Filiipu 2:11 - New Testament

¹¹ pʋtɔ se Yesu Krɩstʋ lɛ Kɩpaɣlʋ se Caa Ɛsɔ hɩɖɛ ɛsɛɛ.

Filiipu 2:11 ပူးပေါင်းရင်းမြစ်များ

Maatiyee 10:32

Đɔɖɔ lɛ, Yesu yɔɔdaa se: «Yee nɔɔyʋ ɛkaɖɩ ɛyáa taa se mantɩnɩ-ɩ yɔ, mankaɖɩɣ man-Caa weyi ɛwɛ ɛsɔdaa yɔ ɛ-ɛsɩndaa ɖɔɖɔ se mantɩnɩ-ɩ.

Luka 2:11

Ńdʋ́ lɛ se palʋlɩ-mɩ Ñʋʋ Yaɖʋ ɖoó anɛ a-taa Daaviidi tɛ Bɛtlɛhɛm. Ɛnʋ lɛ Kɩpaɣlʋ, ɛnʋ lɛ Weyi Ɛsɔ Lɩzaa Yɔ.

Yohanɛɛsɩ 12:42

Paa ḿbʋ́ yɔ, Yuda ñɩma awiya maɣmaɣ taa sakɩyɛ kɛwɛnɩ lidaʋ Yesu yɔɔ. Ɛlɛ́, Farɩsɩ ñɩma yɔɔ lɛ, pataasusuu-tʋ. Pɩtɛkɛ ḿbʋ́, paɖaŋɩɣ-wɛ se pataatasɩ wobu Ɛsɔ ɖɩsɛyɛ taa.

Yohanɛɛsɩ 13:13

Ɩyaɣ-m se: ‹Wɩlɩyʋ› nɛ ‹Kɩpaɣlʋ.› Ɩwɛnɩ toovenim, mbʋ́ pʋyɔɔ yɔ, mɛnkɛ ḿbʋ́.

Yohanɛɛsɩ 13:14

Yee weyi ma mɛnkɛ mɩ-Kɩpaɣlʋ nɛ mɩ-Wɩlɩyʋ yɔ, mɔnkɔ mɩ-naŋgbanzɩ lɩm yɔ, pʋwɛɛ se mɩ ɖɔɖɔ, ɩkɔ ɖama naŋgbanzɩ.

Yohanɛɛsɩ 14:13

Mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ, malakɩ-pʋ se pɩtɩŋnɩ mɔ-yɔɔ nɛ man-Caa hɩɖɛ sɛɛ.

Yohanɛɛsɩ 14:23

Yesu cosi-i se: «Weyi ɛsɔɔlɩ-m yɔ, ɛɖɔŋ mɔn-tɔm yɔɔ. Man-Caa sɔɔlʋʋ-ɩ nɛ ma nɛ ɩ ɖiwolo ɖɩwɛɛ pʋdʋ tɛ.

Yohanɛɛsɩ 17:1

Yesu tɛm yɔɔdɩnaʋ ɛ-tɔmkpɛlɩkɩyaa lɛ, ɛkpazɩ ɛsɛ ɛsɔdaa nɛ ɛtɔ se: «Caa! Alɩwaatʋ talaa. Yele nɛ ña-Pɩyalʋ ma, ma-hɩɖɛ sɛɛ nɛ meyele ɖɔɖɔ ña-ñɩnɖɛ sɛɛ.

Yohanɛɛsɩ 20:28

Peeɖe Tomaa cosi-i se: «Man-Kɩpaɣlʋ! Mɛ-Ɛsɔ!»

Yohanɛɛsɩ 5:23

nɛ piyele patɩŋa paɖʋ Ɛsɔ Pɩyalʋ hɩɖɛ ɛzɩ paɖʋʋ Caa Ɛsɔ yɔ. Weyi ɛɛɖʋʋ Ɛsɔ Pɩyalʋ hɩɖɛ yɔ, ɛɛɖʋʋ-ɖɩ ɖɔɖɔ Caa Ɛsɔ weyi etiyi-i yɔ.

Yohanɛɛsɩ 9:22

Sɔɔndʋ kpaɣaɣ-wɛ nɛ Yuda ñɩma awiya yɔɔ pɔyɔɔdaɣ ḿbʋ́. Mbʋ́ pʋyɔɔ yɔ, paanɩnɩ ɖama se: «Yee nɔɔyʋ ɛyɔɔdaa se Yesu lɛ Weyi Ɛsɔ Lɩzaa Yɔ yɔ, paɖaŋɩɣ-ɩ se ɛtaatasɩ wobu Ɛsɔ ɖɩsɛyɛ taa.»

Tʋma Labʋ 10:36

Ɩtɩlɩ se Ɛsɔ tiyini Yesu Krɩstʋ se ɛkɔɔ eheyi Izrɛɛlɩ ñɩma Laŋhɛzɩyɛ Tɔm. Yesu Krɩstʋ ɛnʋ lɛ ɛyáa tɩŋa payɩ Kɩpaɣlʋ.

