Filiipu 2:1 - New Testament

¹ Manawa se mɩ nɛ Krɩstʋ mɩ-kpɛndʋʋ yeki nɛ ɩkpa ɖoŋ nɛ ɛ-sɔɔlɩm ñeyele nɛ pɩlabɩ-mɩ hʋnʋm. Manawa ɖɔɖɔ se mɩ nɛ Fezuu Kiɖeɖeu ɩlabɩ nɔɔ kʋɖʋmaɣ nɛ ɩsɔɔlɩ ɖama nɛ ɩnaɣ ɖama pʋtɔdɩyɛ.

Filiipu 2:1 ပူးပေါင်းရင်းမြစ်များ

Luka 2:25

Alɩwaatʋ ńdʋ́ lɛ, abalʋ nɔɔyʋ wɛ Yeruusalɛm, payaɣ-ɩ se Siimeyɔɔ. Ɛɛkɛ ɛyʋ kʋtʋʋzʋ nɛ ɛlakɩ mbʋ́ Ɛsɔ liu wɛɛ yɔ. Ɛɛɖaŋ weyi ɛkɔŋ hɛzʋʋ Izrɛɛlɩ ñɩma laŋa yɔ. Fezuu Kiɖeɖeu kɛwɛ ɛ-cɔlɔ

Yohanɛɛsɩ 14:18

Maayeki-mɩ mi-ɖeke ɛzɩ solisi yɔ, mankaɣ pɩsʋʋ mɩ-cɔlɔ.

Yohanɛɛsɩ 14:27

Meyeki nɛ ɩwɛɛ laŋhɛzɩyɛ taa, mɛhɛzɩɣnɩ mɩ-laŋa. Maahɛzɩɣ-yɛ ɛzɩ kedeŋa ñɩma hɛzʋʋ yɔ. Mɩ-laŋa ɛtaawɛɛkɩ, sɔɔndʋ ɛtaakpa-mɩ.

Yohanɛɛsɩ 17:13

Ɛlɛ́, lɛɛlɛɛyɔ mɔnkɔŋ ñɔ-cɔlɔ. Mɛwɛ kedeŋa yɔɔ yɔɔ mɔyɔɔdʋʋ ḿbʋ́ se pa-taa ɛtɛzɩ hʋlʋmʋʋ ɛzɩ ma yɔ.

Tʋma Labʋ 2:46

Panɩɣaɣnɩ ɖama kɩyakɩŋ tɩŋa nɛ papaŋ ɖama kpeɣluu Ɛsɔ ɖɩɣa taa. Pɔcɔwaɣ ɖama tɛ nɛ pɔtɔkɩ nɛ palakɩ tindine tayʋʋ sɔnzɩ nɛ laŋhʋlʋmɩyɛ yem fɛɛɛ.

Tʋma Labʋ 4:32

Ɛyáa samaɣ ŋgá kaawɛnɩ lidaʋ yɔ, kaalabɩ nɔɔ kʋɖʋmaɣ nɛ kɛwɛnɩ lɩmaɣza kʋɖʋmɛɛ. Ka-taa nɔɔyʋ taamaɣzɩɣ ɛ-ñɩm yɔɔ se e-ɖeke ɛtɩnɩ-pʋ. Ɛlɛ́, mbʋ́ paa weyi ɛwɛna yɔ, pɩɩkɛ patɩŋa pa-ñɩm.

Room 5:5

Ŋgʋ́, liu taʋ ḿbʋ́, piipeɣziɣ-ɖʋ. Mbʋ́ pʋyɔɔ yɔ, Ɛsɔ tɩŋnɩ e-Fezuu Kiɖeɖeu ŋgʋ́ ɛha-ɖʋ yɔ kɩ-yɔɔ nɛ ɛɖʋ ɛ-sɔɔlɩm ɖa-taa.

Room 8:26

Ḿbʋ́ ɖɔɖɔ pʋwɛɛ, Fezuu Kiɖeɖeu kɔŋ se kɩsɩnɩ-ɖʋ ɖɛ-ɛjandʋ taa. Mbʋ́ pʋyɔɔ yɔ, ɖɩɩsɩŋ mbʋ́ pʋmʋnaa se ɖɩpɔzɩ ɖɛ-Ɛsɔ sɛʋ taa yɔ. Ɛlɛ́, Fezuu Kiɖeɖeu maɣmaɣ sɛɣ-ɩ nɛ ɖɔ-nɔɔ nɛ kisisiɣ ɛzɩma mbʋ́ pɩfɛyɩ yɔɔdʋʋ yɔ.

