Filiipu 1:6 - New Testament

⁶ Manawa se paa pɩɩla ɛzɩma yɔ, Ɛsɔ weyi ɛpazɩ tʋmɩyɛ kɩbanɖɛ mɩ-taa yɔ, ɛlakɩ-ɖɩ ḿbʋ́ nɛ ɛkɔɔ ɛtɛm-ɖɩ kɩyakʋ ŋgʋ́ Krɩstʋ Yesu kɔŋ yɔ.

Filiipu 1:6 ပူးပေါင်းရင်းမြစ်များ

Yohanɛɛsɩ 6:29

Ecosi-wɛ se: «Tʋmɩyɛ nɖɩ́ Ɛsɔ liu wɛɛ se ɩla yɔ lɛ se ɩwɛnɩ lidaʋ weyi ma etiyaa yɔ mɔ-yɔɔ.»

Tʋma Labʋ 11:18

Panɩ tɔm ńdʋ́ lɛ, pɛhɛzɩ pa-tɩ nɛ pasaŋ Ɛsɔ se: «Yee ḿbʋ́, Ɛsɔ yebi ɖɔɖɔ se halɩ mbá pɛtɛkɛ Yuda ñɩma yɔ, pɛlɛɣzɩ wɛtʋ nɛ pehiɣ wezuu!»

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

1 Kɔrɛntɩ 1:8

Ɛsɔ ɛnʋ ɛhaɣnɩ-mɩ ɖoŋ nɛ ɩɖɔkɩ mɩ-tɩ ḿbʋ́ ɛ-nʋmɔʋ taa nɛ pʋkɔɔ pɩsɩɩnɩ kɛtɛzaɣ wiye se pataana kɩdɛkɛdɩm nabʋyʋ mɩ-yɔɔ puwiye nɖɩ́ ɖa-Kɩpaɣlʋ Yesu Krɩstʋ kɔŋ yɔ.

2 Kɔrɛntɩ 1:15

Maatɛm naʋ siŋŋ se ɩnɩɣnɩ-m yɔɔ maaɖʋwa se mancalɩɣnɩ mɩ-tɛ kɔm nɛ mɩ-laŋa hʋlʋmɩ nabʋlɛ.

2 Kɔrɛntɩ 2:3

Pʋ-yɔɔ mama-mɩ takayaɣ lɛɛka ŋ́gá se mantalaa lɛ, mɔ-hɔyɛ ɛtaapɩsɩnɩ mbá pɩɩwɛɛ se peyele nɛ ma-laŋɩyɛ hʋlʋmɩ yɔ. Ŋgʋ́, manawa se mɩtɩŋa payɩ mɩ-laŋa hʋlʋmʋʋ alɩwaatʋ ndʋ́ ma-ñɩnɖɛ hʋlʋmʋʋ yɔ.

2 Kɔrɛntɩ 7:16

Pʋ-yɔɔ man-taa hʋlʋmɩ poyi poyi, mbʋ́ pʋyɔɔ yɔ, manpɩzɩɣ mantaa-mɩ liu pɩtɩŋa pɩ-taa.

2 Kɔrɛntɩ 9:4

Pɩtɛkɛ ḿbʋ́ yɔ, yee ma nɛ Masedonii ñɩma ɖɩkɔm ɖɩmaɣnɩ-mɩ nɛ ɩtɔñɔɔzɩdɩ haɖɛ ńɖɩ́ yɔ, fɛyɛ kpaɣ-ɖʋ liu ŋgʋ́ ɖɩɩta-mɩ yɔ kʋ-yɔɔ. Pɩkpaɣ-mɩ ɖɔɖɔ.

Galaatɩ 5:10

Paa ḿbʋ́ yɔ, Kɩpaɣlʋ yɔɔ lɛ, mantaɣ-mɩ liu se ɩkɔŋ maɣzʋʋ ɖɔɖɔ ɛzɩ ma yɔ. Ɛlɛ́, weyi eliɣtiɣ-mɩ ḿbʋ́ yɔ, paa ɛtɩɩkɛ anɩ yɔ, Ɛsɔ kɔŋ hɔm ɛ-nɩŋgbaaŋ.

