Filiipu 1:1 - New Testament

¹ Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

Filiipu 1:1 ပူးပေါင်းရင်းမြစ်များ

Maarkɩ 13:34

Tɩwɛ ɛzɩ ɛyʋ nɔɔyʋ ɖɛɣʋ nʋmɔʋ nɛ ɛ́yáa ɛ-tʋmlaɖaa nɛ ɛɖʋ paa weyi tʋmɩyɛ yɔ. Pʋwayɩ lɛ, eheyi ɖɩɣa yɔɔ ɖaŋɩyʋ se ɛɖaŋ kpam.»

Yohanɛɛsɩ 12:26

Yee nɔɔyʋ liu ɛwɛɛ se ɛlabɩ-m tʋmɩyɛ yɔ, ɛtɩŋ-m. Ḿbʋ́ man-tʋmlaɖʋ kɔŋ wɛʋ ɖenɖe mɛwɛɣ yɔ. Yee nɔɔyʋ ɛlakɩ-m tʋmɩyɛ yɔ, man-Caa ɖʋʋ-ɩ hɩɖɛ.»

Tʋma Labʋ 1:20

Ŋgʋ́, ɛ-tɔm pama Keɣsi Takayaɣ taa se: ‹Ɛ-ɖɩɣa ɛpɩsɩ njɛyɛ nɛ nɔɔyʋ ɛtaatasɩ sʋʋ ka-taa.› Patasɩ maʋ ɖɔɖɔ se: ‹Nɔɔyʋ ɛlɛɣzɩ e-lone taa nɛ ɛla ɛ-tʋmɩyɛ.›

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 9:13

Anaanɩyaasɩ cosi-i se: «Kɩpaɣlʋ! Ɛyáa sakɩyɛ heyi-m abalʋ ɛnʋ ɛ-tɔm nɛ pɛkɛdɩ-m ɛzaɣ́tʋ ndʋ́ ɛlabɩ ña-ñɩma mbá pɛwɛ Yeruusalɛm yɔ.

Room 1:1

Ma Krɩstʋ Yesu tʋmlaɖʋ Pɔɔlɩ, mamaɣnɩ-mɩ takayaɣ kanɛ, mɛnsɛ-mɩ. Ɛsɔ ya-m se mɛnkɛ Yesu tiyiyu nɛ ɛsɩ-m nɛ hɔɔlʋʋ se monsusi ɛ-Laŋhɛzɩyɛ Tɔm.

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

1 Kɔrɛntɩ 16:10

Yee Timootee ɛtalɩ mɩ-tɛ lɛ, ɩmʋ-ɩ camɩyɛ nɛ pɩkɛdɩnɩ-ɩ. Mbʋ́ pʋyɔɔ yɔ, ɛlakɩ Kɩpaɣlʋ tʋmɩyɛ ɖɔɖɔ ɛzɩ ma yɔ.

2 Kɔrɛntɩ 1:1

Ma Pɔɔlɩ weyi Ɛsɔ liu wɛɛ se mɛnkɛ Krɩstʋ Yesu tiyiyu yɔ nɛ taabalʋ Timootee ɖɩmaɣnɩ-mɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ nɛ Ɛsɔ ñɩma lɛlaa mbá patɩŋa payɩ pɛwɛ Akayɩ egeetiye tɩŋa taa yɔ.

Galaatɩ 1:10

Ɩmaɣzɩɣ se mɔyɔɔdʋʋ ḿbʋ́ yɔ, mancaɣ se ɛyáa ɩyɩɣyɩ-m yaa Ɛsɔ ɛyɩɣyɩnɩ-m? Ɩmaɣzɩɣ se malakɩ se pɩwɛɛ pɩkɛdɩɣnɩ ɛyáa naa we? Yee me-liu ɛɛwɛ ḿbʋ́ yɔ, mantaakɛnɩ Krɩstʋ tʋmlaɖʋ.

Galaatɩ 3:26

Mɩtɩŋa payɩ ɩkɛ Ɛsɔ piya: ɩwɛnɩ lidaʋ Krɩstʋ Yesu yɔɔ.

