɖɔ ɩhɔzɩ pɩtɩŋa: pana nɛ pana kadadaɣyaɣ nɛ kañatʋ nɛ tʋtʋ nɛ tɔm ɛzaɣ́tʋ ndʋ́ tɩlɩɣnɩ mɩ-nɔɔ taa yɔ patɩŋa payɩ nɛ ɩlɔ.

1 Timootee 6:4

pʋdʋ wɛ cɛjɛyɛ. Ɛtatɩlɩ nabʋyʋ kpem. Tɔm hɔm kʋdɔŋ kpa-ɩ nɛ ɛ nɛ lɛlaa poyou tɔm ndɩ ndɩ yɔɔ. Ḿbʋ́ kɔŋnɩnɩ ɛsɩsɛmɩyɛ nɛ pana nɛ tʋtʋ nɛ ɖama yɔɔ lɩmaɣza kɩdɛkɛdɛɛ ɖʋʋ.

1 Pɩyɛ 3:8

Ndʋ́ mɛntɛzɩɣnɩ yɔ lɛ se: mɩtɩŋa payɩ ɩwɛnɩ lɩmaɣza kʋɖʋma, ɩwɛnɩ ɖɔɖɔ hɔyɛ kʋɖʋmɖɩyɛ. Ɩsɔɔlɩ ɖama ɛzɩ Krɩstʋ ñɩma sɔɔlʋʋ ɖama yɔ. Ɩmaɣzɩ ɖama yɔɔ siŋŋ nɛ itisi mɩ-tɩ ɖama tɛɛ.

1 Pɩyɛ 5:5

Mɩ evebiya lɛ, ɩña Krɩstʋ ŋgbɛyɛ taa sɔsaa. Mɩtɩŋa payɩ itisi mɩ-tɩ ɖama tɛɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Ɛsɔ ɛɛnaɣ mbá pakpazɩɣ pa-tɩ yɔ nɛ ɛsɩyɛ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»