Filiipu 2:16 - New Testament

¹⁶ Miheyiɣni-wɛ tɔm ndʋ́ tɩhaɣ wezuu yɔ. Ḿbʋ́ yekina nɛ mankʋndɩ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ. Ḿbʋ́ wɩlɩɣnɩ toovenim se tʋmɩyɛ nɖɩ́ mañaɣ pana nɛ mala yɔ, ɖɩtɛkɛ falaa ñɩnɖɛ.

Filiipu 2:16 ပူးပေါင်းရင်းမြစ်များ

Maatiyee 10:27

Tɔm ndʋ́ meheyiɣ-mɩ mɛsaɣ tɛɛ yɔ, isusi-tʋ ɛyáa tɩŋa nɛ ndʋ́ mɛwɛɛtɩɣ-mɩ yɔ, isusi tʋtʋ paa le nɛ paa weyi ɛnɩɩ.

Luka 12:8

«Meheyiɣ-mɩ se weyi ɛkaɖɩɣ ɛyáa taa se mantɩnɩ-ɩ yɔ, Ɛyʋ Pɩyalʋ ma mankaɖɩɣ ɖɔɖɔ Ɛsɔ tiyiyaa ɛsɩndaa se mantɩnɩ-ɩ.

Yohanɛɛsɩ 6:63

Fezuu Kiɖeɖeu haɣnɩ wezuu. Ɛyʋ ɛɛpɩzɩɣ ɛla pʋyʋ. Tɔm ndʋ́ meheyi-mɩ yɔ, tɩ-yɔɔ kɩtɩŋɩɣna nɛ kɩhaɣ wezuu.

Yohanɛɛsɩ 6:68

Peeɖe Siimɔɔ Pɩyɛ cosi-i se: «Kɩpaɣlʋ! A-cɔlɔ ɖiwoki? Ñɔ-cɔlɔ tɔm ndʋ́ tɩhaɣ wezuu maatɛŋ yɔ tɩwɛɛ.

Tʋma Labʋ 13:26

Man-taabalaa, mbá mɩ ɩkɛ Abraham sayɩnaa nɛ mbá mɩ ɩwɛ cɩnɛ nɛ ɩñaŋ Ɛsɔ yɔ! Đa nɛ mɩ ɖatɩŋa peheyi ñʋʋ yabʋ tɔm tʋnɛ.

1 Kɔrɛntɩ 1:8

Ɛsɔ ɛnʋ ɛhaɣnɩ-mɩ ɖoŋ nɛ ɩɖɔkɩ mɩ-tɩ ḿbʋ́ ɛ-nʋmɔʋ taa nɛ pʋkɔɔ pɩsɩɩnɩ kɛtɛzaɣ wiye se pataana kɩdɛkɛdɩm nabʋyʋ mɩ-yɔɔ puwiye nɖɩ́ ɖa-Kɩpaɣlʋ Yesu Krɩstʋ kɔŋ yɔ.

1 Kɔrɛntɩ 9:26

Pʋ-yɔɔ menseɣ se mowolo ɖenɖe pʋwɛɛ se mowolo yɔ, maaseɣ yem. Mɛwɛ ɖɔɖɔ ɛzɩ weyi ɛlʋkɩ nɛ ɛɛlʋkɩ yem se pɔtɔm se palʋ yɔ.

Galaatɩ 2:2

Manpɩsɩ peeɖe, mbʋ́ pʋyɔɔ yɔ, Ɛsɔ wɩlɩnɩ-m se pʋwɛ se mala ḿbʋ́. Mantalaa lɛ, ma nɛ Krɩstʋ ŋgbɛyɛ ñʋndɩnaa ɖɩkɛzɩ ɖa-tɩ hɔɔlʋʋ nɛ malɩzɩ-wɛ Laŋhɛzɩyɛ Tɔm ndʋ́ meheyaɣ mbá pɛtɛkɛ Yuda ñɩma yɔ, tɩ-tɔbʋʋ. Mantaasɔɔlɩ se tʋmɩyɛ nɖɩ́ mɛntɛm labʋ yɔ nɛ nɖɩ́ mɔnɖɔŋ labʋ yɔ pala aleɣwondu.