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Efɛɛzɩ 1:1

Ma Pɔɔlɩ weyi pɩkɛdɩnɩ Ɛsɔ nɛ eyele se mɛnkɛ Krɩstʋ Yesu tiyiyu yɔ, mamaɣnɩ takayaɣ kanɛ. Ɛsɔ ñɩma mbá mɩ ɩwɛ Efɛɛzɩ nɛ ɩtɩŋɩɣ Krɩstʋ Yesu nʋmɔʋ yɔ mamaɣ-kɛ.

Efɛɛzɩ 1:15

Ḿbʋ́ yebina nɛ kpaɣ kɩyakʋ ŋgʋ́ manɩ lidaʋ ŋgʋ́ ɩwɛnɩ Kɩpaɣlʋ Yesu yɔɔ yɔ nɛ sɔɔlɩm mbʋ́ ɩsɔɔlɩ Ɛsɔ ñɩma tɩŋa yɔ pɔ-tɔm lɛ,

Efɛɛzɩ 6:24

Ɛsɔ ɛla mbá patɩŋa payɩ pɔsɔɔlɩ ɖa-Kɩpaɣlʋ Yesu Krɩstʋ kámaɣ́ fɛyɩ yɔ lootiye!

Filiipu 2:19

Mantaɣ liu se yee Kɩpaɣlʋ Yesu etisaa yɔ, mentiyiɣni-mɩ Timootee kɩyakɩŋ ɩnɛ ɩ-taa nɛ pɩpɩzɩ pɩlabɩ-m leleŋ alɩwaatʋ ndʋ́ ɛpɩsɩɣ ɛkɔɔ nɛ eheyi-m mɩ-tɔm yɔ.

Filiipu 2:5

Ɩwɛnɩ wɛtʋ ndʋ́ Krɩstʋ Yesu kɛwɛna yɔ.

Filiipu 3:12

Maatɔŋ se mɛntɛm hiɣu pɩtɩŋa payɩ yaa mɛntɛm kɛʋ weyi ɛmʋnaa yɔ. Ɛlɛ́, mɔnɖɔŋ ñaɣʋ pana se mantalɩ nɛ mamʋ man-kɩhɛyʋʋ. Mbʋ́ pʋyɔɔ yɔ, Krɩstʋ Yesu tɛm-m mʋ́ʋ.

Filiipu 3:3

Mbʋ́ pʋyɔɔ yɔ, ɖɛkɛnɩ mbá pɛpɛlɩ-wɛ siŋŋ yɔ, pɩtɛkɛ ḿbá. Fezuu Kiɖeɖeu yɔɔ ɖɩtɩŋɩɣna nɛ ɖiluŋuu ɛ-tɛɛ nɛ ɖɩkʋndʋʋnɩ Yesu Krɩstʋ. Đɩɩtaɣ tomnaɣ yɔɔ pɛlʋʋ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

1 Tesalooniki 1:1

Ma Pɔɔlɩ, ma nɛ Silaasɩ nɛ Timootee ɖɩmaɣnɩ takayaɣ kanɛ. Đɩmaɣ-kɛ Krɩstʋ ŋgbɛyɛ taa ñɩma mbá mɩ ɩwɛ Tesalooniki nɛ ɩkɛ Caa Ɛsɔ nɛ Kɩpaɣlʋ Yesu Krɩstʋ pa-ñɩma yɔ. Đɩsɛ-mɩ: Ɛsɔ ɛlabɩ-mɩ lootiye nɛ ɛhɛzɩ mɩ-laŋa!

1 Tesalooniki 2:2

Ɩtɛm naʋ ɖɔɖɔ se pʋcɔ ɖɩtalɩ mɩ-tɛ lɛ, ɖɩɩlaba kʋñɔŋ siŋŋ nɛ patʋʋ-ɖʋ Filiipu tɛtʋ taa. Đɔɖɔ lɛ, ɛyáa cɛyaɣ-ɖʋ siŋŋ mɩ-tɛ. Paa ḿbʋ́ yɔ, Ɛsɔ yeba nɛ ɖisusi-mɩ ɛ-Laŋhɛzɩyɛ Tɔm kaalɛyɩtʋ.