Tʋma Labʋ 2:36

Pʋ-yɔɔ lɛ, pʋwɛɛ se Izrɛɛlɩ ñɩma mɩ mɩtɩŋa, ɩnɩɩ ɖeu se: Yesu weyi ɩkam-ɩ kaamaŋkaɣ yɔɔ yɔ, ɛnʋ lɛ Weyi Ɛsɔ Lɩzaa nɛ ɛkɛ Kɩpaɣlʋ yɔ!»

Room 14:11

Mbʋ́ pʋyɔɔ yɔ, pama Ɛsɔtɔm Takayaɣ taa se: «Ma Kɩpaɣlʋ lɛ, mankaɖɩɣ kpayɩ se: ɛyáa tɩŋa payɩ kaɣ luŋuu mɛn-tɛɛ nɛ paa weyi ɛyɔɔdɩ nɛ pʋkʋyɩ ɛsɔdaa se ma lɛ Ɛsɔ.»

Room 14:9

Mbʋ́ pʋyɔɔ yɔ, Krɩstʋ sɩba nɛ efe se ɛkɛ sɩɖaa nɛ ɛsɛ ñɩma pa-Kɩpaɣlʋ.

Room 15:9

Ɛkɔm ɖɔɖɔ se mbá pɛtɛkɛ Yuda ñɩma yɔ, pasa Ɛsɔ ɛ-pʋtɔdɩyɛ naʋ yɔɔ ɛzɩ pamaʋ Ɛsɔtɔm Takayaɣ taa yɔ. Pamawa se: «Pʋ-yɔɔ lɛ, mankaɣ-ŋ sam ɛyáa tɩŋa hɛkʋ taa nɛ mentee hendu nɛ manɖʋ-ŋ hɩɖɛ.»

1 Kɔrɛntɩ 12:3

Pʋ-yɔɔ mankaɖɩɣ-mɩ se: nɔɔyʋ fɛyɩ se ɛyɔɔdʋʋnɩ Fezuu Kiɖeɖeu ɖoŋ nɛ ɛtɛ ɛtɔ se: «Ɛsɔ ɛwɩlɩ Yesu kpalʋʋ.» Nɔɔyʋ ɛɛpɩzɩɣ ɛyɔɔdɩ ɖɔɖɔ se: «Yesu lɛ Kɩpaɣlʋ» nɛ pɩtatɩŋnɩ Fezuu Kiɖeɖeu yɔɔ.

1 Kɔrɛntɩ 15:47

Tɛtʋ pamanɩ kajalaɣ ɛyʋ nɛ ɛkɛ kedeŋa yɔɔ ñɩnʋ. Naalɛ tʋ yɔ, ɛ́lɛ́ ñalɩnɩ ɛsɔdaa.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Yohanɛɛsɩ 4:15

Yee nɔɔyʋ ɛkaɖɩ kpayɩ se Yesu lɛ Ɛsɔ Pɩyalʋ yɔ, pɩwɩlɩɣ se ɛ nɛ Ɛsɔ pɛwɛ ɖama taa.

1 Yohanɛɛsɩ 4:2

Mbʋ́ ɩpɩzɩɣ ɩnana se toovenim Fezuu Kiɖeɖeu wɛ nɔɔyʋ cɔlɔ yɔ lɛ se: yee nɔɔyʋ ɛkaɖɩ kpayɩ se Yesu Krɩstʋ pɩsɩ ɛyʋ nɛ ɛkɔɔ kedeŋa yɔɔ yɔ, pɩwɩlɩɣ se Fezuu Kiɖeɖeu ŋ́gʋ́ kɩwɛ pʋdʋ cɔlɔ.

2 Yohanɛɛsɩ 1:7

Meheyiɣ-mɩ ḿbʋ́, mbʋ́ pʋyɔɔ yɔ, cɛtɩyaa sakɩyɛ lɩ kedeŋa yɔɔ nɛ paakaɖɩɣ kpayɩ se toovenim Yesu Krɩstʋ pɩsɩ ɛyʋ nɛ ɛkɔɔ kɔ-yɔɔ. Yee nɔɔyʋ ɛlakɩ ḿbʋ́ yɔ, pʋdʋ kɛ cɛtɩyʋ nɛ ɛtɛ ɛkɛ Krɩstʋ koyindu.

Wɩlʋʋ 3:5

‹Weyi ɛwakɩ yɔ, ɛkɔŋ suu wondu kʋhʋlʋmʋtʋ ḿbʋ́. Maahɩzɩɣ ɛ-hɩɖɛ wezuu takayaɣ taa. Mɔnkɔŋ kaɖʋʋ man-Caa nɛ e-tiyiyaa pɛ-ɛsɩndaa se pʋdʋ kɛ ma-ñɩnʋ.