Filiipu 2:2 - New Testament

² Yee ḿbʋ́ ɩnɩɩnɩ ɖama siŋŋ nɛ man-taa tɛzɩ hʋlʋmʋʋ, ɩsɔɔlɩ ɖama nɛ ɩwɛnɩ hɔyɛ kʋɖʋmɖɩyɛ nɛ lɩmaɣza kʋɖʋmɛɛ.

Filiipu 2:2 ပူးပေါင်းရင်းမြစ်များ

Yohanɛɛsɩ 3:29

Ɩtɛm naʋ se weyi ɛkpaɣ halʋ yɔ, ɛnʋ lɛ halɩkpaɣyʋ. Meheyiɣ-mɩ se ma mɛwɛ ɛzɩ halɩkpaɣyʋ ɛgbaɣdʋ yɔ. Halɩkpaɣyʋ ɛgbaɣdʋ wɛɣ ɛ-cɔlɔ se ɛsɩnɩ-ɩ. Ɛ-taa hʋlʋmʋʋ siŋŋ alɩwaatʋ ndʋ́ ɛnɩɣ halɩkpaɣyʋ taŋ yɔ. Ḿbʋ́ ɖɔɖɔ man-taa tɛzɩ hʋlʋmʋʋ siŋŋ Weyi Ɛsɔ Lɩzaa Yɔ ɛ-yɔɔ.

Tʋma Labʋ 1:14

nɛ Yesu ɖoo Maarɩɩ nɛ halaa nabɛyɛ nɛ Yesu newaa abalaa ñɩma patɩŋa payɩ paalabɩ nɔɔ kʋɖʋmaɣ nɛ pekpeɣliɣ tam nɛ pɛsɛɣ Ɛsɔ.

Tʋma Labʋ 2:1

Pɩtalɩ Yuda ñɩma Kʋmtʋ Kazandʋ wiye lɛ, taabalaa tɩŋa payɩ kpeɣli ɖama ɖɩɣa nakɛyɛ taa.

Tʋma Labʋ 2:46

Panɩɣaɣnɩ ɖama kɩyakɩŋ tɩŋa nɛ papaŋ ɖama kpeɣluu Ɛsɔ ɖɩɣa taa. Pɔcɔwaɣ ɖama tɛ nɛ pɔtɔkɩ nɛ palakɩ tindine tayʋʋ sɔnzɩ nɛ laŋhʋlʋmɩyɛ yem fɛɛɛ.

Tʋma Labʋ 5:12

Ɛsɔ tɩŋaɣnɩ Yesu tiyiyaa yɔɔ nɛ ɛlakɩ hama lakasɩ sakɩyɛ nɛ ɛwɩlɩɣ ɛyáa kawɩlɩsɩ. Mbá pɛwɛnɩ lidaʋ yɔ, patɩŋa payɩ panɩɣaɣnɩ ɖama nɛ pekpeɣliɣ Ɛsɔ ɖɩɣa taa ɖenɖe payaɣ se Salomɔɔ Hɔɔlʋʋ yɔ.

Room 12:16

Ɩnɩɩnɩ ɖama camɩyɛ mi-wezuu caɣʋ taa. Ɩtaakpazɩ mɩ-tɩ, ɛlɛ́, ɩmaɣzɩ mbʋ́ patakpaɣ payaa pʋyʋ yɔ pʋ-yɔɔ. Ɩtaakpaɣ mɩ-tɩ se ɩkɛ lɔŋsɩnɖaa.

1 Kɔrɛntɩ 1:10

Taabalaa Yesu ŋgbɛyɛ taa ñɩma, meheyiɣ mɩtɩŋa payɩ nɛ ɖa-Kɩpaɣlʋ Yesu Krɩstʋ nɔɔ se ɩnɩɩnɩ ɖama camɩyɛ. Tayʋʋ nabʋyʋ ɛtaawɛɛ mɩ-hɛkʋ taa. Ɛlɛ́, ɩla nɔɔ kʋɖʋmaɣ nɛ ɩwɛnɩ lɩmaɣza kʋɖʋma.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 2:3

Pʋ-yɔɔ mama-mɩ takayaɣ lɛɛka ŋ́gá se mantalaa lɛ, mɔ-hɔyɛ ɛtaapɩsɩnɩ mbá pɩɩwɛɛ se peyele nɛ ma-laŋɩyɛ hʋlʋmɩ yɔ. Ŋgʋ́, manawa se mɩtɩŋa payɩ mɩ-laŋa hʋlʋmʋʋ alɩwaatʋ ndʋ́ ma-ñɩnɖɛ hʋlʋmʋʋ yɔ.