2 Tesalooniki 1:1

Ma Pɔɔlɩ, ma nɛ Silaasɩ nɛ Timootee ɖɩmaɣnɩ Krɩstʋ ŋgbɛyɛ taa ñɩma mbá mɩ ɩwɛ Tesalooniki nɛ ɩkɛ ɖa-Caa Ɛsɔ nɛ Kɩpaɣlʋ Yesu Krɩstʋ pa-ñɩma yɔ takayaɣ kanɛ.

2 Tesalooniki 1:10

Puwiye ńɖɩ́ lɛ, ɛkɔŋ se pɩtɩŋnɩ ɛ-ñɩma yɔɔ nɛ ɛ-hɩɖɛ sɛɛ nɛ mbá pɛwɛnɩ lidaʋ ɛ-yɔɔ yɔ, patɩŋa payɩ payɩɣyɩ-ɩ. Ŋgʋ́, mɩ mitisi aseɣɖe nɖɩ́ ɖɩlɩzaa yɔ.

1 Timootee 1:2

Timootee, ña mamaɣ takayaɣ kanɛ. Ña lɛ man-pɩɣa siŋŋ, mbʋ́ pʋyɔɔ yɔ, ña ɖɔɖɔ ŋwɛnɩ lidaʋ ɛ-yɔɔ. Mɛnsɛ-ŋ: Caa Ɛsɔ nɛ ɖa-Kɩpaɣlʋ Krɩstʋ Yesu palabɩ-ŋ lootiye nɛ pana ña-pʋtɔdɩyɛ nɛ pɛhɛzɩ ña-laŋɩyɛ.

1 Timootee 3:8

Pʋwɛɛ se mbá pɛkɛɣ tayɩyaa Yesu ŋgbɛyɛ taa yɔ, pɛkɛ ɛyáa kʋtʋʋzaa, pataawɛnɩ nɔsɩ naalɛ naalɛ. Pɩfɛyɩ se pɔñɔɔ sʋlʋm nɛ pɩkɩlɩ-wɛ yaa pomuli lɛlaa se pehiɣ kɛzɛɣa.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Tiiti 1:7

Mbʋ́ pʋyɔɔ yɔ, weyi ɛcɔŋnɩ Yesu ŋgbɛyɛ taa ñɩma yɔɔ yɔ, Ɛsɔ ɖʋnɩ-ɩ se ɛlabɩ-ɩ tʋmɩyɛ. Pʋ-yɔɔ lɛ, pɩtamʋnɩ se pana kawanaɣ nakɛyɛ ɛ-yɔɔ. Pɩfɛyɩ se ɛkpazɩ ɛ-tɩ yaa ɛkɛ pana tʋ yaa sʋlʋm kpaŋɩyʋ yaa weyi ɛwɛ helu helu yɔ yaa weyi emuluu ɛyáa se ehiɣ kɛzɛɣa yɔ.

Fileemɔɔ 1:1

Pɔɔlɩ weyi ma paɖʋ-m salaka se malakɩ Krɩstʋ Yesu tʋmɩyɛ yɔ, ma nɛ ɖa-taabalʋ Timootee ɖɩmaɣnɩ takayaɣ kanɛ. Fileemɔɔ weyi ña ŋkɛ ɖɛ-ɛgbaɣdʋ nɛ ɖa nɛ ŋ ɖɩlakɩ tʋmɩyɛ kʋɖʋmɖɩyɛ yɔ, ña

Ebree 13:23

Ɩtɩlɩ se palɩzɩ ɖa-taabalʋ Timootee nɛ salaka taa. Yee ɛtalɩ lɔŋ yɔ, ma nɛ ɩ ɖɩkɔŋna nɛ ɖɩna-mɩ.