1 Kɔrɛntɩ 12:13

Mbʋ́ pʋyɔɔ yɔ, Fezuu Kiɖeɖeu kʋɖʋmʋʋ ŋ́gʋ́ kɩ-yɔɔ pɩtɩŋnaa nɛ pala ɖatɩŋa payɩ lɩm sɔʋ sɔnzɩ nɛ ɖɩpɩsɩ tomnaɣ kʋɖʋmaɣ. Paa ɖɩkɛ Yuda ñɩma yaa mbá pɛtɛkɛ Yuda ñɩma yɔ, yaa yomaa yaa mbá pɛwɛ pa-tɩ yɔɔ yɔ, ɖatɩŋa payɩ Fezuu kʋɖʋmʋʋ ŋ́gʋ́ kɩ-lɩm ɖɩñɔwa.

1 Kɔrɛntɩ 15:31

Taabalaa, ɛzɩma mbʋ́ mankʋndʋʋnɩ-mɩ ma nɛ Kɩpaɣlʋ Yesu Krɩstʋ ɖɛ-kpɛndʋʋ taa yɔ, ḿbʋ́ ɖɔɖɔ mɛwɛ sɩm nɔɔ taa paa ɖooye.

1 Kɔrɛntɩ 3:16

Ɩtatɩlɩ se ɩwɛ ɛzɩ Ɛsɔ ɖɩɣa ŋgá e-Fezuu Kiɖeɖeu wɛ ka-taa yɔ yaa we?

2 Kɔrɛntɩ 2:14

Pʋwɛɛ se ɖɩsa Ɛsɔ se eyeba pɩtɩŋna ɖa nɛ Krɩstʋ ɖɛ-kpɛndʋʋ yɔɔ nɛ ɖɩwakɩ tam. Mbʋ́ pʋyɔɔ yɔ, eyeki se pɩtɩŋnɩ ɖɔ-yɔɔ nɛ ɛyáa sɩm-ɩ paa le ɛzɩ tɩlaaɖɩ sɔzɩŋ ñɛyʋʋ yɔ.

Galaatɩ 4:6

Mbʋ́ pɩwɩlɩɣ se ɖɩkɛ e-piya siŋŋ yɔ lɛ se eyeba nɛ ɛ-Pɩyalʋ Fezuu sʋʋ ɖa-taa nɛ kɩyɔɔdʋʋ se: «Man-Caa!»

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Filiipu 1:8

Ɛsɔ na sɔɔlɩm mbʋ́ mɔnsɔɔlɩ mɩtɩŋa siŋŋ yɔ. Ḿbʋ́ lɛ Krɩstʋ Yesu sɔɔlɩm kpem.

Filiipu 3:3

Mbʋ́ pʋyɔɔ yɔ, ɖɛkɛnɩ mbá pɛpɛlɩ-wɛ siŋŋ yɔ, pɩtɛkɛ ḿbá. Fezuu Kiɖeɖeu yɔɔ ɖɩtɩŋɩɣna nɛ ɖiluŋuu ɛ-tɛɛ nɛ ɖɩkʋndʋʋnɩ Yesu Krɩstʋ. Đɩɩtaɣ tomnaɣ yɔɔ pɛlʋʋ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

Koloosi 3:12

Đama pʋtɔdɩyɛ naʋ siŋŋ nɛ camɩyɛ lakasɩ nɛ tɩ luzuu nɛ leleŋ wɛʋ nɛ hɔyɛ ɖɔkʋʋ, pɛkɛnɩ-mɩ wondu nɛ isuu. Mbʋ́ pʋyɔɔ yɔ, Ɛsɔ sɔɔlɩ-mɩ nɛ ɛlɩzɩ-mɩ se ɩkɛ ɛ-ñɩma.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

1 Yohanɛɛsɩ 3:24

Weyi ɛɖɔŋ Ɛsɔ paɣtʋ yɔɔ yɔ, ɛ nɛ ɩ pɛwɛ ɖama taa. E-Fezuu Kiɖeɖeu ŋgʋ́ ɛha-ɖʋ yɔ, ŋ́gʋ́ wɩlɩɣnɩ-ɖʋ se ɖa nɛ ɩ ɖɩwɛ ɖama taa.

1 Yohanɛɛsɩ 4:12

Nɔɔyʋ tana Ɛsɔ wiɖiyi kaʋ. Ɛlɛ́, yee ɖɩsɔɔlɩ ɖama yɔ, pɩwɩlɩɣ se ɖa nɛ ɩ ɖɩkpɛndaa nɛ ɛ-sɔɔlɩm wɛɛ ɖa-taa siŋŋ.

1 Yohanɛɛsɩ 4:16

Đa lɛ, ɖɩna ɛzɩma mbʋ́ Ɛsɔ sɔɔlɩ-ɖʋ yɔ nɛ ɖitisi-pʋ. Ɛsɔ lɛ sɔɔlɩm tʋ, weyi ɛwɛɛ ɛsɔɔlʋʋ Ɛsɔ nɛ ɛyáa lɛlaa yɔ, pɩwɩlɩɣ se ɛ nɛ Ɛsɔ pɛwɛ ɖama taa.