Filiipu 1:7 - New Testament

⁷ Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Filiipu 1:7 ပူးပေါင်းရင်းမြစ်များ

Tʋma Labʋ 20:23

Ndʋ́ manawa yɔ lɛ se: paa tɛtʋ ndʋ́ tɩ-taa mantalaa yɔ, Fezuu Kiɖeɖeu wɩlɩɣ-m nɛ kiheyiɣ-m se salaka nɛ kʋñɔŋ sɔsɔʋ pɩtɛŋnɩ-m.

Tʋma Labʋ 21:33

Peeɖe sɔɔjanaa ñʋʋdʋ ɛnʋ etuzi ɛ-tɩ Pɔɔlɩ cɔlɔ nɛ ɛha nɔɔ se pakpa-ɩ pɔhɔkɩ-ɩ yoŋgbasɩ naalɛ. Pɛtɛm-ɩ hɔkʋʋ lɛ, ɛpɔzɩ se: ɛnʋ lɛ anɩ? Ɛbɛ ɛlaba?

1 Kɔrɛntɩ 13:7

Etisiɣ pɩtɩŋa payɩ, ɛwɛnɩ lidaʋ pɩtɩŋa pɩ-taa, ɛtaɣ liu se pɩtɩŋa payɩ pʋkɔŋ labʋ, ɛɖɔkʋʋ ɛ-tɩ pɩtɩŋa pɩ-taa.

1 Kɔrɛntɩ 9:23

Malakɩ pɩtɩŋa payɩ ḿbʋ́ Laŋhɛzɩyɛ Tɔm yɔɔ se mehiɣ ɖɔɖɔ ñɩm mbʋ́ pʋwɛ tɩ-taa yɔ.

2 Kɔrɛntɩ 3:2

Mɩ-maɣmaɣ ɩwɛ ɛzɩ takayaɣ ŋgá Krɩstʋ mawa yɔ. Ŋ́gá wɩlɩɣnɩ ɛyáa mbʋ́ ɖɩkɛnaa yɔ. Kɛwɛ ɖa-laŋa taa. Ɛyáa tɩŋa payɩ pɩzɩɣ pasɩm-kɛ nɛ pakalɩ-kɛ.

2 Kɔrɛntɩ 7:3

Maayɔɔdʋʋ ḿbʋ́ se mankʋ mɩ-tɔm. Mbʋ́ pʋyɔɔ yɔ, ɛzɩ mɛntɛm yɔɔdʋʋ yɔ, paa pʋwɛɛ se ɖa nɛ mɩ ɖɩsɩ yaa ɖɩwɛɛ wezuu yɔ, ɖɩsɔɔlɩ-mɩ siŋŋ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 6:20

Ńdʋ́ Ɛsɔ tiyi-m se monsusi, tɩ-yɔɔ mɛwɛ salaka taa yɔ. Itendi-i nɛ manpɩzɩ monsusi-tʋ kaalɛyɩtʋ ɛzɩ pʋpɔzʋʋ yɔ.

Filiipu 1:12

Taabalaa! Mancaɣ se ɩtɩlɩ se mbʋ́ pɩtalɩ-m yɔ, halɩ piyeba nɛ ɖɩtɛzɩɣ Laŋhɛzɩyɛ Tɔm susuu.

Filiipu 1:13

Ḿbʋ́ yebina nɛ wiyaʋ sɔsɔ ɖɩɣa yɔɔ ɖaŋɩyaa nɛ ɛyáa lɛlaa, patɩŋa payɩ patɩlɩ se malakɩ Krɩstʋ tʋmɩyɛ yɔɔ paɖʋ-m salaka.

Filiipu 1:14

Đɔɖɔ lɛ, mbá pɛkɛ ɖa-taabalaa pa nɛ Kɩpaɣlʋ pɛ-kpɛndʋʋ yɔɔ yɔ, pa-taa sakɩyɛ nawa se mɛwɛ salaka taa lɛ, pɩlabɩ-wɛ hʋnʋm nɛ pɛtɛzɩɣ susuu Ɛsɔtɔm kaalɛyɩtʋ.

Filiipu 1:5

Mbʋ́ pʋyɔɔ yɔ, kpaɣ kɩyakʋ ŋgʋ́ ɩpɩsɩ Krɩstʋ ñɩma yɔ, ɩwɛ sɩnaʋ yɔɔ nɛ pʋkɔɔ pɩsɩɩnɩ alɩwaatʋ tʋnɛ nɛ ɛ-Laŋhɛzɩyɛ Tɔm tɛzɩɣ cɔʋ.

Filiipu 2:22

Piyele ɛnʋ lɛ, ɩtɛm sɩm ɛ-yɔɔ se ɛlakɩ mbʋ́ ɛɖʋwa se ɛlakɩ yɔ: ɛsɩnɩ-m nɛ ma nɛ ɩ ɖɩla tʋmɩyɛ ɛzɩ pɩɣa nɛ ka-caa yɔ nɛ Laŋhɛzɩyɛ Tɔm tɛzɩɣ cɔʋ.