Galaatɩ 4:11

Ḿbʋ́ yebina nɛ sɔɔndʋ kpaɣ-m se tʋmɩyɛ nɖɩ́ ɖɩtɩŋa malabɩ mɩ-hɛkʋ taa yɔ, ɖɩtaakɔɔ ɖɩla aleɣwondu.

Filiipu 1:10

nɛ ɩpɩzɩ ɩlɩzɩ mbʋ́ pɩkɩlɩ ɖeu yɔ. Ḿbʋ́ yekina nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ

Filiipu 1:6

Manawa se paa pɩɩla ɛzɩma yɔ, Ɛsɔ weyi ɛpazɩ tʋmɩyɛ kɩbanɖɛ mɩ-taa yɔ, ɛlakɩ-ɖɩ ḿbʋ́ nɛ ɛkɔɔ ɛtɛm-ɖɩ kɩyakʋ ŋgʋ́ Krɩstʋ Yesu kɔŋ yɔ.

1 Tesalooniki 2:19

Ŋgʋ́, mi-ɖeke koŋ ɖɩtaɣ liu, mɩ ɖa-taa hʋlʋmʋʋna. Mɩ ɖɔɖɔ lɛ ɖa-wabɩyɛ yʋsaɣ ŋgá ɖɩkʋndʋʋnɩ puwiye nɖɩ́ ɖa-Kɩpaɣlʋ Yesu pɩsɩɣ ɛkɔɔ yɔ.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.

Ebree 4:12

Mbʋ́ pʋyɔɔ yɔ, Ɛsɔtɔm wɛ wezuu nɛ tɩwɛɛ ɖoŋ ɖɔɖɔ. Tɩwɛ lɔŋ nɛ pɩkɩlɩ sɛsɩ nzɩ́ sɩwɛ lɔŋ cenje yɔ. Tɩsʋʋ ɛyʋ fɩŋ fɩŋ nɛ tɩtalɩ e-ciyam nɛ ɛ-kalɩzaɣ pa-ɖɩtanɛ nɛ tɩtayɩ-wɛ. Tɩtalɩɣ ɖɔɖɔ ɛ-mɔɔ nɛ a-taa num nɛ tɩtayɩ-wɛ. Ńdʋ́ tayɩɣnɩ ɖɔɖɔ ɛ-lɩmaɣza: kɩbana hɔɔlʋʋ nɛ kɩdɛkɛdɛɛ hɔɔlʋʋ.

1 Pɩyɛ 1:23

Mbʋ́ pʋyɔɔ yɔ, Ɛsɔtɔm ndʋ́ tɩwɛ tam nɛ tɩlakɩ ɛyáa tʋmɩyɛ yɔ, tɩ-yɔɔ pɩtɩŋnaa nɛ ihiɣ wezuu kɩfalʋʋ. Ḿbʋ́ pɩtɩŋnɩ mbʋ́ pɩɩsɩkɩ kaʋ yɔ pʋ-yɔɔ nɛ ihiɣ wezuu.

1 Yohanɛɛsɩ 1:1

Nabʋyʋ kɛwɛɛ nɛ pʋcɔ Ɛsɔ la kedeŋa, ɖɩnɩ pʋ-tɔm nɛ ɖɩna-pʋ nɛ ɖɛ-ɛsɛ nɛ ɖɩcɔnɩ-pʋ kpem, ɖitukuni-pʋ nɛ ɖe-nesi. Ḿbʋ́ lɛ Tɔm ndʋ́ tɩhaɣ wezuu yɔ.

Wɩlʋʋ 22:17

Fezuu Kiɖeɖeu nɛ Halɩmvalʋ pɔtɔŋ se: «Kɔɔ!» Weyi ɛnɩɣ yɔ, ɛtɔ ɖɔɖɔ se: «Kɔɔ!» Weyi lɔkɔtʋ ɖɔkɩ-ɩ yɔ, ɛkɔɔ: weyi e-liu wɛ wezuu lɩm yɔ, ecozi-pʋ falaa!