Yakubu 1:1

Ma Yakubu weyi ɛkɛ Ɛsɔ nɛ Kɩpaɣlʋ Yesu Krɩstʋ pa-tʋmlaɖʋ yɔ, mamaɣnɩ takayaɣ kanɛ Ɛsɔ ñɩma mbá mɩ ɩmɩzɩnɩ kedeŋa kpeekpe yɔɔ yɔ. Ɩsɛɛ ɖeu!

1 Pɩyɛ 2:25

Đooo lɛ, ɩɩwɛ ɛzɩ heŋ weyi ileba yɔ. Ɛlɛ́, lɛɛlɛɛyɔ ɩpɩsaa ɩkɔɔ Krɩstʋ ɛnʋ ɛ-cɔlɔ. Ɛnʋ lɛ ɖiyiyu weyi ɛcɔŋnɩ mɩ-yɔɔ yɔ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

Yuudi 1:1

Ma lɛ Yuudi weyi ɛkɛ Yesu Krɩstʋ tʋmlaɖʋ nɛ Yakubu neu yɔ. Mamaɣnɩ takayaɣ kanɛ mbá mɩ Caa Ɛsɔ ya-mɩ yɔ. Mɩ ɛsɔɔlaa nɛ ɛsɩɩ-mɩ nɛ hɔɔlʋʋ se ɩkɛ Yesu Krɩstʋ ñɩma.

Wɩlʋʋ 1:1

Mbʋ́ mbʋ́ Yesu Krɩstʋ wɩlaa yɔ, pʋ-tɔm pama takayaɣ kanɛ ka-taa. Ɛsɔ wɩlɩnɩ-ɩ-pʋ se ɛwɩlɩ ɛ-tʋmlaɖaa nɛ pana mbʋ́ pʋkɔŋ labʋ alɩwaatʋ pazɩ taa yɔ nɛ ɛtɩŋnɩ e-tiyiyu yɔɔ nɛ ɛwɩlɩ-pʋ ɛ-tʋmlaɖʋ Yohanɛɛsɩ.

Wɩlʋʋ 1:20

Ŋnaɣ tɩɩnzɩ lʋbɛ nzɩ́ ŋna me-nesi kɩbanzɩ taa yɔ nɛ kanɖʋnaa lʋbɛ mbá palabɩ-wɛ nɛ sika yɔ, pɔ-tɔm ndʋ́ tɩwɛ mɛsaɣ tɛɛ yɔ tɩ-tɔbʋʋ: tɩɩnzɩ lʋbɛ ńzɩ́ lɛ Ɛsɔ tiyiyaa mbá ɛsɩwa se pɔcɔnɩ Krɩstʋ aŋgba lʋbɛ ana a-yɔɔ yɔ. Piyele kanɖʋnaa lʋbɛ lɛ aŋgba ana a-lʋbɛ.»

Wɩlʋʋ 19:10

Peeɖe mɔntɔlɩ ɛ-naŋgbanzɩ tɛɛ se moluŋ ɛ-tɛɛ. Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa mbá pɔɖɔkɩ aseɣɖe nɖɩ́ Yesu lɩzaa yɔ. Ɛsɔ tɛɛ pʋwɛɛ se ŋluŋ!» Aseɣɖe nɖɩ́ Yesu lɩzɩɣ yɔ, ńɖɩ́ seɣtiɣni náyaa.

Wɩlʋʋ 2:12

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Pɛɛrgam Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ, mɔntɔŋna se:

Wɩlʋʋ 2:8

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Smiirnɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Nʋmɔɖɛyʋ nɛ Ɛɖɩɣyɛ nɛ maasɩba nɛ menfe yɔ, mɔntɔŋna se:

Wɩlʋʋ 22:9

Ɛlɛ́, eheyi-m se: «Taala ḿbʋ́! Mɛnkɛ Ɛsɔ tʋmlaɖʋ ɛzɩ ña nɛ ña-taabalaa náyaa nɛ mbá pɔɖɔŋ takayaɣ kanɛ ka-taa tɔm yɔɔ yɔ. Ɛsɔ tɛɛ pʋwɛɛ se ŋluŋ!»