Filiipu 4:14

Paa ḿbʋ́ yɔ, ɩlabɩ ɖeu nɛ ɩsɩnɩ-m man-kʋñɔmɩŋ taa.

Filiipu 4:15

Mɩ Filiipu Krɩstʋ ñɩma lɛ, mɩ-maɣmaɣ ɩtɛm naʋ se: alɩwaatʋ ndʋ́ papazɩ Laŋhɛzɩyɛ Tɔm susuu Masedonii nɛ mankʋyɩ se menkpeŋ yɔ, mɩ-ŋgbɛyɛ taa ñɩma ɖeke kasɩnɩnɩ-m. Yee ḿbʋ́, ma nɛ mɩ ɖe-ɖeke koŋ ɖɩsɩnɩnɩ ɖama.

Filiipu 4:3

Piyele weyi ña ŋkɛ man-taabalʋ siŋŋ tʋmɩyɛ taa yɔ, mentendiɣ-ŋ ɖɔɖɔ se ŋsɩnɩ-wɛ. Mbʋ́ pʋyɔɔ yɔ, ma nɛ wɛ ɖɩlʋbɩnɩ Laŋhɛzɩyɛ Tɔm yɔɔ nɛ pɩkpɛndɩnɩ Klemaɣ nɛ taabalaa lɛlaa mbá pa-hɩla wɛ wezuu takayaɣ taa yɔ patɩŋa payɩ.

Koloosi 4:18

Ma Pɔɔlɩ, ma-maɣmaɣ mamaɣnɩ tɔm pee anɛ nɛ me-nesi. Ana lɛ se: mɛnsɛ-mɩ. Ɩtɔzɩ se mɛwɛ salaka taa. Ɛsɔ ɛlabɩ-mɩ lootiye!

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

1 Tesalooniki 5:5

Toovenim lɛ, mɩtɩŋa payɩ ɩkɛ wɩsɩ nɛ ñalɩmɩyɛ pa-taa ñɩma. Đɩtɛkɛ ɖoó taa yaa cɩkpɛndʋʋ tɛɛ ñɩma.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

2 Timootee 2:9

Tɩ-yɔɔ malakɩ kʋñɔŋ, halɩ paɖɩ-m yoŋgbasɩ ɛzɩ kɩdɛkɛdɩm laɖʋ nɔɔyʋ yɔ. Ɛlɛ́, pataɖɩ Ɛsɔtɔm yoŋgbasɩ.

Fileemɔɔ 1:13

Weyi ma paɖʋ-m salaka Laŋhɛzɩyɛ Tɔm susuu yɔɔ yɔ, me-liu kɛwɛɛ se mansɩɩ-ɩ mɔn-cɔlɔ nɛ ɛlabɩ-m tʋmɩyɛ ño-lone taa.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

1 Pɩyɛ 4:13

Ɛlɛ́, pʋwɛɛ se mɩ-laŋa ɛhʋlʋmɩ se mɩ nɛ Krɩstʋ ɩtɔkɩnɩ kʋñɔŋ. Mbʋ́ pʋyɔɔ yɔ, ḿbʋ́ yekina nɛ mɩ-laŋa tɛzɩ hʋlʋmʋʋ ɖɔɖɔ siŋŋ puwiye nɖɩ́ ɛlɩzɩɣ e-koboyaɣ nɛ ɛwɩlɩ ɛyáa yɔ.

1 Pɩyɛ 5:1

Lɛɛlɛɛyɔ, mɔyɔɔdʋʋnɩ mɩ-taa mbá pɛkɛ Krɩstʋ ŋgbɛyɛ taa sɔsaa yɔ. Ma ɖɔɖɔ mɛnkɛ ɖɩ-taa sɔsɔ. Mananɩ mɛ-ɛsɛ kʋñɔŋ ŋgʋ́ Krɩstʋ tɔwaa yɔ. Ɛsɔ kɔŋ-m haʋ ɖɔɖɔ koboyaɣ ŋgá ɛkɔŋ lɩzʋʋ nɛ ɛwɩlɩ-ɖʋ yɔ. Pʋ-yɔɔ meheyiɣ-mɩ se:

2 Pɩyɛ 1:13

Manawa se pʋmʋnaa se mɛwɛɛ mɔntɔzʋʋ-mɩ tɔm ńdʋ́ alɩwaatʋ ndʋ́ mɛwɛnɩ mɛ-ɛsɛ yɔ. Malakɩ ḿbʋ́ se ɩtaaɖoo tɩ-yɔɔ.

1 Yohanɛɛsɩ 3:14

Đa lɛ, ɖɩna ɖeu se ɖɩlɩ sɩm taa nɛ ɖihiɣ wezuu, mbʋ́ pɩwɩlɩɣ-pʋ yɔ lɛ se ɖɩsɔɔlɩ ɖa-taabalaa. Weyi ɛtɔsɔɔlɩ ɛ-taabalʋ yɔ, ɛkpɛndɩ ɛwɛ sɩm taa.