Filiipu 1:5 - New Testament

⁵ Mbʋ́ pʋyɔɔ yɔ, kpaɣ kɩyakʋ ŋgʋ́ ɩpɩsɩ Krɩstʋ ñɩma yɔ, ɩwɛ sɩnaʋ yɔɔ nɛ pʋkɔɔ pɩsɩɩnɩ alɩwaatʋ tʋnɛ nɛ ɛ-Laŋhɛzɩyɛ Tɔm tɛzɩɣ cɔʋ.

Filiipu 1:5 ပူးပေါင်းရင်းမြစ်များ

Tʋma Labʋ 2:42

Ɛyáa ḿbá, pɛ-ɛsɩyɛ sɛnɩ tiyiyaa tɔm welesuu nɛ pa nɛ wɛ panɩɣnɩ ɖama nɛ palakɩ tindine tayʋʋ sɔnzɩ nɛ pɛsɛɣ Ɛsɔ.

Room 11:17

Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.

Room 12:13

Ɩsɩnɩ mɩ-taabalaa Ɛsɔ ñɩma mbá pɛwɛ kʋñɔŋ taa yɔ. Ɩmʋ mbá pɔkɔŋ mɩ-tɛ yɔ camɩyɛ.

Room 15:26

Mbʋ́ pʋyɔɔ yɔ, Yesu aŋgba wena awɛ Masedonii nɛ Akayɩ yɔ, a-taa ñɩma ɖʋwa se pɔcɔʋ nabʋyʋ nɛ pasɩnɩ kʋñɔndɩnaa mbá pɛwɛ Yeruusalɛm Ɛsɔ ñɩma taa yɔ.

1 Kɔrɛntɩ 1:9

Ɛsɔ weyi ɛya-mɩ se mɩ nɛ ɛ-Pɩyalʋ Yesu Krɩstʋ weyi ɛkɛ ɖa-Kɩpaɣlʋ yɔ ɩkpɛndɩ ɩla nɔɔ kʋɖʋmaɣ yɔ, ɛlakɩ mbʋ́ ɛɖʋwa se ɛlakɩ yɔ.

2 Kɔrɛntɩ 8:1

Taabalaa, ɖɩcaɣ se ɩtɩlɩ lootiye nɖɩ́ Ɛsɔ labɩ Masedonii egeetiye taa Yesu aŋgba taa ñɩma yɔ.

Efɛɛzɩ 3:6

Ńdʋ́ lɛ se: mbá pɛtɛkɛ Yuda ñɩma yɔ nɛ Yuda ñɩma, pɛkɛ tomnaɣ kʋɖʋmaɣ pilinzi. Ñɩm kʋɖʋmʋm Ɛsɔ ñɔɔzaa nɛ ɛsɩɩ-wɛ. Ñɩm kʋɖʋmʋm ɖɔɖɔ ɛɖʋwa se ɛhaɣ-wɛ pa nɛ Krɩstʋ Yesu pɛ-kpɛndʋʋ taa. Laŋhɛzɩyɛ Tɔm yɔɔ ɛtɩŋnaa nɛ ɛla ḿbʋ́.

Filiipu 1:12

Taabalaa! Mancaɣ se ɩtɩlɩ se mbʋ́ pɩtalɩ-m yɔ, halɩ piyeba nɛ ɖɩtɛzɩɣ Laŋhɛzɩyɛ Tɔm susuu.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Filiipu 2:22

Piyele ɛnʋ lɛ, ɩtɛm sɩm ɛ-yɔɔ se ɛlakɩ mbʋ́ ɛɖʋwa se ɛlakɩ yɔ: ɛsɩnɩ-m nɛ ma nɛ ɩ ɖɩla tʋmɩyɛ ɛzɩ pɩɣa nɛ ka-caa yɔ nɛ Laŋhɛzɩyɛ Tɔm tɛzɩɣ cɔʋ.

Filiipu 4:3

Piyele weyi ña ŋkɛ man-taabalʋ siŋŋ tʋmɩyɛ taa yɔ, mentendiɣ-ŋ ɖɔɖɔ se ŋsɩnɩ-wɛ. Mbʋ́ pʋyɔɔ yɔ, ma nɛ wɛ ɖɩlʋbɩnɩ Laŋhɛzɩyɛ Tɔm yɔɔ nɛ pɩkpɛndɩnɩ Klemaɣ nɛ taabalaa lɛlaa mbá pa-hɩla wɛ wezuu takayaɣ taa yɔ patɩŋa payɩ.

Fileemɔɔ 1:17

Pʋ-yɔɔ lɛ, yee ŋkpaɣ-m ɛzɩ ña-taabalʋ yɔ yɔ, mʋ-ɩ ɛzɩma mbʋ́ ŋmʋwaɣ-m yɔ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

1 Yohanɛɛsɩ 1:3

Điheyiɣ-mɩ mbʋ́ ɖɩnanɩ ɖɛ-ɛsɛ nɛ ɖɩnɩɩnɩ ɖa-nɩŋgbaaŋ yɔ se ɩkpɛndɩ ɖɔ-yɔɔ ɖa nɛ Caa nɛ ɛ-Pɩyalʋ Yesu Krɩstʋ ɖɛ-kpɛndʋʋ taa.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.