2 Kɔrɛntɩ 7:7

Pɩtɛkɛ ɛ-kɔm ɖeke hɛzɩnɩ ɖa-laŋa. Ɛkɛdɩ-ɖʋ ɖɔɖɔ ɛzɩma mbʋ́ ɩhɛzɩ ɛ-ñɩnɖɛ yɔ. Eheyi-ɖʋ se mi-liu wɛɛ kpem se ɩna-m, iwiɣ mɔ-yɔɔ nɛ ɩlʋkɩ. Ḿbʋ́ yebina nɛ man-taa tɛzɩ hʋlʋmʋʋ.

Filiipu 1:4

Alɩwaatʋ ndʋ́ tɩtɩŋa payɩ mɛnsɛɣ Ɛsɔ mɩtɩŋa mɩ-yɔɔ yɔ, mɛnsɛɣ-ɩ nɛ laŋhʋlʋmɩyɛ.

Filiipu 2:16

Miheyiɣni-wɛ tɔm ndʋ́ tɩhaɣ wezuu yɔ. Ḿbʋ́ yekina nɛ mankʋndɩ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ. Ḿbʋ́ wɩlɩɣnɩ toovenim se tʋmɩyɛ nɖɩ́ mañaɣ pana nɛ mala yɔ, ɖɩtɛkɛ falaa ñɩnɖɛ.

Filiipu 2:20

Mbʋ́ pʋyɔɔ yɔ, mbá patɩŋa payɩ pamaɣzɩɣ mɩ-yɔɔ yɔ, pa-taa lɛ, ma nɛ e-ɖeke koŋ ɖɩwɛnɩnɩ lɩmaɣza kʋɖʋmɛɛ nɛ ɖɩñɩnɩɣ mɩ-kɛzɛɣa.

Filiipu 4:2

Meheyiɣ Evoodi nɛ Sɛntiici se pɛwɛnɩ lɩmaɣza kʋɖʋmɛɛ pa nɛ Kɩpaɣlʋ pɛ-kpɛndʋʋ taa.

Koloosi 2:5

Paa mɛnfɛyɩ mɩ-hɛkʋ taa yɔ, mɛwɛɛ mamaɣzɩɣ mɩ-yɔɔ. Man-taa hʋlʋmaa, mbʋ́ pʋyɔɔ yɔ, manaɣ ɛzɩma mbʋ́ ɩwɛɛ ɩlakɩ ɛzɩ pʋmʋnaʋ yɔ nɛ ɩɖɔkʋʋ mɩ-tɩ siŋŋ mi-lidaʋ ŋgʋ́ ɩwɛnɩ Krɩstʋ yɔɔ yɔ kɩ-taa yɔ.

2 Tesalooniki 2:13

Piyele ɖa lɛ, pʋwɛɛ se ɖɩsa Ɛsɔ tam taabalaa mbá mɩ Kɩpaɣlʋ sɔɔlaa yɔ mɩ-yɔɔ. Mbʋ́ pʋyɔɔ yɔ, mɩ ɛcalɩ lɩzʋʋ se pɩtɩŋnɩ e-Fezuu Kiɖeɖeu ŋgʋ́ kɩpɩsɩɣ-mɩ cɩɖɩcɩɖɩ ñɩma yɔ nɛ lidaʋ ŋgʋ́ ɩwɛnɩ toovenim yɔɔ yɔ pɔ-yɔɔ nɛ ɛya mɩ-ñʋʋ.

2 Timootee 1:4

Mɔntɔzʋʋ ñe-wiluu yɔɔ nɛ piyele pɩlakɩ-m liu kpem se mantasɩ-ŋ naʋ nɛ ma-laŋɩyɛ tɛzɩ hʋlʋmʋʋ.

Fileemɔɔ 1:20

Hayɩ! Man-taabalʋ, mentendiɣ-ŋ se Kɩpaɣlʋ yɔɔ lɛ, labɩ-m tʋmɩyɛ ńɖɩ́. Đa nɛ Krɩstʋ ɖɛ-kpɛndʋʋ yɔɔ lɛ, hɛzɩ ma-laŋɩyɛ.

2 Yohanɛɛsɩ 1:4

Đo-ɖoo! Man-taa hʋlʋmaa pɩtɩɩfɛyɩ, mbʋ́ pʋyɔɔ yɔ, manɩwa se ñe-piya nasɩyɩ ɖɔŋ toovenim nʋmɔʋ taa nɛ sɩlakɩ ɛzɩ Caa ɖʋʋ se ɖɩla yɔ.

3 Yohanɛɛsɩ 1:4

Yee manɩwa se men-piya ɖɔŋ toovenim nʋmɔʋ taa yɔ, man-taa hʋlʋmʋʋ pɩtɩɩfɛyɩ. Nabʋyʋ fɛyɩ se pɩkɛdɩɣnɩ-m nɛ pɩkɩlɩ ḿbʋ́.