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Filiipu 1:10

nɛ ɩpɩzɩ ɩlɩzɩ mbʋ́ pɩkɩlɩ ɖeu yɔ. Ḿbʋ́ yekina nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ

Filiipu 1:29

Ɛsɔ ha-mɩ se ɩwɛnɩ lidaʋ Krɩstʋ yɔɔ nɛ ɩtɛ ɩtɔɔ kʋñɔŋ ɛ-yɔɔ ɖɔɖɔ

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Filiipu 2:13

Toovenim lɛ, Ɛsɔ yekina se itisi nɛ ɩla tʋmɩyɛ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ.

Filiipu 2:16

Miheyiɣni-wɛ tɔm ndʋ́ tɩhaɣ wezuu yɔ. Ḿbʋ́ yekina nɛ mankʋndɩ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ. Ḿbʋ́ wɩlɩɣnɩ toovenim se tʋmɩyɛ nɖɩ́ mañaɣ pana nɛ mala yɔ, ɖɩtɛkɛ falaa ñɩnɖɛ.

Koloosi 2:12

Palabʋ-mɩ lɩm sɔʋ sɔnzɩ yɔ, mɩ nɛ Krɩstʋ pepima. Mɩ nɛ ɩ ifemna ɖɔɖɔ, mbʋ́ pʋyɔɔ yɔ, ɩwɛnɩ lidaʋ ɖoŋ weyi Ɛsɔ fezini-i nɛ sɩɖaa taa yɔ ɛ-yɔɔ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

2 Tesalooniki 1:11

Pʋ-yɔɔ ɖɩwɛɛ ɖɩsɛɣ ɖɛ-Ɛsɔ mɩ-yɔɔ se eyele nɛ ɩmʋnɩ mbʋ́ pʋ-yɔɔ ɛya-mɩ yɔ. Đɩsɛɣ-ɩ ɖɔɖɔ se ɛtɩŋnɩ e-ɖoŋ yɔɔ nɛ eyele ɩla camɩyɛ lakasɩ nzɩ́ sɩtɩŋa payɩ ɩɖʋwa yɔ nɛ ɩtɛzɩ wɛʋ kpekpeka mi-lidaʋ wɛnaʋ taa.

2 Tesalooniki 3:4

Đa nɛ Kɩpaɣlʋ ɖɛ-kpɛndʋʋ yɔɔ lɛ, ɖɩtaɣ-mɩ liu se ɩɖɔŋ labʋ ɛzɩ ɖɩkam mɩ-ñʋʋ taa yɔ, halɩ ɩwɛɣ pɩ-labʋ yɔɔ ḿbʋ́.

Fileemɔɔ 1:21

Mamaɣʋ-ŋ takayaɣ kanɛ yɔ, mantaɣ liu se ŋlakɩ mbʋ́ mɔnpɔzɩ-ŋ yɔ. Halɩ ŋlakɩ nɛ pɩkɩlɩ ḿbʋ́.

Ebree 10:35

Pʋ-yɔɔ lɛ, ɩtaalɔ liu: ɩkɔŋ hiɣu kɩhɛyʋʋ sɔsɔʋ.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

2 Pɩyɛ 3:10

Kɩyakʋ ŋgʋ́ Kɩpaɣlʋ kɔŋ yɔ, pʋwɛɣ ɛzɩ mɩ́lʋ́ kɔŋʋʋ yɔ. Puwiye ńɖɩ́ lɛ, pɩyakɩ kɔkɔɖɛ sɔsɔɖɛ naɖɩyɛ siŋŋ nɛ ɛsɔdaa mʋʋ́ʋ. Miŋ ñakɩ mbʋ́ pʋwɛ ɛsɔdaa yɔ. Tɛtʋ nɛ mbʋ́ pɩtɩŋa payɩ pʋwɛ tɩ-yɔɔ yɔ, paatasɩɣ wɛʋ.